Skessuhorn - 04.04.2022, Blaðsíða 26

MIÐVIKUDAGUR 4. MAÍ 202226
Á þriðjudag í liðinni viku stóð
atvinnu­, markaðs­ og menn­
ingarnefnd Borgarbyggðar fyr­
ir þingi um atvinnumál. Markmið
þingsins var að skapa vettvang fyr­
ir fólk úr atvinnulífinu og áhuga­
fólk um atvinnulíf í sveitarfélaginu
til að fræðast um viðfangsefnið.
Gestum gafst tækifæri til þess að
hlýða á nokkur erindi sem fjölluðu
beint og óbeint um atvinnumál í
Borgar byggð, fá innsýn í það sem
er í gangi og snertir m.a. nýsköpun
og menntun ásamt því að velta fyr­
ir sér framtíðarsýninni og atvinnu­
tækifærum á landsbyggðinni. Þing­
haldinu lauk með pallborðsum­
ræðum og spurningum var svarað
úr sal, en pallborðinu stýrði Bárð­
ur Örn Gunnarsson frá Hvanneyri.
Kynnir á málþinginu var Þórdís Sif
Sigurðardóttir sveitarstjóri.
Þingið var tekið upp og er hægt
að nálgast upptöku af því á vefsíðu
Borgarbyggðar.
mm
Verkalýðsfélags Akraness stóð fyr­
ir dagskrá á sunnudaginn í tilefni
1. maí. Kröfuganga fór í fylgd lög­
reglu frá nýjum skrifstofum VLFA
að Þjóðbraut 1, gengið út Þjóð­
braut og til baka eftir Dalbraut,
en samkoman fór fram í sal Félags
eldri borgara. Trommusveit tón­
listarskólans sló taktinn. Með­
al dagskrárliða var ræða Vilhjálms
Birgissonar formanns VLFA og
kórsöngur Yms undir stjórn Sigríð­
ar Elliðadóttur. Kaffiveitingar voru
í boði en það var Línudanshópur
Feban sem að þessu sinni fékk það
verkefni að reiða fram veitingar,
sem sannarlega voru afar glæsi­
legar. Verkalýðsfélagið bauð einnig
börnum í bíó. Skemmst er frá því
að segja að fullpantað var á báðar
sýningarnar í Bíóhöllinni.
mm
Síðastliðinn mánudag var Faxatorgi
á Akranesi lokað fyrir allri umferð.
Ætlunin er að lokunin standi yfir í
um það bil tvær vikur. Þetta kem­
ur fram á vefsíðu Akraneskaup­
staðar en þar kemur fram að þetta
er gert vegna frágangs á hring­
torginu. Lokun hefur talsverð áhrif
á umferð um hluta bæjarins og því
þurfa vegfarendur að skipuleggja
ferðir sínar með tilliti til þessa.
Hjáleiðir fyrir akandi vegfarend­
ur verða eftirfarandi:
Fyrir þá sem aka austur Skaga­
braut er hjáleið um Jaðarsbraut upp
Höfðabraut / Skarð að Garðabraut.
Akandi vegfarendur á leið norð­
ur Kirkjubraut og á leið austur um
vestari hluta Stillholts, eru beðnir
um að fara Kalmansbraut og Esju­
braut. Hægt verður að nýta Dal­
braut sem hjáleið einnig, en greið­
færara verður að fara um Kalmans­
braut og Esjubraut.
Vegfarendur á leið niður Þjóð­
braut fara í vestur um Esjubraut frá
Esjutorgi eða í austur um Innnes­
veg.
Akandi vegfarendur á leið um
Garðabraut í vestur hafa hjáleið um
Skarðsbraut að Innnesvegi og um
Höfðabraut / Skarð um Jaðarsbraut
að Faxabraut og eða Skagabraut.
Akandi vegfarendur á leið um
Faxabraut frá hafnarsvæðinu hafa
hjáleið um Jaðarsbraut um Höfða­
braut / Skarð að Garðabraut eða
um Jaðarsbraut að Skagabraut.
Gangandi­ og hjólandi vegfar­
endur komast um svæðið, en gæta
verður varúðar og vera í fjarlægð
frá vinnusvæðinu.
Það hefur mikil áhrif á umferð
að loka Faxatorgi. Íbúar eru hvattir
til að skipuleggja ferðir sínar með
þeim hætti að umferð gangi samt
sem áður greiðlega á þeim götum
sem greiðfært er um.
vaks
Dagskrá 1. maí á Snæfellsnesi var
með hefðbundnu sniði. Í Grunda­
firði var Garðar Svansson kynn­
ir og Arna Jakobína Björnsdóttir
formaður Kjalar hélt ræðu. Katrín
Halldóra Sigurðardóttir leik­ og
söngkona söng svo nokkur falleg
lög við undirleik Tómasar Jóns­
sonar. Það voru svo ungar og upp­
rennandi stúlkur úr Tónlistarskóla
Grundarfjarðar sem skemmtu gest­
um með söng og píanóleik. tfk
Í síðustu viku var Styrmir Gísla­
son bóndi á Kötlulandi, við Reyk­
hóla, að hræra upp í áburðarkjallara
í fjárhúsunum hjá sér. Með honum
voru tveir nágrannar hans, Tómas
bóndi á Reykhólum og Gúst­
af Jökull bóndi á Miðjanesi, en frá
þessu atviki er greint á vef Reyk­
hólahrepps.
Þegar hrært er í skít, ekki síst á
þessum árstíma, losnar lífgas, met­
an og brennisteinsvetni sem mynd­
ast við gerjun í taðinu. Þess vegna er
afar mikilvægt að loftræsta vel þar
sem verið er að hræra. Þennan dag
var mjög gott veður og stillt þannig
að þótt opið væri í gegnum húsin
var lítil hreyfing á loftinu. Styrmir
var inni í húsunum að fylgjast með,
en það þarf að færa hræruna af og
til svo að allt hrærist upp. Allt í einu
fær hann aðsvif og það næsta sem
hann man er að þeir Tumi og Gústi
eru að stumra yfir honum úti á
hlaði. Þeir höfðu litið inn í húsin og
sáu hann liggja hreyfingarlausan og
áttuðu sig strax á hvað væri á seyði.
Oft er það svo að bændur eru
einir að vinna við að tæma úr haug­
geymslum, og þá er brýnt að hafa
í huga að enginn Gústi eða Tumi
er til að drösla mönnum út. Styrm­
ir jafnaði sig sem betur fer fljótt, en
fékk skurði og mar í andlit við fall­
ið.
vaks/ Ljósm. sm
Akraneskaupstaður og Knatt­
spyrnufélag ÍA undirrituðu nýj­
an samstarfssamning um Norð­
urálsmótið til fimm ára síðast­
liðinn sunnudag á Jaðarsbökkum,
skömmu fyrir leik ÍA og Víkings
í Bestu deild karla í knattspyrnu.
Með þessum nýja samningi er lagð­
ur grundvöllur að áframhaldandi
stuðningi bæjarfélagsins við mótið
í formi afnota af mannvirkjum og
opnum svæðum auk styrkveitingar
til Knattspyrnufélags ÍA. Gert
er ráð fyrir um tvö þúsund þátt­
takendum á hverju ári á mótið.
Fram kemur á FB síðu félagsins
að það sé markmið samningsaðila
að mótið laði að þúsundir annarra
gesta til bæjarins og verði þannig
góð kynning fyrir bæjarfélagið og
knattspyrnuna á Akranesi. vaks
Þeir sem voru mættir á leik Skaga­
manna og Víkings í Bestu deild
karla í knattspyrnu 24. apríl síð­
astliðinn tóku vafalaust eftir nýrri
rödd sem ómaði um völlinn. Hana
átti enginn annar en Örn Arnar­
son sem er liðsmaður og einn af
forsprökkum ÍATV þar sem vönd­
uð vinnubrögð og fagmennska eru
í fyrirrúmi og hægt er að taka und­
ir. Örn tók þarna formlega við starfi
vallarþuls og við keflinu af Pétri
Ottesen sem sinnti þessu mikilvæga
starfi frá árinu 1995 til ársins 2021,
eða í alls 26 ár. Það er því ljóst hvað
bíður Arnar næsta aldarfjórðunginn
eða svo. Á síðu ÍATV er Erni ósk­
að til hamingju með vegtylluna og
Pétri fráfarandi vallarþuli þakkað
fyrir frábær störf.
vaks
Atvinnumálaþing fór
fram í Borgarnesi
Baráttu­ og hátíðarfundur
á Akranesi
Nemendur úr tónlistarskólanum
syngja fyrir gesti samkomunnar.
Fyrsti maí í Grundarfirði
Faxatorgi lokað á ný
Fékk aðsvif við að hræra í skít
Nýr samstarfssamningur
um Norðurálsmótið á Akranesi
Örn Arnarson er nýr vallarþulur á Akranesvelli. Ljósm. vaks
Nýr vallarþulur á Akranesvelli