Bibliotheca Arnamagnæana - 01.10.1950, Page 216

202
SUPPLEMENTUM HIST0RIÆ NORVAGICÆ
Erat autem Russiæ lex, ut si qvis hominem indemnatum,
qvantumvis reum, occideret, proprio id lueret capite; qvocirca
omnes puerum homicidam capiendi gratiå seqvuntur; nec is
tumultus sine armis sopitus est. Regina enim, in cujus pallatium
puer confugerat, å Sigvardo rogata armatos satellites perse-
qventium rabiei objecit, ac deinde Sigvardus å Rege Valdemaro
obtinuit, ut pueri vita certå pecuniæ summa redimeretur.
CAPUT II
Olai Indoles et successus milltares, conjugia, fidei tyrocinia
et profectus.
Hine cum Valdemarus de Olai parentibus et regii sangvinis
jure certior factus est, coepit eum adolescentem magni facere et
jam tum duodecennem in militiis tyrociniis exercere, qvi deinde
sex solum navibus å Valdemaro acceptis tantum profecit, ut
auctis paulatim viribus aliqvot provincias et urbes exterorum
potentia ab imperio Russico alienatas denuo in Valdemari
potestatem paucorum annorum spacio redigeret. Annum ætatis
XVIII. ingressus Olaus coepit animum ad hæriditatem avitam
Norvegiæ, sc. regnum, appellare. Qvare navibus et sodalitio å
Valdemaro impetrato ventis validis est sub tempus anni autum-
nale in Vandaliæ portum delatus, ubi et jam hybernabat ac ducta
in uxorem Burislai Vandalorum Regis filiå vidua, Geira nomine,
mariti defuncti ditionem virili prudentiå inter varias vicinorum
incursiones administrante multas ex vicinis urbibus ipsius ditioni
adjecit.
Transactå hyeme Olaus Hallandiam, Scaniam et Gottlandiam
prædabundus attigit, qvo tempore cum audiret Otthonem III
Imperatorem Rom. Haraldo Gormonis bellum inferre, nec
tamen respondere votis Imperatoris belli fortunam, audiretqve
etiam socerum Burislaum in exercitu Imperatoris pugnare, in
Cæsaris castra sese contulit. Qvi cum in expugnanda munitione
seu vallo Danavirke frustra laboraret, Olai Tryggonis consilio
et prudentiå qvod voluit tandem effecit (vide rerum Danicarum
historiam).
5
10
15
20
25
30