Fréttablaðið - 26.10.2022, Blaðsíða 12

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Þorvaldur S. Helgason
tsh@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Öllum,
börnum
sem
öðrum, er
fullkom-
lega frjálst
að vera í
sambandi
við Jesú,
með eða án
milligöngu
þjóðkirkj-
unnar.
Orku-
skiptaverk-
efni eru
mikilvæg-
ustu verk-
efni sam-
tímans.
benediktboas@frettabladid.is
Menningarsnobb
Þeim íþróttamönnum sem voga sér
að tala um hvað þeir séu spenntir
fyrir komandi HM í Katar hefur
yfirleitt verið hent á bál. Flautaðir
jafnvel úr leik. David Beckham
hefur aldeilis fengið að kenna á
því fyrir að tala fallega um Katar
og stórvinur hans Gary Neville
vogaði sér að hlakka til. Það var
alveg bannað. Nú hefur okkar eigin
Ólafur Elíasson frumsýnt milljarða
verk sitt í tengslum við listahátíð-
ina Qatar Creates Week. Verk hans
er smíðað úr málmi, trefjagleri og
speglagleri. Listahátíðin er liður í
sjarmasókn Katara í aðdraganda
HM. En Ólafur er listamaður og
það er allt annað en fótbolti. Þar
gilda aðrar reglur.
Allt fyrir peninga
Í skýrslu mannréttindasamtak-
anna Human Rights Watch kemur
fram að allt að sjö þúsund hafi
látist við uppbyggingu mannvirkja
fyrir HM og eru réttindi annarra
verkamanna virt að vettugi. Sam-
kynhneigðir séu lamdir án dóms
og laga og hárið rakað af konum
sem eru grunaðar um að vera eitt-
hvað öðruvísi. En Ólafi er alveg
sama um þetta. Hann þarf að fá
greitt og listasamfélagið hér heima
og erlendis stendur bara upp og
klappar. Því list er ekkert fótbolti.
Jafnvel þó margir haldi því fram
að fótbolti sé einmitt list. Enda
fátt fallegra en 22 leikmenn að elta
tuðru. n
Garðar Örn
Úlfarsson
gar
@frettabladid.is
Nýr fyrsti varaforseti á kirkjuþingi
dró um helgina upp dökka mynd
af stöðu þjóðkirkjunnar. Sagði
Kristrún Heimisdóttir kirkjuna
vera á stjórnlausu undanhaldi.
„Ég vil nota mína rödd og ég vil nota mína
krafta til þess að berjast gegn þessu undan-
haldi,“ sagði Kristrún er hún ávarpaði kirkju-
þingið í aðdraganda kjörs fyrsta varaforseta
þingsins.
Að því er Kristrún sagði liggur hluti skýr-
ingarinnar á undanhaldi þjóðkirkjunnar í
breytingum sem Alþingi hefur gert á lögum um
trúfélög. „Lögin um trúfélög eru að mínu mati
bastarður og Zúistahneykslið segir allt sem
segja þarf um það hversu slæm þau lög eru,“
sagði Kristrún og vísaði til umdeildra fjármála
trúfélagsins Zuism á Íslandi.
„Held ég að sé eitt af því mikilvægasta til
bjargar kirkjunni og til að styðja kirkjuna og
styrkja hana sé að þarna verði gerð alger grund-
vallarendurskoðun á öllu saman. Og það er
til dæmis verkefni sem ég hefði mjög mikinn
áhuga á að leggja gjörva hönd á,“ útskýrði
Kristrún fyrir þingheimi.
Nánari útskýringar á göllum laganna um
trúfélög voru ekki í framboðsræðunni nema ef
vera skyldi er Kristrún vék að börnum. Kvaðst
hún ávallt benda fermingarbörnum á að Jesús
Kristur væri besti áhrifavaldurinn.
„Og hvers vegna er búið að banna öllum
börnum á Íslandi að hafa aðgang að þeim
áhrifavaldi? En öll mega þau horfa á TikTok,“
spurði Kristrún fulltrúa á kirkjuþingi sem
síðan kusu hana sem fyrsta varaforseta með
átján atkvæðum gegn tíu atkvæðum Steindórs
R. Haraldssonar frá Skagaströnd.
Ekki fylgdi hjá Kristrúnu útlistun á því banni
sem hún segir íslensk börn sæta gagnvart Jesú
Kristi. Það er skiljanlegt því alls ekkert slíkt
bann er á Íslandi. Öllum, börnum sem öðrum,
er fullkomlega frjálst að vera í sambandi við
Jesú, með eða án milligöngu þjóðkirkjunnar.
Í ræðu sinni kvaðst Kristrún hafa notið kristi-
legs uppeldis. Sagði hún þjóðkirkjuna hafa
verið lykilatriði í því samfélagi sem hún hefði
alist upp í og að hún vildi að afkomendur sínir
og Íslendingar framtíðarinnar gætu notið.
Þeir sem hlotið hafa kristilegt uppeldi muna
eftir boðorðunum tíu sem sumum reynist erfitt
að fylgja og sneiða jafnvel hjá til að tryggja
eigin hugmyndum framgang, hvort sem það
er í stjórnmálum, viðskiptum eða trúmálum.
Helst virðist níunda boðorðið vefjast fyrir fólki
og það boðar aldrei gott: Þú skalt ekki bera ljúg-
vitni gegn náunga þínum. n
Að helga meðal
Í gær ávarpaði ég fund Orkusjóðs og Orkustofnunar
sem haldinn var í samvinnu við Grænu Orkuna.
Á fundinum stigu á stokk fulltrúar verkefna sem
hljóta styrki í ár úr Orkusjóði. Markmið fundarins
var að sýna þá breidd og fjölda verkefna sem
sjóðurinn styrkir.
Orkusjóður sem úthlutar styrkjum til orkuskipta-
verkefna, hefur styrkst ár frá ári og hefur á þessu ári
úthlutað langstærstu upphæð hingað til. Umsóknir
voru margar og námu fjárhæðir þeirra fjórfaldri
þeirri upphæð sem sjóðurinn hafði úr að spila.
Sem betur fer er áhugi fjárfesta og frumkvöðla
mikill, en þeir leggja til meirihluta fjármagnsins til
verkefna á móti sjóðnum. Við þurfum svo sannar-
lega að virkja áfram þennan slagkraft sem þar er að
finna. Það er afar hvetjandi að sjá áhugann á orku-
skiptum og þann fjölda raunhæfra verkefna sem eru
í deiglunni. Verkefnin eiga það sammerkt að þau eru
strax frá gangsetningu að vinna að orkuskiptum. Ég
hef því ákveðið að bæta 200 milljónum króna við
þá fjárveitingu sem Orkusjóður úthlutar á þessu ári
sem þýðir að samtals er úthlutað 1,1 ma. króna.
Vel hefur tekist að styðja við dreifingu verkefna
um land allt. Enda mjög mikilvægt að enginn lands-
hluti verði eftir þegar kemur að grænu orkuskipt-
unum.
Sjóðurinn er áfram að þróast og færa út kvíarnar
frá því að vera með í raun einungis eitt einfalt verk-
efni fyrir nokkrum árum síðan, sem var að styðja
við uppbyggingu hleðslustöðva um landið, yfir í það
að styðja við allsherjar græn orkuskipti.
Í umhverfis-, orku- og loftslagsráðuneytinu
stendur nú yfir vinna við endurskoðun stofnana-
fyrirkomulags og þar með einnig styrkjakerfisins.
Til skoðunar er að efla sjóðinn enn frekar.
Orkuskiptaverkefni eru mikilvægustu verkefni
samtímans. Ég því vil hvetja alla til að kynna sér
sjóðinn og sækja um við úthlutun næsta árs. n
Aukinn kraftur
í orkuskipti
Guðlaugur Þór
Þórðarson
umhverfis-,
orku- og loftslags-
ráðherra
FRÉTTAVAKTIN
KL. 18.30
Fréttaumfjöllun fyrir alla.
í opinni dagskrá á virkum dögum
á Hringbraut og frettabladid.is
SKOÐUN FRÉTTABLAÐIÐ 26. október 2022 MIÐVIKUDAGUR