Skessuhorn - 04.04.2022, Blaðsíða 12

MIÐVIKUDAGUR 4. MAÍ 202212
Landmælingar Íslands hafa verið
staðsettar á Stillholti 16­18 á Akra­
nesi allt frá flutningi LMÍ á Akra­
nes árið 1999. Stefnt er að því að
starfsemi fimm ríkisstofnana, sem
eru með starfsemi á Akranesi, verði
flutt undir eitt þak að Smiðjuvöll­
um 28 á Akranesi. Þetta eru starfs­
stöðvar Vinnueftirlitsins, Vinnu­
málastofnunar, Skattsins og Sýslu­
mannsins á Vesturlandi auk Land­
mælinga Íslands. Gunnar H.
Kristinsson er nú settur forstjóri
Landmælinga Íslands en hann tók
við starfinu um áramótin og gegn­
ir því út þetta ár eða á sama tíma
og Eydís Líndal Finnbogadóttir,
skipaður forstjóri, stýrir starfsemi
Náttúrufræðistofnunar Íslands.
Blaðamaður Skessuhorns kíkti í
heimsókn til Gunnars í síðustu viku
á vinnustaðinn til að forvitnast um
framtíðarhorfur Landmælinga og
annað því tengt.
Gunnar er uppalinn Bolvíking­
ur, giftur Hildi Karen Aðalsteins­
dóttur og eiga þau þrjú börn.
Gunnar hefur hvergi búið lengur
en á Akranesi en segist þó ekki skil­
greina sig að fullu sem Skagamann
þó börnin hans geri það. Hann fór
að vinna hjá Landmælingum beint
eftir að hann lauk námi og hefur
því unnið á þessum vinnustað í rúm
23 ár. Hann byrjaði sem sölustjóri
korta en hefur síðan þá gegnt ýms­
um störfum eins og að stjórna sölu
á stafrænum gögnum, hann var for­
stöðumaður yfir landmælingum og
landupplýsingum og sá einnig um
alþjóðamál þar til nýverið þegar
hann tók við starfi forstjóra.
Fullt af tækifærum í
þessari þjónustu
Hvernig hefur gengið að halda
starfseminni gangandi í faraldrin­
um og hver eru svona helstu verk­
efni stofnunarinnar? „Það hef­
ur gengið ótrúlega vel. Við vorum
búin að innleiða möguleika á tals­
vert mikilli heimavinnu fyrir far­
aldurinn og allir starfsmenn höfðu
kost á því að vinna tvo daga heima.
Við breyttum því svo í þrjá daga í
viku í faraldrinum ef fólk vildi það
og höfum haldið því. Það er ekki
neinn munur á afköstum en það er
munur á andrúmsloftinu hérna, það
eru sumir sem maður hittir sjaldan.
Verkefni stofnunarinnar eru mjög
víðtæk og erum við með átta fagsvið
en sum eru þó einungis mönnuð af
einum eða tveimur. Stærstu verk­
efnin eru á sviði landmælinga og
landupplýsinga og svo það sem við
köllum grunngerð. Það er sá hluti
starfseminnar sem sér um að tengja
saman gögn frá ólíkum aðilum, þ.e.
að gögn frá einhverri stofnum séu
nýtanleg öðrum í vefþjónustu og
kortasjám sem unnar eru frá grunni
af upplýsingatæknisviði stofnunar­
innar. Ég get sagt frá því að við
erum með mjög skemmtilegt verk­
efni í gangi sem tengist inn á Vest­
urlandið en það er tilraunaverk­
efni með Landbúnaðarháskólanum
um aukna nákvæmni í landbúnaði.
Þá er jarðstöðvakerfið okkar notað
til að auka nákvæmni GPS tækja í
landbúnaðartækjum til að ná fram
miklu meiri nákvæmni við áburðar­
gjöf og slátt. Þetta er búið að vera
lengi í umræðunni en nú eru ódýr
og einföld tæki í boði fyrir bændur,
áburðarverð hefur að auki hækk­
að mikið og því komst þetta á dag­
skrá. Fyrstu niðurstöður benda til
um 10% minni áburðarnotkun sem
er gott fyrir bændur og umhverfið.
Það eru gríðarlega mörg tækifæri
í því að nýta landupplýsingar og
staðsetningartækni til hagræðingar
í þessum geira sem öðrum.“
Leigusamningurinn
að renna út
Nú eruð þið að stefna að flutningi
á Smiðjuvelli 28. Hvað kemur til og
hvenær búist þið við að vera komin
á nýjan stað? „Það kemur kannski
tvennt til. Annars vegar að það
hefur verið vandamál með þetta
húsnæði hér, rakaskemmdir sem
reyndar hefur verið brugðist við af
leigusala en er búið að vera langvar­
andi. Hins vegar að leigusamn­
ingurinn er að renna út á þarnæsta
ári og við því að hugsa okkur til
hreyfings. Starfsmönnunum hef­
ur fækkað talsvert og umfang starf­
seminnar minnkað að því leyti að
við erum ekki lengur að sýsla með
stór kort, framköllun og stækkun á
loftmyndum og slíkt enda öll skjöl
orðin rafræn. Flestir starfsmenn
þurfa í dag einungis eina tölvu og
tvo skjái þannig að plássþörfin hef­
ur minnkað gríðarlega. Í dag erum
við í allt of stóru húsnæði sem telur
um 1500 fermetra og vorum við því
farin að leita okkur að húsnæði sem
er nær 500 fermetrum að stærð.
Svo kom upp þessi hugmynd; að
búa til þjónustukjarna ríkisstofnana
á Akranesi. Þar sem nokkrar stofn­
anir eru með aðstöðu í sama hús­
næðinu en samnýta fundaherbergi,
eldhús, inngang og ýmsa starfs­
mannaaðstöðu og ná þannig hag­
ræðingu fyrir ríkið. Einnig er hug­
myndin sú að ríkisstarfsmenn sem
búsettir eru á Akranesi, en tengj­
ast ekki beint þessum stofnunum,
geti mætt til vinnu á þennan vinnu­
stað og nýtt sér þá aðstöðu sem er
í eigu ríkisins. Varðandi tímasetn­
ingu á flutningunum þá er það þó
alls óljóst eins og er en við vonum
að þetta geti gengið hratt og örugg­
lega fyrir sig.“
Þú tókst við í janúar á þessu ári
tímabundið af Eydísi. Hvernig líst
þér á starfið þessa fyrstu mánuði?
„Mér líst bara mjög vel á það. Ég
þekki starfið orðið mjög vel enda
búinn að vera í framkvæmdastjórn
Landmælinga Íslands nokkuð lengi.
Ég var staðgengill forstjóra fyrir
breytinguna og því var það nokk­
uð rökrétt ákvörðun að ég tæki við
tímabundinni stjórn stofnunarinn­
ar.“ En sér Gunnar fyrir sér að vera
lengur en eitt ár í þessu starfi? „Ég
væri vel til í það að stjórna þessari
stofnun áfram en minn metnaður
liggur þó fyrst og fremst í því að
tryggja framgang þeirra verkefna
sem stofnunin vinnur að, hvort sem
er í óbreyttu ástandi eða með sam­
einingu við aðra stofnun eða stofn­
anir.“
Passa inn í hvaða
stofnun sem er
Í því sambandi segir Gunnar að það
sé ekki hægt að draga fjöður yfir að
það sé búið að tala um það mjög
lengi að þessi stofnun þurfi að sam­
einast einhverri stærri einingu eða
verði stækkuð með tilfærslu ver­
kefna. En hver er hugsunin á bak
við sameiningu og stækkun? „Hag­
ræðing fyrst og fremst og að styrkja
málaflokkinn. Bara sem dæmi þá
þurfa mjög margar stofnanir að
hafa þekkingu á landupplýsing­
um innan sinna raða. Þá verða til
nokkurs konar eylönd sérfræðinga
sem myndu ná miklu betri árangri
ef þeir spiluðu saman sem lið, svo
maður grípi til fótboltasamlík­
ingarinnar. Við höfum því verið að
kalla eftir því undanfarin ár að bún­
ar verði til stærri einingar á þessu
sviði á Íslandi. Þessu má reynd­
ar einnig ná fram með aukinni
samvinnu stofnana eins og kom í
ljós þegar við vorum að fljúga yfir
Geldingadalina á síðasta ári með
Náttúrufræðistofnun, þá vorum
við að nýta styrkleika starfsmanna
beggja stofnana án þess að til sam­
einingar kæmi. Þessu væri hægt
að gera miklu meira af. Við erum
þess fullviss að starfsemi okkar gæti
passað vel inn í starfsemi margra
stofnana og myndi styrkja þær en
við gætum líka tekið að okkur ýmis
landupplýsingaverkefni sem nú er
dreift víða um stofnanakerfið. Eitt­
hvað þarf að minnst kosti að gera
því við erum að verða of fámenn
stofnun til að uppfylla allar þær
kröfur sem gerðar eru til stofnana
í dag,“ segir Gunnar H. Kristins­
son settur forstjóri Landmælinga
að endingu.
vaks
Götur og vegir komu fremur illa
undan vetri í Borgarbyggð og því
talsverð þörf á holufyllingum í göt­
um. Í síðastliðinni viku var meðal
annars lagt nýtt malbik á Þórðar­
götu í Borgarnesi og áætlað er að
fara í frekari gatnagerð á árinu á
Borgarbrautinni, í Flatahverfi á
Hvanneyri og á Varmalandi. Þetta
kemur fram á heimasíðu Borgar­
byggðar.
Götur hafa verið sópaðar í Borg­
arnesi og á Hvanneyri og tals­
vert hefur verið hreinsað af rusli.
Grunnskólabörn hafa tekið til
hendinni við að fegra umhverfi sitt
og fjölmargir íbúar hafa verið að
plokka að undanförnu. Hreinsunar­
átak var í gangi í þéttbýliskjörnum
þar sem ekki er gámastöð, sem stóð
út vikuna 25.­ 29. apríl, þar sem
íbúar gátu skilað af sér mismunandi
úrgangsflokkum.
Talsvert viðhald hefur verið á
götulýsingu og þá hefur ýmsum
smáverkum verið sinnt á leiksvæð­
um og skólalóðum svo sem lagfær­
ingum á leiktækjum og öðru.
Á dögunum var auglýst eft­
ir umsjónarmanni opinna svæða í
áhaldahúsið og hefur sá einstak­
lingur verið ráðinn og hafið störf.
Hann heitir Piotr Kowalak og er
menntaður garðyrkjumaður. Þegar
er búið að snyrta talsvert af trjám
og runnum og áfram verður unnið
að viðhaldi og snyrtingu gróðurs
og beða á næstu vikum ásamt öðr­
um vorverkum vítt og breitt um
sveitarfélagið.
vaks/ Ljósm. mm.
Vorverkin hafin í
Borgarbyggð
Landmælingar Íslands standa á tímamótum
Rætt við Gunnar H. Kristinsson settan forstjóra um framtíðarhorfur stofnunarinnar
Gunnar H. Kristinsson, forstjóri Landmælinga Íslands. Ljósm. vaks