Fréttablaðið - 26.10.2022, Blaðsíða 6

Næst þegar á reynir þá
munu menn líka gera
fleiri kröfur til stjórn-
valda.
Trausti Fannar
Valsson, dósent
við Háskóla
Íslands
Þessi 100 kíló skipta
nákvæmlega engu máli
í þessu samhengi.
Arthur Bogason,
formaður Lands-
sambands smá-
bátaeigenda
Boðun til hluthafafundar BIOEFFECT Holding ehf.
Stjórn Bioeffect Holding ehf., kt. 530522-1210, boðar til hluthafafundar
föstudaginn 4. nóvember 2022 kl. 11:00. Streymi frá fundinum verður
aðgengilegt hluthöfum.
Dagskrá fundarins
1. Tillaga stjórnar um samruna Bioeffect Holding ehf. og Bioeffect ehf.
2. Tillaga stjórnar um breytingar á samþykktum hins sameinaða félags
3. Umræður og önnur mál löglega borin fram
Fyrirkomulag fundarins
Fundurinn verður haldinn og honum streymt frá höfuðstöðvum félagsins að
Víkurhvar 7, hluthafar eru hvattir til að nýta sér streymið frá þessari vefslóð:
bioeffect.com/investors.
Hver hlutha á rétt á því að fá ákveðin mál tekin til meðferðar á
hluthafafundinum ef hann gerir um það skriega kröfu til stjórnar félagsins
eigi síðar en 7 dögum fyrir fundinn, þ.e. fyrir kl. 11:00 föstudaginn
28. október 2022. Hægt er að senda tillögur fyrir fundinn á netfangið
irbioeffect@bioeffect.com.
Hluthafafundur telst lögmætur ef hann er löglega boðaður og hann sækja
hluthafar eða umboðsmenn þeirra sem hafa yr að ráða helmingi hlutafjár í
félaginu að minnsta kosti. Hluthafar geta með skriegu umboði veitt
umboðsmanni heimild til að sækja hluthafafund fyrir sína hönd og fara með
atkvæðisrétt sinn eða greitt atkvæði um fyrirliggjandi tillögur fyrir fundinn.
Aðrar upplýsingar
Endanleg dagskrá og önnur skjöl sem lögð verða fyrir hluthafafundinn,
þ.m.t. breyttar samþykktir og umboðsform, verða hluthöfum tiltæk á
skrifstofu félagsins viku fyrir hluthafafund. Samrunaáætlun og önnur gögn
vegna samrunans hafa verið aðgengileg hluthöfum síðan 7. júlí 2022. Nánari
upplýsingar um hluthafafundinn og tillögur stjórnar má nálgast á heimasíðu
félagsins: bioeffect.com/investors.
Kópavogi, 26. október 2022,
stjórn Bioeffect Holding ehf.
Rafmagnsknúnir smábátar
kosta langtum meira en þeir
olíuknúnu bátar sem nú eru í
notkun við Íslandsstrendur.
Hvati í nýju frumvarpi mat­
vælaráðherra dugar ekki til,
að mati formanns smábáta­
eigenda.
kristinnhaukur@frettabladid.is
SJÁVARÚTVEGUR Frumvarp Svandís­
ar Svavarsdóttur matvælaráðherra
til þess að liðka fyrir rafvæðingu
smábátaflotans fellur um sjálft sig
vegna kostnaðar, að mati fólks úr
greininni. Rafknúnir strandveiði­
bátar eru langtum dýrari en olíu­
knúnir.
Samkvæmt frumvarpinu um
breytingar á lögum um stjórn
fiskveiða fá smábátar sem ganga á
rafmagni að veiða 750 kíló í þorsk­
ígildum talið í hverri veiðiferð í stað
650 kílóa eins og reglurnar eru nú.
En hver bátur fer aðeins eina veiði­
ferð á dag.
Arthur Bogason, formaður Lands­
sambands smábátaeigenda, segir
rafvæðinguna of dýra miðað við
núverandi tæknistig. „Mér finnst
umræðan vera komin á allt annan
stað en þann raunveruleika sem
menn eru að glíma við,“ segir hann.
„Mér er alveg hulin ráðgáta hvers
vegna er verið að setja svona fram.
Þessi 100 kíló skipta nákvæmlega
engu máli í þessu samhengi.“
Matthías Sveinsson, hjá báta­
smiðjunni Víkingi, segir smábáta
geta verið misstóra. Þeir dýrustu
kosti allt að 500 milljónum króna
en venjulegir strandveiðibátar kosti
í kringum 40 milljónir. Það er með
Volvo Penta 340 hestafla vél.
Matthías segir að rafvæðingin
sé ekkert farin af stað og því hafi
smiðjan ekki enn hannað slíkan
bát. En rafmagnsbúnaðurinn einn
og sér sé afar dýr, kannski á bilinu
30 til 40 milljónir króna. 40 milljóna
bátur myndi þá hækka í á bilinu 60
til 65 milljónir.
Matthías segir áhuga á raf­
væðingu til staðar og töluvert vera
spurt en aðstæðurnar leyfi þetta
ekki. „Það hreyfir sig enginn fyrir
100 kíló,“ segir hann.
Arthur bendir á að fiskverðið
hafi verið milli 500 og 600 krónur á
árinu. Hækkunin á leyfilegum afla
í krónum talið sé því úr um það bil
350 þúsundum í 400 þúsund á dag.
Einungis er leyft að veiða tólf daga
á fjórum mánuðum, maí til ágúst,
sem sagt 48 daga. Ávinningurinn af
hækkuninni sem boðuð er í frum­
varpinu er því gróflega reiknaður
2,4 milljónir króna á ári fyrir bát
sem veiðir fullan afla alla dagana.
Arthur er á þeirri skoðun að það
skipti máli hversu mikilli orku sé
eytt í veiðar. Smábátarnir séu nú
þegar sparsamasti hluti fiskiskipa­
f lotans. Handfærabátar séu til að
mynda hálfgerðir tengil tvinn bátar
því þeir keyri einungis á vélarafli
þegar siglt er á miðin og til baka, en
rafmagn sé notað þess á milli.
Hann hefur einnig trú á uppfinn­
ingasemi mannskepnunnar og að
rafvæðing gæti orðið möguleiki í
framtíðinni. „Eins og sakir standa er
þetta ekki raunhæft,“ segir hann. n
Ekki raunhæft að rafvæða
strandveiðiflota landsins
Algengustu strandveiðibátarnir eru sagðir kosta í kringum fjörutíu milljónir króna. FRÉTTABLAÐIÐ/ANTON BRINK
helgisteinar@frettabladid.is
ALMANNAVARNIR Nefnd sem skip­
uð var til að greina áfallastjórnun
íslenskra stjórnvalda í Covid­19
faraldrinum skilaði forsætisráð­
herra skýrslu sinni í gærmorgun og
var hún meðal annars rædd á fundi
ríkisstjórnarinnar.
Nefndin var skipuð í byrjun
september 2021 og var í skýrslunni
vandlega farið í saumana á aðgerð­
um stjórnvalda frá byrjun árs 2020
þar til sóttvarnaráðstöfunum var
aflétt þann 25. febrúar 2022.
Í nefndinni sátu þau Ásthildur
Elva Bernharðsdóttir, dósent við
Háskólann á Bifröst sem var formað­
ur, Guðný Björk Eydal, prófessor við
Háskóla Íslands, og Trausti Fannar
Áfallastjórnun í faraldri sögð hafa heppnast vel
Valsson, dósent við Háskóla Íslands.
Meginniðurstaðan var sú að á
heildina litið gekk áfallastjórnun
íslenskra stjórnvalda í Covid­19
faraldrinum afar vel. Samvinna hjá
bæði sóttvarnalækni og almanna­
vörnum hafi verið lykilatriði en
þátttaka og samstaða innan sam­
félagsins hafi einnig skipt miklu.
Ábendingar voru einnig lagðar
fram og áhersla lögð á undirbún­
ing vegna samfélagslegra áfalla.
„Við erum stanslaust að æfa okkur.
Við megum heldur ekki hugsa að
það komi aftur Covid, það gæti
komið hvað sem er. En það er hægt
að lýsa því þannig að næst þegar á
reynir munu menn líka gera f leiri
kröfur til stjórnvalda,“ segir Trausti
Fannar. n
kristinnpall@frettabladid.is
ÍSAFJÖRÐUR Í minnisblaði sviðs­
stjóra skóla­ og tómstundasviðs
Ísafjarðarbæjar er lýst yfir áhyggj­
um af núverandi fyrirkomulagi á
skólaakstri í Skutulsfirði. Áður fyrr
hafi bílarnir iðulega verið troðfullir
umfram leyfilegan farþegafjölda en
nú sé staðan sú að börnum sé neitað
um inngöngu ef bíllinn er fullur.
Fræðslunefnd hefur samþykkt
að teknar verði út þær þrjár stoppi­
stöðvar sem eru innan átta hundr­
uð metra frá skólanum. Bæjarráðið
fól bæjarstjóra að vinna málið
frekar.
Í minnisblaðinu kemur fram að
skólabílarnir séu iðulega troðfullir
og að það skapist hætta þegar börn
standi í bílnum án þess að geta
hreyft sig. Aðilar frá grunnskól­
anum, foreldrar og verktakinn hafi
lýst yfir áhyggjum af stöðunni og
hafa Vestfirskar ævintýraferðir, sem
sjá um skólaaksturinn, tekið upp á
því að banna börnum aðgang þegar
bílarnir eru orðnir fullir.
Sífellt stærri hópur barna er sagð­
ur bíða við Jónsgarð sem er fimm
hundruð metra frá skólanum. Þá
fái færri sæti en vilja þegar kemur
að akstri úr skólanum. n
Troðfullir skólabílar sagðir hættulegir
Börn sem búa innan við átta hundruð
metra frá skólanum gangi.
thorgrimur@frettabladid.is
RÚSSLAND Rússar leituðu í gær til
öryggisráðs Sameinuðu þjóðanna
til að viðra þar áhyggjur sínar af því
að Úkraínumenn kunni að sprengja
„skítuga sprengju“ á landsvæði sínu.
Daginn áður höfðu Rússar sent
Sameinuðu þjóðunum bréf þar sem
þeir lýstu þessum áhyggjum.
Ásakanir Rússa gangi út á að stjórn
Úkraínu hafi skipað tveimur stofn­
unum að búa til skítuga sprengju,
sem er sprengja sem inniheldur
geislavirk efni. Slíka sprengju er mun
auðveldara að útbúa en eiginlega
kjarnorkusprengju en með henni
er þó hægt að dreifa geislavirku efni
yfir stór svæði og gera þau óbyggileg.
Rússar halda því fram að til­
gangur slíkrar sprengjuárásar af
hálfu Úkraínumanna væri að kenna
Rússum um hana og sverta þannig
mannorð þeirra. Rússar hafa ekki
fært fram sannanir fyrir því að
Úkraínumenn séu að útbúa skítuga
sprengju og sendifulltrúar Vestur­
landa vísað ásökununum á bug.
„Þetta er hreinræktuð rússnesk
rangfærsla af sama tagi og við
höfum oft séð áður og nú er mál að
linni,“ sagði James Kariuki, aðstoð­
arfulltrúi Bretlands hjá Sameinuðu
þjóðunum. n
Rússar lýsa áhyggjum við öryggisráðið
Öryggisráðið hélt fund fyrir luktum
dyrum í gær. FRÉTTABLAÐIÐ/GETTY
6 Fréttir 26. október 2022 MIÐVIKUDAGURFRÉTTABLAÐIÐ