Bibliotheca Arnamagnæana - 01.10.1950, Page 354

340
RERUM DANICARUM FRAGMENTA
CAP. VIII
Fridleifus II, XV1I1 Rex Daniæ.
Fridleifus patrem in regno proximé secutus est; is intra regni
sui limites neqve idola coli voluit neqve incantamenta vel artes
magicas exerceri; etenim omnem spem in propria virtute et armis
sitam habuit. Ad regni defensionem fortissimorum athletarum
et pugilum delectu sese instruxit, qvos etiam habuit liberaliter.
In his famosissimus pugil Starcardus, nuper ex peregrinatione
Italica, Rusica, Hungarica reversus, qva ut aliis plurimis æter-
nam suæ fortitudinis memoriam reliqverat.
Nota.
Saxo lib. 6. Starcaterum multimanum, ut ita loqvar, tan-
qvam centimanum illum Gygen commemorat; eiqve omnia
qvæ de famoso hoc Starcardo dicuntur attribuitur. Cæterum
nostræ historiæ aliter. Hune enim Starcardum, qvem pluri-
mum å fortitudine Saxo commendat, tradunt fuisse prioris
illius Starcardi (qvem Octimanum vocitant) nepotem. Octi-
manus siqvidem Starcardus immanis gigas, Storverki filius,
ut reeté Saxo scripsit, filiam Alfi Regis Norvegiæ in Alff-
heim rapuit Alfhildam; ex qva filium, avi nornen haben-
tem, Storverkum suscepit. Qvi Starcardus deinde å Thoro
Deo ethnico, ad hoc ab Alpho prædicto Rege conducto, ob
raptum filiæ irato, occisus est, manibus primum evulsis;
eum enim in sinu Finnico in solitaria cymba1 depræhendisset,
qvem etiam ibidem demersum suffoeavit. Deinde Starcardi
lares petens Alfhilldam ad patrem reduxit. Ei natus, ut
dixi, ex gigante octimano Storverkus. Hic ex Unna filia
baronis Halogiensis, qvam postea adultus rapuit, hunc
præsentem Starcardum suscipit; de qvo nos(tri) hoc loco
et in qvædam reliqva imposterum Saxoni congruunt.
Fridleifus Hildam Alonis Opplandorum Regis in Norvegia
filiam2 rapuit, sibi conjugio vinxit; ex ea filius Alo, ex altera
Frodo.
5
10
15
20
25
30
* Cimba cod. ^ filium cod.