Fréttablaðið - 26.11.2022, Side 52

Einn af dagskrárliðum
Bókamessunnar í Hörpu
um helgina verða pallborðs­
umræður helgaðar smá­
sögum en mikill uppgangur
og vinsældir hafa verið á
smásagnarforminu hér á
landi á undanförnum árum.
gummih@frettabladid.is
Rithöfundurinn Björn Halldórsson
mun stýra pallborðsumræðunum,
sem hefjast klukkan 13 á morgun
og verða í Kaldalónssalnum í
Hörpu. Umræðurnar eru helgaðar
nýútgefnum smásögum. Þau sem
koma og spjalla við Björn eru:
María Elísabet Bragadóttir (Sápu­
fuglinn), Örvar Smárason (Svefn­
gríman), Guðjón Baldursson (Og
svo kom vorið), og Kristín Guðrún
Jónsdóttir, þýðandi Guadalupe
Nettel (Hjónaband rauðu fiskanna)
og ritstjóri sýnisbókarinnar Með
flugur í höfðinu.
„Það er gaman að fá þennan sam­
komustað aftur,“ segir Björn en tvö
undanfarin ár hefur þurft að aflýsa
Bókamessunni vegna heimsfarald­
ursins.
„Þegar þú ert að skrifa og ert
að vinna í skáldskap þá ertu svo
mikið einn úti í horni. Þú ert inni
í einhverri kompu að bisast yfir
einhverjum texta allan liðlangan
daginn. Einhver samkomuvett­
vangur, eins og bókmenntahátíð,
Bókamessan eða jólabókaflóða­
útgáfan, er mjög mikilvægur til þess
að minna sig á annað fólk og líka til
Rosalegur vöxtur í smásögunum 
Rithöfundurinn Björn Halldórsson mun stýra pallborðsumræðunum á Bóka-
messunni í Hörpu á morgun. fréttablaðið/ernir
að tengjast og sjá hvað aðrir eru að
gera. Svo er þetta líka vettvangur
fyrir lesendur og það er eitthvað
sem þarf að passa. Það er til hell­
ingur af fólki þarna úti sem les
rosalega mikið og þarna myndast
snertipunktur við það. Fólk getur
mætt og séð allt það sem er í gangi.
Þetta er skemmtilegur dagur fyrir
fjölskylduna þar sem höfundarnir
eru á staðnum,“ segir Björn.
Björn segir að það sé mjög
skemmtilegt að fá að takast á við
að stýra pallborðsumræðunum en
hann er ekki óvanur því að taka
þetta hlutverk að sér. „Það er búinn
að vera rosalegur vöxtur í smá­
sögunum undanfarin ár. Ég gaf út
mína fyrstu bók árið 2017, sem var
smásögusafn. Ég ýtti þá á félaga
minn sem var að vinna í bókabúð
hvort þau gætu ekki verið með met­
sölulista fyrir smásögusafn eins og
ljóðabækurnar því ég sá algjörlega
fram á að vera bara einn á honum
sem hefði verið mjög hentugt,“ segir
Björn og hlær.
Spurður hvað hann telji vera
helstu ástæðuna fyrir uppgangi
smásagnanna segir Björn: „Það
sem ég held að sé númer eitt, tvö
og þrjú sem hafi breyst er tilkoma
ritlistardeildarinnar í Háskólanum
sem er vettvangur þeirra. Smásögur
eru algjörlega listform út af fyrir
sig. Maður á alls ekki að hugsa um
þær sem einhverjar æfingar fyrir
skáldsöguna eins og sumir gera.
Smásögurnar eru mjög góður vett­
vangur fyrir nýja höfunda að þróa
og æfa röddina sína og að komast
áfram. Smásögur eru styttri hreint
og beint og það er auðveldara að
henda smásögu sem virkar ekki
heldur en að henda einni skáld­
sögu. Þar af leiðandi getur þú tekið
meiri áhættu, gert fleiri tilraunir og
prófað hluti sem eru kannski ekki
þægilegir. Þess vegna eru þær svo
mikilvægar í þróun höfundarins.
Við höfum séð risastóra nýja
höfundastétt rísa upp undanfarin
ár samhliða ritlistanáminu,“ segir
Björn.
Við búum til opið samtal milli
höfunda og lesenda
Spurður nánar út í pallborðsum­
ræðurnar segir Björn: „Þetta verða
fjórir höfundar sem verða með
mér. María Elísabet og Örvar eru
bæði ungir og nýir höfundar og
fyrsta verk þeirra beggja voru smá­
sögur. Örvar kemur úr ritlistinni
og getur rætt eitthvað um það og
María er sjálfmenntuð.
Guðjón er á öðrum vettvangi.
Hann er búinn að klára heilan feril
sem læknir og er farinn að skrifa
smásögur á efri árum. Svo er það
hún Kristín. Hún er þýðandi og
hefur einbeitt sér rosalega mikið
að smásögum, sérstaklega frá
latnesku Ameríku og frá spænsku­
mælandi löndum. Ég er mjög for­
vitinn að heyra frá henni hvernig
smásöguformið er í þessum menn­
ingarheimi.
Það verður gaman að heyra hvað
þau hafa að segja. Ég ætla ekkert að
yfirheyra þau í þaula um bækurnar
þeirra. Þau munu ræða málin við
lesendur og við munum búa til
opið samtal milli höfunda og les­
enda. Ég hef oft tekist á við svona
pallborðsumræður og maður
er bara til staðar til að henda út
einhverju haldreipi og fylgjast
með klukkunni. Ég vil helst láta
fara minnst fyrir mér sjálfum og
leyfa höfundum að tala og fara á
flug,“ segir Björn, sem reiknar með
að umræðurnar standi yfir í um
klukkustund. n
Smásögur eru mjög
góður vettvangur
fyrir nýja höfunda að
þróa og æfa röddina sína
og að komast áfram.
Björn Halldórsson
6 kynningarblað 26. nóvember 2022 LAUGARDAGURBók amessa