Bibliotheca Arnamagnæana - 01.10.1950, Page 114

I oo
HISTORIA JOMSBURGENSIUM
uno ore se jussis domini obtemperaturos recipiunt, et jam dudum
caput periculis objectare paratos significant.
Haqvinus igitur socios rectå ad classem Gullharaldi naves
dirigere buccinaqve signum dåre jubet. Qvo facto Gullharaldi
comites perterrefacti Haqvinum interrogabant, qvæ sit ejus
intentio qvodve propositum. Haqvinus respondet: Duas vobis
conditiones oblatas noveritis, qvarum utram libuerit, eligite, aut
ut manus mecum jam nunc conseratis, aut ut Gullharaldum nobis
vinctum detis. Illi se Haqvino viribus impares esse sentientes
ducem suum Gullharaldum hostibus pro arbitrio illudendum et
13 affligendum tradunt, qvem variis contumeliis et injuriis affectum
Haqvinus ex arbore suspendi curavit, se hoc modo Haraldi Gra-
feld cæterorumqve Norvagorum in acie cæsorum mortern ultum
esse simulans.
Hine thesauris omnibus Gullharaldi ad se translatis, Haral-
dum Gormonis Regem Daniæ convenit, ejus se judicio submit-
tens. Rex eum liberum pronunciat, et si qvid injusté fecerit,
libenter condonat. Multi hic ex eorum gestibus et colloqviis
amicissimis collegerunt, eos tam in Gullharaldi qvam Regis
Haraldi Grafeld necem conspirasse.
Rex Haraldus Haqvinum toti Norvagiæ præfeeit, sed hac
lege, ut, si qvando bellum Haraldo indiceretur auxiliumqve
Haqvini imploraret, ille exercitu ex omni Norvagia collecto in
Daniam, nulla interposita mora, proficisceretur. Regem item,
qvoties ei injungeretur, communicandorum consiliorum causa
convenire tenebatur. Præterea tributa qvotannis solvere jube-
batur.
Hac pactione confirmata, é Dania in Norvagiam auro et
argento (duas enim archas, qvas é navibus Gullharaldi eripuerat,
thesauris et gemmis preciosissimis repletas et tantæ magnitudinis
et ponderis, ut duo viri å terra eas vix levare possent, secum
evexit) onustus vela dedit.
6 nobis 1778. 15 Gulharaldi 1778 (sic etiam w. IQ, 29). 16-17 ejus — submittens]
ejusque se judicio submittit 1778. 19 eos tam] tam eos 1778. 20 Grafed 1778. 31-
32 secum evexit] -7- 1778.
5
10
15
20
25
30