Fréttablaðið - 26.10.2022, Blaðsíða 22

Útivist gefur mér
tengsl við nátt-
úruna og mikla orku.
Birna María Þorbjörnsdóttir
Það eru ekki allir mjólkursýrugerlar eins!
ÞARMAFLÓRAN
ER LYKILLINN AÐ HEILSUNNI
PROBI® vörurnar fást í apótekum,
heilsuverslunum og stórmörkuðum.
ÞESSI Í GRÆNA KASSANUM
Til þess að viðhalda heilbrigðri flóru er mikilvægt að
tileinka sér hollt og gott mataræði ásamt því að taka
reglulega inn mjólkursýrugerla í formi bætiefna.
PROBI MAGE
4 kynningarblað 26. október 2022 MIÐVIKUDAGURVÍTAMÍN OG BÆTIEFNI
Birna María Þorbjörnsdóttir
hefur stundað útivist stóran
hluta ævinnar. Til að styrkja
líkamann betur fyrir fjöl-
breytta útivist tekur hún inn
ólík vítamín og bætiefni.
starri@frettabladid.is
Alls kyns útivist hefur verið stór
hluti af lífi Birnu Maríu Þorbjörns-
dóttur frá því hún var sveitastelpa
í Húnavatnssýslu þar sem hún
eltist við kindur og kýr sem krakki
og unglingur. „Útivist gefur mér
tengsl við náttúruna og mikla
orku. Þar hleð ég batteríin og svo
hef ég kynnst svo mörgu frábæru
fólki þar í gegnum árin.“
Til að styrkja líkamann betur
fyrir fjölbreytta útivist tekur Birna
inn ólík vítamín og bætiefni. „Ég
tek inn daglega magnesíum og
B-, C- og D-vítamín og svo tek ég
stundum tímabil þar sem ég tek
járn og þorskalýsi. Hvað mataræði
varðar þá uppgötvaðist fyrir 15 til
20 árum síðan að ég er með mjög
slæmt mjólkur- og glútenofnæmi
og því var þörf á að endurskoða
mataræðið.“
Fyrir vikið minnkaði hún neyslu
á rauðu kjöti. „Ég hóf að borða
meira fæðu úr jurtaríkinu og meira
sjávarfang og kjúkling ásamt því
að gera sem mest af mínum mat
frá grunni. Þar sem ég hef aldrei
verið mikill nammi- eða sykurgrís
borða ég mjög lítinn sykur. Víta-
mínin sem ég tek eru mest til að
hjálpa ónæmiskerfinu enda er ég
mjög heilsuhraust og verð sjaldan
veik. Magnesíum er fyrir mig algjör
töfralausn þegar kemur að því að
vinna á móti sinadrætti og vöðva-
krömpum.“
Áhugamál þróast í vinnu
Birna bjó áður fyrr á Suðurlandi
þar sem hún vann lengi vel hjá
Íslandsbanka. „Síðan ákvað ég
að flytja á höfuðborgarsvæðið og
skipta yfir í eitthvað allt annað.
Ég hef síðustu sjö, átta árin unnið
störf tengd ferðamennsku og
útivist auk þess að starfa í björg-
unarsveit, en það hefur reyndar
minnkað síðustu árin.“
Lengri og styttri gönguferðir
hafa verið fyrirferðarmiklar í
útivist Birnu undanfarin ár en
hún hefur einnig prófað kajak og
hlaup. „Á tímabili hjólaði ég líka
mjög mikið og einn veturinn tók
ég ástfóstri við gönguskíði sem ég á
pottþétt eftir að taka fram aftur.“
Það sem byrjaði sem áhugamál
hjá Birnu, að ferðast og ganga
heima og erlendis á eigin vegum
eða með vinum, þróaðist út í það
að hún fór að vinna við leiðsögn
og fararstjórn. „Mest hef ég unnið
með Einari Skúlasyni í Veseni og
vergangi en þar hef ég verið farar-
stjóri með hópa og leiðbeinandi á
námskeiðum með honum. Einnig
Hleður batteríin og kynnist mörgu frábæru fólki
Á leið í grunnbúðir Everest með fjallið Ama Dablam í baksýn. MYND/AÐSEND
hef ég farið nokkrar gönguferðir
umhverfis Mont Blanc sem farar-
stjóri á vegum Mundo ferðaskrif-
stofu.“
Nepal og Alparnir standa upp úr
Hún segir margt standa upp úr
þegar kemur að útivist síðustu
ára en nefnir þrennt. „Ferðirnar
tvær sem ég hef farið til Nepal
standa upp úr. Önnur þeirra var
að grunnbúðum Everest en hin
var gönguferð um fjöllin í Lang-
tang-þjóðgarðinum og nágrenni.
Nepal er mjög fátækt land og það
er einfaldlega eitthvað við landið,
náttúruna og fólkið sem er svo
heillandi. Einnig verð ég að nefna
Alpana að sumri til. Að ganga þar
um fjallaskörð og dali með bara
það nauðsynlegasta í bakpok-
anum, gista í skálum og njóta nátt-
úrunnar. Svo verð ég auðvitað að
minnast á allt það dásamlega fólk
sem ég hef kynnst sem fararstjóri í
ferðum bæði hér heima og erlendis
og í gönguhópunum fyrir Vesen og
vergang.“
Margt spennandi í vændum
Fram undan er margt spennandi
þegar kemur að útivist. „Í vetur er
planið að vera áfram með göngu-
hóp fyrir Vesen og vergang ásamt
því að skottast um í náttúrunni
með tíkarskottinu mínu, henni
Pílu. Næsta sumar ætla ég svo að
kanna leiðir innanlands sem ég hef
ekki farið áður. Vonandi get ég líka
tekið einhverjar ferðir sem farar-
stjóri hér heima ásamt því að fara
með hóp umhverfis Mont Blanc.
Það er stórkostlega falleg göngu-
leið sem ég fæ aldrei leið á.“ n