Fréttablaðið - 26.10.2022, Blaðsíða 8

Tvær svona verksmiðj-
ur gætu séð öllum
íslenska fiskiskipaflot-
anum fyrir eldsneyti.
Vonandi
fjölgar
verkefnum
okkar hér á
landi
samhliða
vextinum
erlendis.
Íslenska fyrirtækið Carbon
Recycling International hefur
undanfarin tvö ár unnið að
hönnun og byggingu verk-
smiðju í Kína sem breytir
útblæstri koltvísýrings í
f ljótandi metanól. Verk-
smiðjan er sú stærsta sinnar
tegundar í heiminum.
„Það er enginn kominn svona
langt með þessa tækni eða aðferð í
heiminum. Þetta er risastórt skref
og hefur gríðarlega þýðingu fyrir
félagið. Eftir 16 ára þróun og und-
irbúning,“ segir Björk Kristjáns-
dóttir, forstjóri Carbon Recycling
International.
Fyrirtækið er leiðandi á heims-
vísu í tækni til að framleiða græna
efnavöru og metanól með því að
endurnýta koltvísýring.
Verksmiðjan, sem byggir á tækni
og búnaði íslenska fyrirtækisins, er
staðsett í Henan-héraði í Kína.
Þótt fyrirmyndin sé sótt í met-
anólverksmiðju Carbon Recycling
International í Svartsengi skammt
frá Grindavík eru stærðarhlutföllin
ólík. Verksmiðjan í Kína er 28 sinn-
um stærri en verksmiðjan á Íslandi.
Björk segir mikla gerjun í föngun
og nýtingu á koltvísýringi til að
draga úr notkun á jarðefnaelds-
neyti í Kína.
„Stjórnvöld í Kína hafa sett mjög
harðar og ákveðnar takmarkanir
á mengandi starfsemi. Fyrirtæki
sem losa í miklu magni standa
þannig frammi fyrir því að annað
hvort draga úr framleiðslu sinni
eða finna varanlegar lausnir til að
minnka kolefnissporið.“
Kína er stærsti framleiðandi og
notandi á metanóli í heiminum en
um 80 prósent af framleiðslunni í
dag byggja á notkun kola.
Einmitt þess vegna hentar tækni
CRI vel inn á kínverskan markað,
að sögn Bjarkar.
„Við erum að taka koltvísýring
fyrirtækis, sem framleiðir stál, og
breyta því í metanól sem þau geta
síðan selt á markaði.“
Til að setja stærðargráðu verk-
efnisins í samhengi segir Björk
einfaldast að horfa til þess sem við
þekkjum hér heima.
„Ef við gæfum okkur að fiski-
skipafloti Íslands gengi á metanóli
í stað olíu, þá myndum við þurfa
um það bil tvær svona verksmiðjur
til að sjá öllum fiskiskipaflotanum
fyrir eldsneyti. Þetta er gríðarlega
stórt verkefni.“
Lykilbúnaður verksmiðjunnar og
grunnurinn í tækni CRI er hvarfa-
kútur sem breytir koltvísýringi í
f ljótandi metanól.
Hvarfakúturinn í verksmiðj-
unni í Kína vegur 84 tonn, eða sem
nemur þyngd fullhlaðinnar breið-
þotu. Tankinum er komið fyrir inni
í stálgrind og hann svo tengdur við
sérhæfða 70 metra háa gasþjöppu.
Hjá CRI starfa um 30 manns en
síðan í júní hefur teymi á vegum
fyrirtækisins verið að störfum í
Kína.
„Við erum mjög stolt af þessum
áfanga,“ segir Björk og bætir við að
áhugi á tæknilausnum fyrirtækis-
ins hafi stóraukist að undanförnu.
Nú þegar framleiðsla er hafin í
Kína á hún von á að áhuginn aukist
enn frekar.
Aðspurð segist Björk þó ekki vilja
fara út í verðmæti samningsins.
„Við höfum ekki gefið upp neinar
tölur í því samhengi. Aðalatriðið í
mínum huga er að við erum með
þessu búin að sannreyna okkar
tækni og koma henni á markað.
Þetta er okkar langstærsti próf-
steinn til þessa og gríðarleg viður-
kenning.“
Björk segir f leiri viðlíka verkefni
í pípunum erlendis.
Íslensk þekking nýtt til að draga úr losun í Kína
Teymi á
vegum íslenska
fyrirtækisins
hefur verið
að störfum í
Henan-héraði í
Kína síðan í júní.
MYND/AÐSEND
Björk Kristjáns-
dóttir, for-
stjóri Carbon
Recycling
International,
segir verkefnið í
Kína gríðarlega
viðurkenningu.
FRÉTTABLAÐIÐ/
VALLI
Guðmundur
Gunnarsson
ggunnars@
frettabladid.is
„Við sjáum fram á mikinn vöxt
á næstunni. Það streyma til okkar
fyrirspurnir og mörg verkefni bíða
þess einfaldlega að fara af stað.
Við þurfum að stækka félag-
ið og fjölga starfsfólki til að anna
eftirspurn og ráðast í f leiri svipuð
verkefni. Það er ljóst. Við erum á
leiðinni í fjármögnunarferli til að
standa undir vextinum og grípa
þau tækifæri sem banka upp á,“
segir Björk.
Kjarnastarfsemi CRI hefur alla
tíð verið á Íslandi en Björk segir
það eiga eftir að koma í ljós hvernig
framhaldið verður.
„Við erum íslenskt fyrirtæki og
stolt af því sem við höfum byggt
upp héðan. Hvað gerist þegar
stórum verkefnum fjölgar verður
bara að koma í ljós. Vöxturinn
verður að nokkru leyti utan lands-
steinanna á næstunni því þar eru
stóru verkefnin. Þaðan koma líka
þær fyrirspurnir sem við erum að
vinna úr um þessar mundir. Svo
skoðum við bara hvað gerist í fram-
haldinu,“ segir Björk og bætir við:
„Það fylgja því ákveðnar áskor-
anir að stýra alþjóðlegum vexti frá
Íslandi þótt hjartað slái tvímæla-
laust hér. Vonandi fjölgar verk-
efnum okkar hér á landi samhliða
vextinum erlendis.“
Hún segir augljóst að ákveðnar
atvinnugreinar horfi í auknum
mæli til framleiðslu á vistvænu
eldsneyti.
„Við sjáum til dæmis að sífellt
f leiri skipafélög stefna að því að
skipta út olíu fyrir metanól á næstu
árum. Sú þróun er mjög hröð um
þessar mundir og fyrirtækin farin
að taka við sér.
Vonandi berum við líka gæfu til
að hreyfa okkur hratt hér á landi,“
segir Björk. n
Lykilbúnaður
verksmiðjunnar
er hvarfakútur
sem breytir
koltvísýringi
í fljótandi
metanól.
8 Fréttir 26. október 2022 MIÐVIKUDAGURFRÉTTABLAÐIÐMARKAÐURINN 26. október 2022 MIÐVIKUDAGUR