Borgfirðingabók - 01.12.2004, Qupperneq 41

Borgfirdingabók 2004
39
Ný verkefni og ný tækifæri
Eg sé enga ástæðu til að trúa því að Vestlendingar muni ekki
standa sig í framtíðinni. Hér er mikil þekking og reynsla, mik-
il þjálfun, menntun og almennt atgervi til að takast á við fram-
tíðina. Einmitt núna er Borgarnes og Miðvesturland á við-
kvæmu skeiði í þessari samfélagsbyltingu. En engin ástæða er
til svartsýni.
Sannleikurinn er sá að við þróuninni verður ekki spornað.
Þjóðin vill ekki velja þann kost að verða aftur einangrað al-
þýðulýðveldi. Það var margt með ágætum í íslenska alþýðulýð-
veldinu; við skulum ekki og megum ekki gera lítið úr því. En
þjóðin hefur staðfest að hún vill búa í opnu samfélagi í frjáls-
um viðskiptum bæði innan lands og út á við og með hraðri þró-
un og umbreytingum. Þessu fylgir meðal annars sú róttæka
samfélagsbylting sem ég hef verið að lýsa.
Þessi samfélagsbylting veldur því að Borgarnes og Miðvestur-
land öðlast ný samfélagshlutverk, ný tækifæri og nýja mögu-
leika. Og menn eiga að festa sjónir á tækifærum og möguleik-
um en ekki láta breytingar, óvissu, áhættu og erfiðleika kúga
sig niður. Miðvesturland getur vel þróast og náð góðum ár-
angri sem hluti borgríkisins. Þessi byggð hefur margt að bjóða
og mikla möguleika.
Þegar allt kemur til alls snúast þessar vangaveltur um metn-
að, einstaklingsmetnað, byggðarmetnað, samfélagsmetnað.
Viljum við láta aðstæðurnar og ákvarðanir annarra ráða öllu
um líf okkar, eða viljum við taka sjálf forystu og frumkvæði um
framvinduna innan þess ramma sem samtíð og framtíð marka?
Vestlendingar eiga að taka áskorun framvindunnar og taka
sjálfir forystu fyrir henni.
A stærra sviði er á sama hátt spurt um þjóðarmetnað Islend-
inga. Mér sýnist svarið einfalt og skýrt: Við eigum aldrei að láta
okkar hlut; við eigum ekki að víkja....
Byggt á erindi sem jlutt var á ráöstefnu um atvinnu- og byggðamál í Borgarnesi
2. mars 2002.
Höf er bankastjóri í Seðlabanka íslands. Skoðanir þær sem greinin
flytur eru Seðlabanka Islands óviðkomandi.