Skessuhorn - 04.04.2022, Blaðsíða 2

MIÐVIKUDAGUR 4. MAÍ 20222
Skil á greinum í
næstu viku
SKESSUHORN: Nú styttist
óðum í kosningar til sveitar­
stjórna. Þeim fylgja talsverð
skrif frambjóðenda og annarra
sem koma vilja skilaboðum
til þeirra. Ritstjórn Skessu­
horns beinir þeirri frómu ósk
til frambjóðenda að skila tím­
anlega inn aðsendum grein­
um fyrir næsta blað. Þær þurfa
að vera komnar á póstfang rit­
stjóra (skessuhorn@skessu­
horn.is) eigi síðar en á hádegi
mánudaginn 9. maí næstkom­
andi. Hámarkslengd þeirra er
ein síða í A4, 12 punkta letri.
Svo þarf mynd að fylgja af
höfundi. -mm
Staðfest
að fuglaflensu­
veiran er skæð
LANDIÐ: Nú hefur ver­
ið staðfest að fuglaflensuveir­
ur sem greinst hafa að undan­
förnu hér á landi eru af hinu
skæða afbrigði H5N1 sem
geisar í nágrannalöndum okk­
ar um þessar mundir. „Í gildi
er efsta stig viðbúnaðar vegna
fuglaflensu. Smithætta fyr­
ir alifugla er mikil og brýnt
að fuglaeigendur gæti ýtrustu
sóttvarna. Fólk er enn hvatt til
að tilkynna Matvælastofnun
um dauða villta fugla sem það
finnur. Um veika villta fugla
skal tilkynna til viðkomandi
sveitarfélags,“ segir í tilkynn­
ingu frá Mast. -mm
Verðbólga ekki
meiri í 12 ár
LANDIÐ: Hagstofa Íslands
birti fyrir helgi vísitölu neyslu­
verðs fyrir aprílmánuð. Vísi­
talan var 535,4 stig og hækk­
aði um 1,25% milli mánaða.
Er það mesta hækkun vísi­
tölunnar milli mánaða frá
febrúar 2013. Verðbólga á árs­
grundvelli mældist 7,2% og
jókst um 0,5 prósentur milli
mánaða. Sé litið framhjá áhrif­
um húsnæðis mælist verð­
bólga 5,3% og jókst um 0,7
prósentur milli mánaða. -mm
Samningur
framlengdur
um innanbæjar­
akstur
AKRANES: Á fundi
Skipulags­ og umhverfisráðs
Akraneskaupstaðar mánu­
daginn 25. apríl kom fram að
í gangi er útboð vegna innan­
bæjaraksturs á Akranesi. Í
útboði er skilyrt að annar
vagninn sem aki innanbæj­
ar verði knúinn jarðefnaelds­
neyti. Afhendingatími á slík­
um vagni getur hins vegar ver­
ið langur. Því lagði skipulags­
ráð til að núverandi samning­
ur um innanbæjarstrætó verði
framlengdur til næstu ára­
móta. Í framhaldinu taki við
nýtt kerfi með tveimur vögn­
um sem nýttir verða í hefð­
bundnum strætisvagnaakstri
auk frístundastarfs á veg­
um skólanna og Þorpsins.
Til áramóta mun því Reynir
Jóhannsson annast aksturinn
eins og verið hefur. -vaks
Máltækið Enginn verður hvít-
ari þó annan sverti, kom í páska-
eggi þess sem hér ritar fyrir
nokkru. Sveitarstjórnarkosningar
fara fram um allt land 14. maí
næstkomandi og það er vonandi
að í kosningabaráttunni sem
fer að vísu mest fram á netinu
að þessu sinni hafi menn þetta
í huga. Það hjálpar aldrei að tala
menn niður til að upphefja sjálf-
an sig og ekki til eftirbreytni.
Auðvitað munu frambjóðend-
ur takast á næstu daga um hin
ýmsu málefni en öllu máli skipt-
ir að koma fram við aðra af
virðingu og virða þeirra skoðanir
þó ólíkar séu.
Nú kólnar tímabundið. Á
morgun, fimmtudag, er gert ráð
fyrir fremur hægri breytilegri
átt, en gengur í norðvestan og
vestan 8-13 m/sek eftir hádegi.
Slydda eða snjókoma með köfl-
um, en sumsstaðar rigning við
ströndina, einkum sunnan- og
austan til. Hiti 0 til 6 stig yfir
daginn. Á föstudag snýst hann
í suðvestan 5-13 með dálitlum
skúrum eða éljum, en léttir til
austanlands. Hiti 0 til 7 stig, mild-
ast syðst. Á laugardag má búast
við fremur hægri suðvestanátt
og skúrum, en bjart að mestu
á Austurlandi. Hiti 3 til 9 stig.
Á sunnudag og mánudag má
vænta suðaustanáttar með súld
eða dálítilli rigningu, en þurrt að
kalla á Norður- og Austurlandi.
Hlýnar í veðri.
Í síðustu viku var spurt á vef
Skessuhorns: „Hversu mikinn
áhuga hefur þú á sveitarstjórn-
armálum?“ 32% sögðu engan
áhuga hafa, 23% sögðu að þau
hefðu mjög mikinn áhuga, 19%
höfðu ágætis áhuga, 14% sögðu
frekar mikinn áhuga og 12%
sögðu lítinn áhuga hafa á sveit-
arstjórnarmálum.
Í næstu viku er spurt:
Hversu oft er heimilisbíllinn
bónaður?
Benedikt Kristjánsson tenór-
söngvari býr á Akranesi og syng-
ur út um allan heim. Benedikt
er í viðtali í Skessuhorni dagsins
og er Vestlendingur vikunnar að
þessu sinni.
Spurning
vikunnar
Til minnis
Vestlendingur
vikunnar
Veðurhorfur
Frá og með 1. maí síðastliðnum
byrjaði Íslandspóstur að dreifa
bréfum tvisvar í viku um allt land.
Undanfarin ár hefur bréfum verið
dreift annan hvern dag þannig að
póstdreifing hefur til skiptis verið
þrisvar eða tvisvar í viku í dreifbýl­
inu. Í tilkynningu frá Íslandspósti
er breytingin sögð viðbragð við
verulegri fækkun bréfasendinga.
„Bréfum hefur fækkað gríðar­
lega á síðustu árum og hafa bréfa­
sendingar dregist saman um tæp
80% frá árinu 2010. Þetta er mik­
il breyting sem gerir það að verk­
um að við þurfum að breyta þjón­
Íslandspóstur mun framvegis
dreifa bréfum tvo daga í viku
ustunni í samræmi við nýjan raun­
veruleika. Á blómaskeiði bréfanna
fór Pósturinn með mörg bréf í
hverja lúgu, nú er farið kannski í
þriðju til fjórðu hverja lúgu með
að meðaltali eitt bréf. Á sama tíma
fjölgar íbúðum ört víðs vegar um
landið sem eykur yfirferð sem þarf
að fara yfir,“ segir Hörður Jóns­
son, framkvæmdastjóri rekstrar­
sviðs hjá Póstinum í samtali við
Skessuhorn.
Framvegis fastir dagar
Hörður tekur fram að það þurfi
enginn að örvænta; „enda munum
við að sjálfsögðu sjá til þess að allir
haldi áfram að fá bréfin sín reglu­
lega. Ef dreifing fellur á frídag,
eða hætta þarf við hana vegna veð­
urs eða af öðrum ástæðum, mun­
um við gæta þess að farið sé af stað
við fyrsta tækifæri,“ segir Hörður.
Hann segir að nú verði heimili í
sveitum með fasta póstdreifingar­
daga hér eftir, tvisvar í viku, alltaf
sömu dagana. Það getur ýmist ver­
ið þriðjudagur og fimmtudagur,
eða miðvikudagur og föstudagur.
Ekki er föst dreifing á mánudög­
um, en þeir verða hins vegar nýtt­
ir til póstdreifingar hafi ferð fall­
ið niður á fimmtudegi eða föstu­
degi áður, svo sem vegna rauðra
frídaga. Framundan eru einmitt
slíkir dagar, en uppstigningardag­
ur er nú fimmtudaginn 26. maí
og þá ber 17. júní upp á föstudag.
„Stefna okkar er að koma alltaf
sendingum tvisvar í viku í dreifbýl­
ið,“ segir Hörður.
mm
Um miðjan apríl auglýsti
byggingarnefnd Dalabyggðar alút­
boð á byggingu nýrrar íþróttamið­
stöðvar í Búðardal. Lengi hefur
verið beðið eftir bættri aðstöðu til
íþrótta í þorpinu og nú hyllir und­
ir að það verði að veruleika. Stefnt
er að byggingin verði risin og til­
búin til notkunar 1. júní árið 2024,
eða eftir tvö ár. Íþróttamiðstöð­
in mun samanstanda af íþróttasal,
þjónustukjarna með búningsklef­
um og lyftingasal ásamt útisund­
laug. Heildarstærð byggingarinn­
ar verður 1.335 fermetrar og þá
er útisvæði sundlaugar með sund­
laugarkeri, vaðlaug og heitum
pottum um 670 fermetrar.
Samkvæmt útboðslýsingu verð­
ur gengið inn í íþróttamiðstöð­
ina á 1. hæð þar sem öll starf­
semi i húsinu fer fram. Þá verð­
ur gert ráð fyrir lagnarými sund­
laugar í kjallara og áhorfendarými
og tæknirými á 2. hæð hússins. Þar
verður hægt að iðka ýmsar íþrótt­
ir, bæði æfingar og keppni, en mið­
að er við að í því verði mætt kröf­
um til keppni í körfubolta. Að
byggingu mannvirkja lokinni skal
aðlaga hæð lóðar að hæðarsetningu
aðliggjandi lóða og ganga frá lóð­
inni í samræmi við lóðarhönnun.
Upphaf framkvæmda hefst þegar
verkkaupi hefur með formlegum
hætti tekið tilboði bjóðanda, en
verklok eru eins og fyrr segir áætl­
uð 1. júní 2024. Bjóðendur í verkið
skulu skila tilboði og gögnum fyr­
ir klukkan 14, föstudaginn 20. maí
næstkomandi.
mm
Búðardalur. Ljósm. úr safni/ sm.
Gert ráð fyrir löglegum
körfuboltavelli í nýrri íþróttahöll
Nýja íþróttahúsið verður staðsett sunnan við Dalabúð.