Bibliotheca Arnamagnæana - 01.10.1950, Page 362

348
RERUM DANICARUM FRAGMENTA
noctans, loricam et clamydem ab eodem crastino die oblatam
accipere recusavit; cumqve paululum inde fuissent progressi,
tugurium disparuit. Cognovit igitur certo Rolpho hunc fuisse
Odinum bellantium Deum: et sibi ob spreta oblata arma victo-
riam in posterum denegatam ac proinde extremum fatum instare. s
lam igitur multis annis å turbis et tumultibus qvievit.
Cæterum et hunc sua prævenere fata: nam ipsius sororius
Hiørvardus, olim prælio subactus, occultum Rolfonis fovebat
odium: qvod et tandem hac calliditate explere poterat. Consen-
tiente in suum propositum uxore Scullda, Rolfonis sorore vt 10
dictum est, imo etiam instigante, misit qvi suo nomine biennij
tributorum remissionem å Rolfone peterent: id qvod Rolfo
sororio non gravate concessit. Qva pecuniæ summa Hiorvardus
vicinos principes sibi devinciebat, adqve arma secum contra
Danum summenda qvovis alio modo et prece et precio alliciebat; is
certum habens Odinum (qvem illi ut Martem alterum colebant,
eo qvod in bello cadentes Odino mactati dicerentur) Dano ira-
tum1 victoriam sibi destinasse. Tertio igitur anno (biennium
enim, ut diximus, tributa condonata sunt) Hiorvardus in Selan-
diam aliqvot navibus vectus, tributum solvere velle simulat. Sub 20
noctem in portu ab Lethra (qvæ regia fuit) non procul distantem
constitit; mittuntur obviam currus non pauci, qvi merces navibus
expositas asportent, qviqve ob imminentas tenebras juxta portum
noctu commorantur. Cæterum Hiørvardus aurigas noctu captos
in vincla conjicit, et currus omnes milite complet, stragulis aliis 25
atqve aliis obtectos2; interea silente nocte et sub crepusculum
matutinum Hiørvardi classis reliqva, qvæ certe procul inde non
affuerat, in portum paulatim colligitur; nulla mora: præter
militem curribus inclusum mediocris numerus peditum Regi Hiør-
vardo adjunctus (velut pompæ gratia) inseqvitur; pergunt, ante 30
portas oppidi comparent; qvibus etiam sine ulla dilatione aut
inqvisitione, vt tributum seu vectigal, non militem inferentibus,
aperiuntur. Hostis autem ut portas urbis occupat, relictus ad
naves exercitus numero maximus affluit (et invadit) infelicem
Rolphonem, interim somno gravi sepultum, civesqve incautos, 35
qvi non aliter oppido suo per custodes et excubias prospexerunt;
1 iratam cod. 2 obtcetos cod.