Skessuhorn - 04.04.2022, Blaðsíða 18

MIÐVIKUDAGUR 4. MAÍ 202218
Á mánudaginn hófst strandveiðitímabilið við landið. Almennt er
búist við mikilli þátttöku í veiðunum og að um eða yfir 700 bát­
ar haldi til veiða þegar líður á tímabilið. Heimilt verður í sumar
að stunda veiðarnar í 12 daga í mánuði frá maí til og með ágúst.
Mögulega þarf þó að hætta veiðunum fyrr, verði áður búið að
veiða upp í heimildir sumarsins sem eru tíu þúsund tonn.
Að Arnarstapa voru á sunnudagskvöldið komnir eða væntan­
legir um 40 bátar. Á þessum fyrsta degi strandveiða reyndist
hagstætt að halda til á Stapanum því norðaustan kaldi var á
norðanverðu Snæfellsnesi og fáir litlir bátar á sjó í brælu sem
þá var á Breiðafirði. Um 25 bátar héldu til veiða frá Arnarstapa
á mánudaginn, en þar var þokkalegasta veður, gola og ágæt skil­
yrði til veiða.
Meðfylgjandi myndir tók Gunnhildur Lind Hansdóttir í
Arnarstapahöfn síðdegis á mánudaginn. mm/ Ljósm. glh
Strandveiðar hófust á mánudaginn