Skessuhorn - 04.04.2022, Blaðsíða 8

MIÐVIKUDAGUR 4. MAÍ 20228
Hvetja til
notkunar
kattakraga
LANDIÐ: Fuglavernd
skorar á kattaeigendur
að halda köttum inni yfir
varptíma fugla. Kettir eru
öflug og afkastamikil rán­
dýr sem höggva stór skörð
í stofna fugla sem verpa
í nágrenni við mannabú­
staði ár hvert. Á varptíma
er því mikilvægt að lausa­
ganga katta sé takmörkuð
og sérstaklega yfir nóttina.
Bjöllur og kattakragar eru í
sumum tilfellum betri vörn
en engin en langbest er
að halda þeim inni. Kett­
ir veiða helst algenga fugla
sem halda sig í görðum.
-mm
Tveir nýir leik­
skólastjórar
AKRANES: Búið er að
ganga frá ráðningu leik­
skólastjóra við leikskól­
ana Teigasel og Vallarsel
á Akranesi. Íris Guð­
rún Sigurðardóttir hef­
ur verið ráðin leikskóla­
stjóri Teigasels og Vilborg
Valgeirsdóttir leikskóla­
stjóri Vallarsels. Íris Guð­
rún tekur við af Margréti
Þóru Jónsdóttur og Vil­
borg af Brynhildi Björgu
Jónsdóttur. Á vefsíðu Akra­
neskaupstaðar er þeim ósk­
að farsældar í starfi og því
fagnað að þær vinni áfram
með sínu góða samstarfs­
fólki að þróun leikskóla­
starfs á Akranesi og velferð
barna. -vaks
Óskað eftir
tillögum
AKRANES: Árlega
útnefnir Akraneskaupstað­
ur bæjarlistamann til eins
árs í senn. Menningar­ og
safnanefnd Akraneskaup­
staðar óskar eftir tillög­
um frá almenningi um
bæjarlistamann Akraness
árið 2022. Menningar­ og
safnanefnd mun fara yfir
allar tillögur sem berast og
verða niðurstöður kynnt­
ar á Þjóðhátíðardaginn,
17. júní. Fólk er hvatt til
að kynna sér vel þær regl­
ur sem í gildi eru um bæjar­
listamann en frestur til að
skila tillögum er til og
með 24. maí næstkomandi.
-vaks
Datt af
rafskútu
AKRANES: Síðasta mið­
vikudagsmorgun datt þrí­
tugur karlmaður af raf­
skútu og var sjúkrabifreið
kölluð á vettvang. Mað­
urinn kenndi sér eymsla
í fæti og var fluttur með
sjúkrabifreið á HVE til
nánari skoðunar. -vaks
Með kannabis
í bílnum
HVALFJ.SV: Á föstudaginn
var ökumaður tekinn fyr­
ir of hraðan akstur við Fiski­
læk í Melasveit en hann mæld­
ist á 131 kílómetra hraða. Þegar
lögreglumenn fóru að ræða við
ökumanninn fundu þeir kanna­
bislykt í bílnum en ökumað­
urinn kannaðist ekki við neitt
slíkt. Hann var af erlendu bergi
brotinn og ekki með lögheim­
ili á Íslandi. Bíllinn var fluttur
á lögreglustöðina og var leitað í
bílnum. Þar fundust 20 grömm
af kannabisefnum í hanskahólf­
inu og var því pakkað inn í
selló fan plast. Kallað var á túlk
til að aðstoða lögreglu vegna
samskiptaörðugleika. Ökumað­
urinn er grunaður um vörslu og
meðferð fíkniefna og er málinu
lokið. -vaks
Ungmenni sátu
að sumbli
AKRANES: Rétt undir mið­
nætti síðasta föstudagskvöld
var tilkynnt um mögulega
drykkju ungmenna á stað með
vínveitingaleyfi. Lögregla fór
á staðinn og var um að ræða
fimm sextán ára ungmenni
sem sátu saman inni á staðn­
um. Lögregla greindi ummerki
um neyslu áfengis á borðinu þar
sem þau sátu, einhverjir gáfu
upp rangar kennitölur og kom í
ljós að einn þeirra var aðeins 14
ára. Dyravörslu var ábótavant á
staðnum og var rætt við eigend­
ur sem ekki þóttust vita um
aldur ungmennanna. Haft var
samband við foreldra og barna­
verndarnefnd upplýst um mál­
ið. Eftir þetta var staðnum lok­
að og öllum vísað út. Óljóst er
hvort staðurinn missi leyfið en
það er í athugun hjá lögreglu.
-vaks
Refur en ekki
hundur
BORGARNES: Hringt var í
Neyðarlínuna seinni part síð­
asta fimmtudags og tilkynnt um
að dauður hundur væri á bak við
sláturhúsið í Brákarey. Bæjar­
starfsmaður frá áhaldahúsinu
fór á staðinn til að kanna málið
og kom þá í ljós að um dauðan
ref var að ræða. -vaks
Forgangsröðun í
heilbrigðisþjónustu
LANDIÐ: Willum Þór Þórs­
son heilbrigðisráðherra hefur
ákveðið að setja á fót fagráð um
forgangsröðun í samræmi við
ályktun Alþingis um siðferðileg
gildi og forgangsröðun í heil­
brigðisþjónustu. Fagráðinu er
ætlað að leiða faglega umræðu
um forgangsröðun og siðferði­
leg gildi að baki henni og veita
leiðsögn á þessu sviði. Ákvörðun
ráðherra byggist á niðurstöðu
starfshóps sem skipaður var á
grundvelli þingsályktunarinn­
ar. Willum Þór segir mikil­
vægt að niðurstaða starfshóps­
ins liggi fyrir. „Hópurinn hef­
ur skilað vandaðri vinnu sem
dregur skýrt fram hvað stofn­
un fagráðs um forgangsröðun
í heilbrigðisþjónustu er brýnt
og þarft mál. Ég mun því setja
af stað vinnu í ráðuneytinu við
að hrinda þessu verkefni í fram­
kvæmd.“ -mm
Svandís Svavarsdóttir, matvæla­
ráðherra, hefur látið hefja for­
athugun á sameiningu tveggja
lykilstofnana í loftslagsmálum,
Skógræktarinnar og Landgræðsl­
unnar. Stofnanirnar vinna báð­
ar að vistvernd og nýtingu lands
og vinna að mörgu leyti hliðstæð
verkefni sem snúa að losun og
bindingu gróðurhúsalofttegunda.
„Landgræðslan og Skógræktin
eiga báðar ríka og farsæla sögu
um samstarf með grasrótarsam­
tökum, almenningi og land­
eigendum. Það umhverfi sem
stofnanirnar vinna í hefur tekið
hröðum breytingum og væntingar
almennings og stjórnvalda hafa
breyst. Ákvörðun matvælaráðherra
er tekin með tilliti til þessa, aug­
ljósrar skörunar verkefna og mikill­
ar samlegðar,“ segir í tilkynningu.
Samkvæmt nýjum lögum um
skógrækt og landgræðslu skal gera
stefnumarkandi áætlanir um land­
græðslu og skógrækt til lengri tíma.
Í matvælaráðuneytinu er jafnframt
unnið að því að samræma tillögur
í eina heildaráætlun sem nær
m.a. yfir verndun og endur­
heimt vistkerfa, náttúrumið­
aðar lausnir í loftslagsmálum,
og sjálfbæra landnýtingu. Þessi
nálgun mun einfalda til muna
forgangsröðun og þannig
stuðla að aukinni skilvirkni og
auknum árangri.
Síðustu ár hafa bæði Land­
græðslan og Skógræktin auk­
ið ráðgjöf til landeigenda og
unnið að mörgum samvinnu­
verkefnum með þeim. Þar má
m.a. nefna skógrækt á lögbýl­
um og verkefnið Bændur græða
landið. Sérfræðingar beggja stofn­
ana búa yfir mikilli sérhæfðri þekk­
ingu og öflugar rannsóknir á vist­
kerfum, gróðurfari og loftslagi eru
stundaðar af beggja hálfu. mm
Á síðasta ári stóð Rótarýklúbbur
Borgarness fyrir fjáröflun meðal
fyrirtækja og almennings í Borgar­
byggð og nágrennis til þess að
aðstoða Slökkvilið Borgarbyggðar
við að festa kaup á stafrænum bún­
aði til æfinga og þjálfunar slökkvi­
liðsmanna og þar með freista þess
að koma málinu í farsælan farveg.
Söfnun Rótarýklúbbsins gekk von­
um framar og söfnuðust tæpar tvær
milljónir með framlagi klúbbsins.
Þegar á leið sumars varð hins vegar
ljóst að ekkert varð af fyrirhuguð­
um kaupum því ekki tókst að full­
fjármagna verkefnið.
Þar með voru þeir fjármunir sem
söfnuðust ónýttir í vörslu Rótarý­
klúbbsins og nauðsyn að finna þeim
önnur verkfni. Nú hefur Rótarý­
klúbburinn, að höfðu samráði við
megin þorra gefenda, ákveðið að
láta þessa fjármuni renna til tveggja
verkefna. Annars vegar til stuðn­
ings Rauðakrossdeild Vesturlands
vegna móttöku flóttafólks frá Úkra­
ínu á Bifröst og hins vegar til björg­
unarsveitanna á starfssvæði klúbbs­
ins; Brákar, Heiðars og Oks.
„Um leið og við þökkum öllum
þeim sem lögðu söfnuninni lið þá
vonum við að þrátt fyrir að ekki
tókst upphaflega markmið hennar
nýtist þessir fjármunir til styrktar
og eflingar hjálpar­ og mannúðar­
starfi í héraði,“ segir í tilkynningu
frá stjórn Rótarýklúbbs Borgarness.
mm
Í lok apríl var viðtal í Skessuhorni
við Þórarinn Jónsson ljósmyndara
sem býr á Akranesi og rekur ferða­
þjónustufyrirtækið Thor Photo­
graphy. Nú í byrjun maí vann
Þórarinn til fyrstu verðlauna í
alþjóðlegri ljósmyndasamkeppni
samtaka Evrópskra ljósmyndara
(Federation of European Profes­
sional Photographers). Þórarinn
fékk verðlaun fyrir þrjár myndir í
flokki landslagsljósmynda, en um
2600 myndir bárust til keppninnar
í heild frá ljósmyndurum í 26 lönd­
um. Verðlaunin nefnast á ensku
FEP Awards og voru afhent 1. maí
síðastliðinn í Róm.
gj
Ein af myndunum sem Þórarinn hlýtur
verðlaun FEP Awards fyrir. Tekin í
gosinu í Geldingadölum.
Þórarinn Jónsson vinnur til
evrópskra ljósmyndaverðlauna
Þórarinn með verðlaunin. Ljósm. aðsend.
Frá afhendingu styrkja. Frá vinstri: Gísli Karel Halldórsson og Magnús B. Jónsson
frá Rótarýklubbi Borgarness, Jóhannes Berg frá björgunarsveitinni Ok, Þorsteinn
Þorsteinsson frá björgunarsveitinni Heiðari, Einar G. Pálsson frá björgunar-
sveitinni Brák og Haukur Valsson frá Vesturlandsdeild RKÍ. Ljósm. aðsend.
Rótarý gaf til björgunarsveita
og flóttafólks
Hann er oft þunnur þráðurinn á milli skógræktar
og landgræðslu. Ljósm. mm.
Hefja skoðun á sameiningu
Skógræktar og Landgræðslu