Skessuhorn - 04.04.2022, Blaðsíða 6

MIÐVIKUDAGUR 4. MAÍ 20226
Freyja Þöll
áfram
HVALFJ.SV: Freyja Þöll
Smáradóttir, sem hefur gegnt
tímabundið starfi félagsmála­
stjóra í Hvalfjarðarsveit frá
1. október á síðasta ári, hef­
ur nú verið ráðin ótímabund­
ið til starfa hjá sveitarfélaginu.
-vaks
Óbreytt ráðgjöf í
rækjuveiðum
SNÆFELLSNES: Hafrann­
sóknastofnun ráðleggur í sam­
ræmi við varúðarsjónarmið að
rækjuafli á svæðinu við Snæ­
fellsnes frá 1. maí 2022 til 15.
mars 2023 verði ekki meiri en
393 tonn. „Engar nýjar upp­
lýsingar liggja fyrir um stofn­
stærð rækju við Snæfellsnes
þar sem ekki voru farnir stofn­
mælingaleiðangrar árin 2021
og 2022. Því er ekki hægt að
uppfæra ráðgjöfina og er ráð­
gjöfin í ár því sú sama og fyrir
síðasta fiskveiðiár,“ segir í til­
kynningu frá Hafró. -mm
Fordæma
hópuppsögn
Eflingar
VESTURLAND: Trún­
aðarráð Stéttarfélags Vest­
urlands samþykkti álykt­
un á fundi sínum síðastliðinn
fimmtudag, sem haldinn var
í Alþýðuhúsinu í Borgarnesi.
Þar kemur fram að trúnaðar­
ráðið telji að stéttarfélög
sem launagreiðendur, eigi að
vera til fyrirmyndar og koma
fram af lipurð og virðingu
við starfsfólk sitt, á sama hátt
og þau krefjast þess af öðr­
um launagreiðendum. „Trún­
aðarráð Stéttarfélags Vestur­
lands tekur undir fordæm­
ingu forseta ASÍ á þeim gjörn­
ingi forystu Eflingar að ráðast
í hópuppsögn á starfsmönnum
sínum og harmar þær árás­
ir sem forsetinn hefur orðið
fyrir vegna sinnar framgöngu
í þessu máli. Trúnaðarráðið
skorar á Eflingu stéttarfélag
og stjórn þess að draga til baka
hópuppsögn á starfsmönnum
skrifstofu Eflingar og biðja
starfsmennina afsökunar á
þessu frumhlaupi meirihluta
stjórnarinnar. Stéttarfélag sem
kemur fram við starfsfólk sitt
á þann hátt sem stjórnend­
ur Eflingar hafa gert, get­
ur ekki verið trúverðugur
málsvari launafólks. Stéttar­
félag Vestur lands vill ekki eiga
í neinum samskiptum við þau
verkalýðsfélög sem láta þetta
háttarlag Eflingar átölulaust.“
-vaks
Ekki með öllu
leynilegar
LANDIÐ: Einstaklingur sem
ekki verður heima á kjördag
14. maí næstkomandi gerði sér
ferð í vikunni sem leið og kaus
utan kjörfundar hjá sýslumanni
hér á Vesturlandi. Sagði hann
að framkvæmd utankjörstaðar
kosningarinnar hafi verið ágæt,
nema að einu leyti. „Boðið er
upp á stimpil með bókstöfum
flokkanna. Það heyrist greini­
lega þegar stimpillinn er notað­
ur. Þar með er kosningin aðeins
að hluta til leynileg því það að
skila auðu er einnig afstaða;
þýðir að kjósandinn er óánægð­
ur með þá lista sem í boði eru.
Líklega ætti að sleppa þessum
stimplum,“ sagði þessi einstak­
lingur sem við nefnum ekki,
enda værum við þá um leið að
upplýsa að hann kaus þrátt fyr­
ir allt með tilheyrandi hljóði
í stimplinum. Þessu atriði er
hér með komið á framfæri til
sýslumanna. Vel væri hægt að
bjóða upp á stimpla með laus­
um stimpilpúðum, en með þeim
er hægt að framkvæma kosn­
ingu afar hljóðlega og án þess
að afstaða kjósandans heyrðist
utan kjörklefans. -mm
Féll aftur fyrir sig
AKRANES: Hringt var í
Neyðarlínuna síðasta miðviku­
dagsmorgun og tilkynnt um
að tólf ára stúlka hefði fall­
ið aftur fyrir sig tvo metra úr
leikkastala á skólalóð á Akra­
nesi. Sjúkrabifreið kom á vett­
vang og flutti stúlkuna á HVE
til aðhlynningar. -vaks
Matvælastofnun hefur
gefið út skýrslu um eft­
irlit með velferð hryssna
sem notaðar eru til í
blóðtöku til vinnslu
afurða. „Tíðni eftirlits
með blóðtökubæjum
er mun hærra en í öðru
hrossahaldi en minna er
um alvarleg frávik. Hörð
viðurlög við alvarleg­
um frávikum við velferð
blóðtökustóða, sem beitt
hefur verið á seinni árum,
virðast hafa átt mikinn
þátt í að tryggja góða
fóðrun og umhirðu stóð­
anna. Engin vísbending
er um að blóðmagnið sem tekið
er sé of mikið, þar sem ekki koma
fram neikvæð áhrif á skilgreinda
mælikvarða á heilsu og blóðbúskap
hryssnanna,“ segir í tilkynningu frá
Matvælastofnun.
Alvarleg frávik við meðferð
hryssna sem komu fram á mynd­
bandi dýraverndarsamtakanna
AWF/TBZ kölluðu hins vegar á
viðbrögð og viðbætur við þau skil­
yrði sem Matvælastofnun hef­
ur sett starfseminni og listuð eru í
hinni nýútkomnu skýrslu. „Slík frá­
vik hafa ekki sést við eftirlit Mat­
vælastofnunar sem bendir til þess
að þau séu fremur fátíð en auk þess
má ætla að eftirlitið sem slíkt hafi
fælingarmátt gagnvart illri með­
ferð. Því er tilefni til að auka eft­
irlit Matvælastofnunar með blóð­
tökunni, þrátt fyrir góðar eftirlits­
niðurstöður á seinni árum,“ segir í
tilkynningu MAST. mm
Maí er nýr skoðunarmánuð­
ur fyrir húsbíla, hjólhýsi, felli­
hýsi, tjaldvagna, bifhjól, létt bif­
hjól í flokki II og fornökutæki.
Samgöngustofa vekur athygli á
að með samþykkt reglugerðar nr.
414/2021, um skoðun ökutækja,
hafa ökutæki í ákveðnum öku­
tækja­ og notkunarflokkum feng­
ið nýjan skoðunarmánuð. Þetta
á við um húsbíla, hjólhýsi, felli­
hýsi, tjaldvagna, bifhjól, létt bif­
hjól í flokki II og fornökutæki.
Vanrækslugjald leggst á óskoðuð
ökutæki í þessum flokkum þann 1.
ágúst næstkomandi.
Reglubundin skoðun ökutækja
þar sem farið er yfir ástand og bún­
að er lögbundin, enda mikilvæg fyr­
ir umferðaröryggi. Samgöngustofa
hvetur því eigendur ofangreindra
ökutækja að huga að skoðun sem
fyrst og fara þannig öruggari á
göturnar og inn í sumarið. Ítarlegri
upplýsingar má finna á www.sam­
gongustofa.is/skodun Hægt er að
sjá skoðunarmánuð og skoðunar­
ár ökutækja með því að fletta upp
númerinu á vefsíðunni http://www.
samgongustofa.is/okutaekjaskra
eða á Mínu svæði Samgöngustofu.
mm
Skoðunarmánuður
ferðavagna er í maí
Blóðtökuhryssur. Ljósm. Isteka.
Eftirlit verður aukið með blóðtökuhryssum