Skessuhorn - 04.04.2022, Blaðsíða 19

MIÐVIKUDAGUR 4. MAÍ 2022 19
Garða- og
Saurbæjarprestakall
Sunnudagur 8. maí
AKRANESKIRKJA
Messa kl. 20
Innsetning sr. Ólafar í embætti prests
Garða- og Saurbæjarprestakalls.
Miðvikudagur 11. maí
Bænastund kl. 12:15, súpa
í Vinaminni eftir stundina.
Verið velkomin til kirkju!
S
K
E
S
S
U
H
O
R
N
2
02
2
FRUMHERJI HF. – ÞEGAR VEL ER SKOÐAÐ
www.frumherji. is
Stykkishólmur 2021
Bifreiðaskoðun verður hjá Bílaverkstæðinu
Dekk & Smur, Nesvegi 5
Miðvikudaginn 11. maí
Fimmtudaginn 12. maí
Föstudaginn 13. maí

Lokað í hádeginu kl. 12.00 – 13.00
Tímapantanir í síma 438 – 1385

Einar Guðmundsson skipstjóri á
Valdimar SH 250 var hæstánægður
með aflabrögðin þegar hann kom
með sinn fyrsta strandveiðiskammt
sumarsins í land í Grundarfirði.
Aflabrögð voru þokkaleg og fóru
nokkrir bátar á sjó þennan svala
dag maímánaðar. Nú færist meira
líf yfir hafnir landsins þegar smá­
bátarnir nýta dagana til strand­
veiða.
tfk
Strandveiðarnar farnar
af stað í Grundarfirði
„Flaggdagurin“ 25. apríl hef­
ur verið haldinn hátíðlegur í Fær­
eyjum hvert ár í rúma öld. Af því
tilefni bauð Sendistofa Færeyja
á Íslandi gestum til Flaggdags­
veislu á Kjarvalsstöðum í Reykja­
vík. Halla Nolsøe Poulsen „sendik­
vinna“ bauð gesti velkomna, og
Lögmaður Færeyja, Bárður á Steig,
og Guðni Th. Jóhannesson forseti
Íslands héldu ræður. Á eftir frum­
flutti Guðrið Hansdóttir nokkur af
lögum sínum.
Síðan var boðið var upp á þjóð­
legan færeyskan mat, þurra grind
og spik, skerpukjöt á brauði, harð­
fisk, snittur og fleira ásamt færeysk­
um bjór. Færeyski fáninn „Merkið“
er 103 ára í ár, seinast var haldið
upp á flaggdaginn á 100 ára afmæli
fánans, en svo kom covid og breytti
öllu samkomuhaldi.
þg
Við lok síðasta fundar í bæjarstjórn
Stykkishólms á kjörtímabilinu,
fimmtudaginn 28. apríl, kvaddi
Lárus Ástmar Hannesson odd­
viti L­listans sér hljóðs. Hann hef­
ur nú setið í bæjarstjórn Stykkis­
hólms samfleytt í 16 ár en gefur
ekki kost á sér til endurkjörs við
kosningarnar 14. maí, skipar þó
13. sæti á Í­listanum. Hann hefur
setið í minnihluta þann tíma utan
eitt kjörtímabil þar sem L­listinn
náði meirihluta í bæjarstjórn. Var
þá forseti bæjarstjórnar og formað­
ur byggðarráðs auk þess að gegna
starfi bæjarstjóra síðustu 100 daga
kjörtímabilsins, líkt og Jörundur
hundadagakonungur forðum.
Lárus kom víða við í kveðju­
ávarpi sínu á fundi bæjarstjórn­
ar. Meðal annars fagnaði hann því
að margir af núverandi bæjarfull­
trúum gefa kost á sér til endur­
kjörs. Sagði hann að alla jafnan
tæki það heilt kjörtímabil að kom­
ast vel inn í málin og á öðru kjör­
tímabili og síðar væri fólk því far­
ið að gera meira gagn. Sagði Lárus
Ástmar að seta í bæjarstjórn sner­
ist ekki um völd, heldur þjónustu
við íbúa. Sagði hann að bæjarfull­
trúar þyrftu ætíð að hafa skýra sýn
á málefni, þor til að taka ákvarð­
anir og standa með þeim og bætti
reyndar við að áður en menn vissu
væri svo einhver búinn að hrauna
yfir þá ákvörðun á facebook. Lárus
sagðist fylgjandi persónukjöri við
kjör í sveitarstjórn, þannig að íbú­
ar þurfi ekki að skipa sér í einhverj­
ar skilgreindar en óræðar fylk­
ingar. Þakkaði hann öðrum bæj­
arfulltrúum og starfsfólki bæjar­
stjórnar fyrir gott samstarf og til­
litsemi. Að endingu sagði hann að
nýbúið væri að samþykkja samein­
ingu við Helgafellssveit: „Ég vona
að sú niðurstaða verði fyrsta skref­
ið í að sameina allt Snæfellsnesið í
eitt sveitarfélag. Þá fyrst höfum við
vopn í höndum Snæfellingar til að
sækja fram,“ sagði Lárus Ástmar
Hannesson.
mm
Karlmaður með stóran kross var í
liðinni viku á gangi á þjóðvegi 1 um
Borgarfjörð. Meðfylgandi mynd
var tekin af honum á fimmtudag
þar sem hann var á suðurleið. Sam­
kvæmt upplýsingum Skessuhorns
hafði hann lagt af stað í píslargöngu
sína frá Vopnafirði tíu dögum áður.
Þessari síðbúnu píslargöngu lauk
svo í Reykjavík í byrjun vikunnar.
Neðan á krossinn er skrúfað hjálp­
ardekk sem gerði ferðalagið með
hann nokkuð auðveldara en hjá
Kristi forðum. mm/ Ljósm. hlhSkjáskot af síðasta fundi bæjarstjórnar. Lárus Ástmar í ræðustól og til vinstri er Hrafhildur Hallvarðsdóttir forseti bæjar-
stjórnar.
Lárus kvaddi bæjarstjórn
eftir sextán ár
Á píslargöngu
um Borgarfjörð
Flaggdeginum fagnað
á Kjarvalsstöðum