Skessuhorn - 04.04.2022, Blaðsíða 20

MIÐVIKUDAGUR 4. MAÍ 202220
GRUNDARFJÖRÐUR
D ­ Sjálfstæðisflokkur og óháðir: Jósef Ólafur Kjartansson.
L ­ Samstaða bæjarmálafélag: Garðar Svansson.
Bærinn verði eftirsóknar­
verðari valkostur
Jósef Ólafur Kjartansson

„Ég er 45 ára fæddur og uppalinn í Eyrarsveit og gekk í
Grunnskóla Grundarfjarðar. Ég er vélfræðingur að mennt og
vann á sjó í mörg ár. Þegar ég kom í land stofnaði ég mitt eig­
ið verktakafyrirtæki og hefur það vaxið og dafnað. Í dag á ég
einnig og rek steypustöð í Rifi í samstarfi við félaga minn. Ég
er giftur, á tvo drengi og einn hund.
Ég vil gera bæinn minn að eftirsóknaverðari valkosti og til
þess að það geti orðið þurfum við að fjölga íbúðarhúsnæði, fá
fjölbreyttari störf í bæinn og öflugri nettengingar. Samgöng­
ur eru einnig lykilatriði og þurfum við að halda ríkinu við
efnið til þess að viðhald á þjóðvegum landsins sé ásættan legt.
Sveitarfélögin á Snæfellsnesi yrðu sterkari saman og hefðu
meira vægi sem eitt sveitafélag og því tel ég vænlegast að Snæ­
fellsnesið í heild sinni sameinist.
Helstu áskoranir næsta kjörtímabils eru að auka tekjur
bæjarins, sameiningamál á Snæfellsnesi og að sjálfsögðu öll
áherslumálin.
Kosningarnar leggjast almennt vel í mig og úrslitin ráðast
14. maí.“
Öflugt og hugmyndaríkt
fólk á listanum
Garðar Svansson
Ég heiti Garðar Svansson, er á 54. aldursári, giftur Marzenu
Stefansdóttur, á þrjú börn og fimm barnabörn. Ég vinn sem
aðstoðarvarðstjóri í Fangelsinu á Kvíabryggju. Ég sat í bæjar­
stjórn Grundarfjarðarbæjar 2002 – 2006 og svo aftur núna
2018 – 2022. Ég er lærður pípari, hef unnið fjölbreytt störf
á starfsævinni og aflað mér mikillar reynslu og tenginga úr
atvinnulífinu. Ég er og hef verið mjög virkur í félagsstörfum.
Hef setið í stjórn HSH síðan 1995, formaður UMFG 1997 til
2002, stjórn UMFÍ 2009 – 2011, stjórn ÍSÍ síðan 2011, for­
maður Golfklúbbsins Vestarr síðan 2013 og sat í stjórn Sam­
eyki, stéttarfélags 2017 til 2021. Eins og sést leiðist mér að
gera ekki neitt.
Helstu áherslumál listans eru að byggja upp og búa bæjar­
félagið undir sameiningu við önnur sveitarfélög á Snæfells­
nesi. Móta þarf framtíðarstefnu og framkvæmdaáætlun fyr­
ir bæjarfélagið, með atvinnu, félagasamtökum og bæjarbúum.
Þetta þarf að hefjast strax á þessu ári þannig að bæjarfélagið sé
tilbúið í sameiningu á okkar forsendum innan fjögurra ára. Í
því felst að fjölga byggingalóðum, nýsköpun bæði í atvinnulífi
og menntun og því að styðja við atvinnulífið. Grundarfjörður
er gott samfélag með fjöldann af góðum tækifærum sem þarf
að virkja.
Kosningar verða tvísýnar núna eins og oft áður. Ég
hef væntingar til að við í Samstöðu ­ lista fólksins náum
meirihluta. Á listanum er öflugt og hugmyndaríkt fólk sem er
tilbúið að vinna fyrir alla bæjarbúa og samfélagið.“
SNÆFELLSBÆR
D – Sjálfstæðisflokkur: Björn Haraldur Hilmarsson.
J ­ Bæjarmálasamtök Snæfellsbæjar: Michael Gluszuk
Efla og styðja
við innviði
Björn Haraldur Hilmarsson
„Bjössi heiti ég og er borgarbarn í grunninn og konan mín
Guðríður Þórðardóttir er Ólsari. Við og þrír synir okkar
fluttum vestur til Ólafsvíkur 2013 og er það okkar allra besta
ákvörðun til þessa.
Ég hef verið útibústjóri Olís á Snæfellsnesi síðustu 9 ár og
hætti núna um mánaðamótin. Þá tók ég við sem útibússtjóri
Voot og við opnuðum glæsilega verslun hér 3. maí. Alla tíð
hef ég unnið við að þjónusta almenning og fyrirtæki og hefur
mér gengið vel með það.
Fljótlega datt ég inn í sveitarstjórnarmálin og hef verið
bæjar fulltrúi síðustu átta árin og þar af forseti bæjarstjórnar
síðastliðin tæp sjö ár. Hef ég gríðarlegan áhuga á að efla sam­
félagið okkar hér og gera það betra. Samt er alltaf hægt að
gera betur.
Áherslumál okkar eru þessi helst: Skapa aðstæður fyrir fleiri
störf, efla og styðja við innviði, húsnæðismál og að þrýsta enn
frekar á ríkið um betri heilbrigðisþjónustu.
Ég hef í gegnum lífið haldið mig við það jákvæða og trúi á
jákvæða niðurstöðu í kosningunum.“
Meiri fjölbreytni
í atvinnulífinu
Michael Gluszuk
„Ég heiti Michael Gluszuk og er kallaður Mikki, ég er fædd­
ur og uppalinn í Póllandi. Ég flutti til Íslands nánar tiltekið
á Hellissand árið 1994 og bjó þar til ársins 2002, þá lá leiðin
suður til að stunda nám við Iðnskólann í Reykjavík. Eftir
námið fór ég að vinna í Reykjavík sem rafvirki, en árið 2009
ákváðum við Sæunn Dögg kona mín að flytja aftur á heima­
slóðir. Ég er giftur og á þrjú börn; þau Svanfríði Dögg, Vict­
or Rúrik og Sunnu Dögg. Eftir að við fluttum í Snæfellsbæ
var ég í sjálfstæðum atvinnurekstri og með fjóra aðra í vinnu.
Árið 2016 ákvað ég að snúa við blaðinu og fara að vinna hjá
Rarik sem verkstjóri vinnuflokks í Ólafsvík og er ég að vinna
þar í dag.
Helstu áherslur flokksins eru þær að gera Snæfellsbæ að
stað sem er meira aðlaðandi fyrir fólk að setjast að á. Áskor­
anir á komandi kjörtímabili eru þær að við verðum að fara í
viðhald eigna okkar, það er jú löngu tímabært að huga betur
af því, auk þess verðum við að reyna eftir bestu getu að fá fleiri
opinber störf til okkar til að hafa meiri fjölbreytni í atvinnu­
lífinu. Við verðum líka að hlúa betur að fjölskyldufólki í Snæ­
fellsbæ.
Hvað úrslit kosninga varðar þá fórum við ekki af stað í þessa
baráttu til að tapa, það er alveg á hreinu.“
STYKKISHÓLMUR/
HELGAFELLSSVEIT
H ­ Framfarasinnaðir Hólmarar: Hrafnhildur Hallvarðsdóttir
Í – Íbúalistinn: Haukur Garðarsson
Stór verkefni sameinaðs
sveitarfélags
Hrafnhildur Hallvarðsdóttir
„Ég heiti Hrafnhildur Hallvarðsdóttir og er fædd 18. júní
1963 að Þingvöllum í Helgafellssveit og þar ólst ég upp. Eft­
ir að hafa sótt mér menntun flutti ég aftur heim og hef búið
í Stykkishólmi í 35 ár. Ég er skólameistari Fjölbrautaskóla
Heyrt í oddvitum framboðslista á Snæfellsnesi
Blaðamaður Skessuhorns hafði samband við oddvita þeirra sex framboðslista sem fram hafa komið á Snæfellsnesi og
spurði um þeirra hagi og helstu áherslur listanna sem þeir eru í forsvari fyrir. Í lokin var beðið um stutta hugleiðingu
um möguleg úrslit kosninganna. Svör þeirra fara hér á eftir og kann blaðið þeim bestu þakkir fyrir þátttökuna.