Bibliotheca Arnamagnæana - 01.10.1950, Page 462

44§ RERUM DANICARUM FRAGMENTA
de Wandalis tam freqventes cum Canuti, tum Waldemari, se-
cundum Deum Absalonis archiepiscopl prudentiæ et fortitudini
bellicæ1 debentur.
CAP. II
De Absaloni(s) archiepiscopl majoribus.
Qvia autem Absaloni(s) mentio facta est, qvi tam fidelem ope-
ram Waldemaro et filio Canuto in rebus gerendis præstitit,
visum hic est narratiunculam de ipsius majoribus aliunde repe-
titam attexere. Oriundus erat hic celeberrimus Absalon viro Is-
lando nomine Reff et fæmina Grønlandica ejusdem conjuge,
Helga vocata. Natus autem est Reff in pago occidentalis Islan-
diæ Kvennabrechu, non procul ab anno C. 1015, ante vel post
paulo, patre Stenone et Thorgerda matre. In pueritia autem et
etiam jam pene adolescens segni ocio torpere visus est, sed in
hoc torpore incredibile ingenij ad omnes res gerendas acumen
delituit et animus pariter generosus ac constanti severitate præ-
ditus, in secundis minimé luxurians, in adversis infractus. Apud
avunculum degens adolescentiæ jam annos ingressus navim one-
rariam nullo monstrante magistro affabré fecit, qva in Grøn-
landiam vectus apud Bernonem qvendam habentem pagum no-
mine Hlijd divertit; ejus filia Helga in uxorem ducta, decedente
paulo post socero, in omnium bonorum relictorum jus et posses-
sionem succedit. His nati filij, Steno circa annum 1030, Biørno
1032, Thormodus 1036. Iamqve totos novem annos in prædicto
Grønlandiæ pago qvieté vixerat, cum å vicinis contumeliosa inju-
ria ad cruenta ausa lacesseretur. Injuria hæc fuit. Vicinum pagum
nomine Vijg seu Wijk habitabat qvidam Thorgisellus Wijkur-
shalle2. Is filios habuit 4, homines fastu et maleficentia notos,
cujusmodi ipse pater Thorgisellus. Islandus autem ille Reffus
rebus agendis semper intentus eo etiam anno (puta 1039) navim
bene magnam in fabrica habuit in vicino domui suæ littore, unde
sæpius bene sero vespere redire domum solitus est. Semel igitur,
ut in medio est itinere, ursum terribilem haud procul abesse
videt. Qvare cum inermis esset, ad officinam suam pedem retro
5
10
15
20
25
30
1 bellici cod. 2 Wijkueshalle cod.