Bændablaðið - 27.01.2022, Blaðsíða 47

Bændablaðið | Fimmtudagur 27. janúar 2022 47
A Wendel ehf.
Tangarhöfða 1, 110 Reykjavík,
S:551 5464 - wendel@wendel.is
www.wendel.is
Hilltip Icestriker 900–1600L
Salt og sanddreifari í tveim
stærðum fyrir stóra pallbíla og
minni vörubíla. Rafdrifinn 12V.
Hilltip Icestriker 380–550L
Salt og sanddreifarari í tveim
stærðum, fyrir minni pallbíla.
Rafdrifinn 12V.
Hilltip Icestriker 600 TR
Rafdrifinn kastdreifari
fyrir dráttarvélar m/öflugum
efnisskömmtunarbúnaði.
Hilltip Snowstriker VP
Fjölplógur fyrir pallbíla, minni
vörubíla og jeppa. Fáanlegur í
185–240 cm breidd.
Hilltip Snowstriker SP
Snjótönn fyrir pallbíla, minni
vörubíla og jeppa. Fáanleg í
165–240 cm breidd.
Hilltip Fjölplógur MVP
Fjölplógur fyrir ameríska
pallbíla t.d. RAM 3500,
GMC 3500 og FORD 350.
Sunna-Rós frá Úlfljótsvatni
Næsta hryssa í sætaröð heiðurs­
verðlaunahryssna árið 2021 er
einnig frá Úlfljótsvatni og ræktuð af
Snæbirni Björnssyni en hún heitir
Sunna­Rós og er í eigu Björns Þórs
Björnssonar. Sunna­Rós er undan
heiðursverðlaunahestinum Keili
frá Miðsitju og Angadótturinni
Prinsessu frá Úlfljótsvatni.
Sunna­Rós kom fram á
Landsmótum 2006 og 2008 en hæst
hlaut hún 8.33 í aðaleinkunn og
8.52 fyrir hæfileika sem klárhryssa
þar af 9.5 fyrir tölt og vilja og
geðslag.
Af afkvæmum Sunnu­Rósar
ber helst að nefna gæðinginn
Hönsu frá Ljósafossi undan
Hákoni frá Ragnheiðarstöðum
með 8.77 í aðaleinkunn og 9.05
fyrir hæfileika, með 9.5 fyrir
skeið og vilja og geðslag, einnig
hlaut hún fimm níur; fyrir bak og
lend, hófa, tölt, brokk og fegurð
í reið. Hún stóð önnur í flokki
sex vetra hryssna á Landsmóti
2016. Sunna­Rós gefur bæði
alhliða­ og klárhross. Hún hlýtur
heiðursverðlaun fyrir afkvæmi með
117 stig fyrir aðaleinkunn þar sem
réttleiki, tölt og samstarfsvilji eru
hennar sterkustu kostir.
Hrísla frá Sauðárkróki
Í fimmta sæti er Hróðursdóttirin
Hrísla frá Sauðárkróki, ræktuð af
Guðmundi Sveinssyni og í eigu
Hönnu Kristínar Pétursdóttur. Móðir
Hríslu er Viðja frá Sauðárkróki
undan Otri frá Sauðárkróki. Hrísla
er með 116 stig í kynbótamati
aðaleinkunnar og fimm dæmd
afkvæmi.
Hrísla var sýnd einu sinni og hlaut
þá fimm vetra 8.35 í aðaleinkunn
þar af 8.48 fyrir hæfileika en hún
fékk 9.0 fyrir háls, herðar og bóga,
prúðleika og vilja og geðslag.
Af afkvæmum Hríslu er hæst
dæmdur Álmur frá Reykjavöllum
undan Narra frá Vestri­Leirárgörðum
og var annar í flokki sjö vetra og
eldri stóðhesta á Fjórðungsmóti
Vesturlands 2021 með 8.46 í
aðaleinkunn, 8.56 fyrir sköpulag
og 8.41 fyrir hæfileika. Kvistur
frá Reykjavöllum undan Tindi frá
Varmalæk er annað hæst dæmda
afkvæmi Hríslu með 8.30 í
aðaleinkunn, jafn á bæði sköpulag
og kosti. Hann hefur talsvert komið
fram í keppni með góðum árangri.
Af fæddum afkvæmum Hríslu er
aðeins ein hryssa dæmd af tveimur 6
vetra og eldri þannig að kynbótamat
fyrir mætingu er lægra en ef hlutfall
sýndra hryssna væri hærra. Hrísla
skilar vel sínum kostum til afkvæma
sem eru prúð, ásækin og þjál hross
með öruggt skeið sé það fyrir hendi.
Rán frá Þorkelshóli 2
Rán frá Þorkelshóli 2 hlýtur
heiðursverðlaun fyrir afkvæmi á
grunni 121 stigs í kynbótamati
aðaleinkunnar án skeiðs og er
sjötta í röðinni. Ræktandi hennar
er Ulla Kristin Lundberg en hún er
í eigu Hólaborgar ehf og Kristinu
Forsberg.
Rán er undan Roðasyninum
Platon frá Þorkelshóli 2 og Báru
frá sama bæ, sem var undan Funa
frá Hrappsstöðum. Rán er því undan
ósýndum foreldrum sem hafa afar fá
dæmd afkvæmi. Rán var sýnd sem
klárhryssa með 8.12 í aðaleinkunn
þar af 8.54 fyrir sköpulag með 10
fyrir fótagerð, 9.5 fyrir prúðleika og
9.0 fyrir tölt. Þessum eiginleikum
skilar hún vel til sinna afkvæma en
hæst stiga fyrir kynbótamat einstakra
eiginleika er 137 stig fyrir fótagerð
og 127 stig fyrir prúðleika.
Af afkvæmum Ránar er hæst
dæmd Blysfaradóttirin Ronja frá
Hólaborg með 8,47 í aðaleinkunn
með 8.60 fyrir hæfileika þar af 9.0
fyrir tölt og samstarfsvilja. Rökkvi
frá Hólaborg undan Vökli frá Árbæ
er annað hæst dæmda afkvæmi Ránar
með 8.26 í aðaleinkunn, sýndur
sem frábær klárhestur með sjö
sinnum 9.0 fyrir dæmda eiginleika
og hefur hann byrjað ágætan feril
á keppnisbrautinni. Sýnd afkvæmi
Ránar eru upp til hópa klárhross sem
eru viljagóð og samstarfsfús og fara
vel í reið með fallegum hreyfingum.
Framtíð frá Ketilsstöðum
Í sjöunda sæti heiðursverðlauna­
hryssna árið 2021 er Framtíð
frá Ketilsstöðum ræktuð af
Bergi Jónssyni og í eigu Bjarna
Stefánssonar.
Framtíð er undan heiðurs­
verðlauna hestinum Sveini­
Hervari frá Þúfu og Kolfreyju frá
Ketilsstöðum. Framtíð var sýnd
á Landsmóti 2006 með 8.37 í
aðaleinkunn í flokki fimm vetra
hryssna og endaði í sjötta sæti.
Afkvæmi hennar eru klárhross
með tölti með einkar góða hófa,
sköpulag almennt, hægt stökk og
fegurð í reið. Framtíð hefur 123 stig
fyrir kynbótamat aðaleinkunnar án
skeiðs með fimm dæmd afkvæmi.
Af kostum ber helst að nefna
heildarsköpulag með 122 stig þar
sem hófar eru besti eiginleikinn og
af kostum er hæga stökkið og fegurð
í reið hæst í mati. Toppsdóttirin
Framsýn frá Ketilsstöðum er hæst
dæmda afkvæmi Framtíðar og kom
hún fram á Landsmótum 2016 og
2018. Hæsti dómur Framsýnar
er 8.21 í aðaleinkunn þar af 8.56
fyrir sköpulag og 7.98 sýnd sem
klárhryssa
Sædísi frá Stóra-Sandfelli 3
Síðast ber að nefna Sædísi frá
Stóra­Sandfelli 3 undan Huga
frá Hafsteinsstöðum og Glódísi
frá Stóra­Sandfelli 2, ræktuð og í
eigu Gunnhildar Garðarsdóttur og
Hallfreðs Elíassonar. Hún hlaut 117
stig í kynbótamati aðaleinkunnar án
skeiðs með fimm dæmd afkvæmi.
Sædís var sýnd 5 vetra í sinn
hæsta dóm og stóð efst í flokki
fimm vetra hryssna á Fjórðungsmóti
á Fornustekkum árið 2003. Þar
hlaut hún sýnd sem klárhryssa 8.41
í aðaleinkunn, þar af 8.47 fyrir
hæfileika með 9.5 fyrir fegurð í reið
og fimm níur; fyrir háls, herðar og
bóga, tölt, hægt tölt, brokk, stökk
og vilja og geðslag. Hún virðist
skila þessu vel til afkvæma sinna
sem eru yfirleitt afbragðs klárhross
með tölti en tvö afkvæmanna skeiða
þokkalega. Töltið er kosta best,
rúmt, hágengt og takthreint. Þau
eru viljug og þjál og fara vel í reið.
Af afkvæmum Sædísar er
hægt að nefna þá sem hæst dæmd
er, Álfarinsdótturina Eyvöru frá
Lönguhlíð með 8.30 í aðaleinkunn.
Haukur frá Lönguhlíð hlaut 8.29
í aðaleinkunn með 9.0 fyrir hófa,
tölt og brokk og að lokum má nefna
gæðingsklárhryssuna Sævöru frá
Lönguhlíð með 9.5 fyrir tölt, undan
Kjerúlf frá Kollaleiru.
Þessar heiðurshryssur voru
verðlaunaðar á hrossaræktarráðstefnu
Fagráðs í hrossarækt sem haldin var
28. nóvember síðastliðinn.
Sunna-Rós frá Úlfljótsvatni var i fjórða sæti heiðursverðlaunahryssna 2021.
Hrísla frá Sauðárkróki var í fimmta sæti heiðurverðlaunahryssna 2021.
Rán frá Þorkelshóli 2 var í sjötta sæti heiðurverðlaunahryssna 2021.
Framtíð frá Ketilsstöðum var i sjöunda sæti heiðursverðlaunahryssna 2021.
Sædísi frá Stóra-Sandfelli 3 var i áttunda sæti heiðursverðlaunahryssna 2021.