Bibliotheca Arnamagnæana - 01.10.1950, Side 228

214
SUPPLEMENTUM HISTORIÆ NORVAGICÆ
velitne se vicissim de suo nomine interrogare? Kiartanus scire
velle negat. Tum Rex: Scies nihilominus, inqvit. Ego Olaus sum
ille Tryggonis R. Norveg., nec est qvod te å me victum doleas;
nullus enim vitio tibi id vertet, cum ego hactenus in his et
similibus exercitiis vix ullum parem, superiorem nullum habuerim.
Kiartanus averso vultu discessum parat. Revocat Olaus et, ut
ludendi, non irascendi animo ad natandi certamen accessisse
videatur, monet; nec sine honorario dimissum1 ad colendam
benevolentiam suam tandem allexit.
Autumnus erat solito frigidis tempestatibus acerbior, id qvod
novitiis Christianorum moribus et Regi horum præconi ascribe-
bant incolæ ethnici. Paulo post mitescente aéris temperie incola-
rum non exiguus numerus Nidrosiam confluxit.
Hybernabant Nidrosiæ, qvos 3 navibus adfuisse diximus Is-
landi. Cumqve inclinatå jam nonnihil brumå conventum Rex
freqventissimum indixisset Nidrosiæ, confluunt eo inter reliqvos
ethnicos et ipsi ethnici, qvi tum præsentes fuere, Islandi. Ibi Rex
Olaus ut alias sæpe prolixa et diserta oratione de religione
Christiana disserebat, suis consiliis et voluntati obseqventes
amicé tractabat, præfractis et contumacibus mortern et omnia
mala minabatur. Finito conventu Rex coricæos ad hospitium
Islandorum mittit, qvi illorum sermones et colloqvia diligenter
notent. Hi, postqvam mero animus incaluit, varios de habito
conventu et religionis mutatione sermones serunt. Qvæsitum est
inter alia, qvidnam consilii capiendum esset, si ad accipiendam
fidem Christianam inviti raperentur? Finxit imprudentem au-
daciam Kiartanus: Ex duobus, inqvit, unum eligamus, aut
oblatam religionem accipiamus, aut regiam de nocte incendio
et armis aggrediamur et qvidvis prius tentemus qvam virtutem
nostram cogi sinamus. Tum sociis id dissvadentibus: Vestrå
causa id dixi, ait, non meå, ut videretis timiditate meå nihil
vestræ fortitudini detractum iri. Mihi autem, si meo Marte
agere debeam, prior conditio potior censetur. Hæc ubi å coricæis
ad Regem Olaum Trygg. delata sunt, concionem postridié con-
vocat et qvisnam Islandorum tam temeré audax fuerit, qvod
Regi voluerit ferro et igni vim parare, reqvirit. Kiartanus ilico
5
10
15
20
25
30
35
1 demissum cod.