Bibliotheca Arnamagnæana - 01.10.1950, Síða 418

404 RERUM DANICARUM FRAGMENTA
licti alicujus fuissent convicti, in æqvali habuit pretio nec ulli
parcebat, multorum in se odium derivavit. Omnibus qvoad ejus
fieri potuit inviolato justitiæ et virtutis rigore benefecit; fratrem
Ericum eodem qvem ipsemet antea ab Haraldo fratre habuit
Selandiæ comitatu ditavit.
Uxorem duxit Edlam filiam Baldevini ducis Flandrensis, ex
qva filium Carolum suscepit. Cæterum Canutus, etsi virtutum
pené omnium sui haberetur temporis antistes, humanam tamen
est nonnunqvam imbecillitatem expertus. Fama est, cum ruri å
pastore qvodam ecclesiastico convivio exciperetur, pastoris uxo-
rem forma satis egregia exarsisse1. Vnde ejus noctem Rege Ca-
nuto per famulos petente, cum voluntati ipsius nemo resistere
præsummeret, ea vesperi in cubile Regis ducitur, ambo lectum
eundem (Rex et pastoris uxor) conscendunt, discedentibus pedi-
seqvis. Tum fæmina castissima: Domine, ait, et Rex optime, qvi
hujus regni non modo armis potentissimus, sed ipsa qvoqve vir-
tute plane divina pater ac parens ex(s)istis longe dignissimus, illis
siqvidem subditos atqve regni incolas rerum humanarum maximo
detrimento, nempe bello et dissidio, fortissimé prohibes; hac vero
tanqvam gradibus qvibusdam rempublicam cælum ascendere do-
ces; te, inqvam, Rex christianissime, per virtutem tuam rogo
atqve obsecro, ut qvi virtute aliis præluces nullam virtuti inju-
riam aut fieri ab aliis sinas, aut sciens volensqve ipse facias,
perqve virtutis dignitatem te obtestor, ut me tam certo nunc voti
compotem facias, qvam te å Rege illo summo Deo justissimo
omnium vindice in examine mortalium ultimo atqve celeberrimo
exauditum iri cupis; fac, precor, saltim obtineam, ut te virtutum
omnium speculum toto tempore in regno tuo splendentem tute
una horula non contamines et obscurum reddas, tuumqve pro-
positum mutes. Rex Canutus fæminæ pudicissimæ pietate et pre-
cibus motus eå intacta in aliud cubiculum discessit. Hine crastina
qvoqve die å pastore veniam precatus annulo donavit eum aureo.
5
10
15
20
25
30
1 cxarcisse cod.