Borgfirðingabók - 01.12.2004, Page 104

102
Borgfirdingabók 2004
starfsemi sína, en stofnunin hefur það sem meginmarkmið að
efla rannsóknir á miðöldum og sögu og menningu Borgar-
fjarðar en jafnframt að miðla upplýsingum um þessar rann-
sóknir. Forneifauppgröfturinn í Reykholti hefur verið eitt aðal
adráttarafl staðarins og myndar í raun grunninn að öllum
þeim rannsóknum sem fram fara á svæðinu. Mikilvægt er að
ganga firá fornleifasvæðinu á viðunandi hátt og er markmiðið
að gera þessar fornminjar sýnilegar almenningi en um leið að
varðveita þær eins vel og hægt er með núverandi tækni. Rann-
sóknaþátturinn er forsenda miðlunar á þekkingu á sögu mið-
alda og ekki síst sagnfræði og bókmenntum Snorra Sturluson-
ar og sögu Reykholts. Eins og stendur hefur Snorrastofa yfir
takmörkuðu sýningarrými að ráða. Þó er í safnaðarsal undir
kirkjunni nú fastasýning sem ber yfirskriftina „Snorri og sam-
tíð hans“, en einnig er sýning um Snorra og sögu Reykholts í
anddyri kirkjunnar. Leiðsögn um sýningarnar annast fyrirtæk-
ið Heimskringla, en um allan fræðilegan undirbúning og
hönnun sýninga hefur Snorrastofa séð um.
Unnið er að frágangi fornleifa og gerð áhugaverðrar marg-
miðlunarsýningar og er það liður í að styrkja Reykholt sem
miðstöð kynningar á íslenskum bókmenntum og miðaldasagn-
fræði. Þjóðminjasafn íslands hefur lánað í Reykholt fornminj-
ar og styður við bakið á gerð svokallaðs minjagarðs í Reykholti,
þar sem hugsanlega verður byggt yfir fornleifar o.fl. Fyrirmynd
minjagarðs er það sem á ensku hefur verið nefnt ecomuseum
og ekomuseum á norðurlandamálum. Nýtt sýningarefni mun
taka mið af þróun fornleifarannsókna, sem hófust árið 1998 og
standa enn yfir, þótt bókmenntasagan og arfur Snorra Sturlu-
sonar sé útgangspunkturinn eins og ávallt í Reykholti. Aukið
sýningarrými mun gefa kost á mun breiðari nálgun og er ein-
nig ætlunin að horfa á sögu og menningu svæðisins yfir lengri
tíma og beina sjónum að þróun staðarins og hlutverki hans í
héraði í gegnum aldirnar.
Eins og fyrr segir eru fornminjar forsenda alls fræðastarfs í
Reykholti. Með því að byggja yfir þær verða þær mun sýnilegri
og áþreifanlegri hluti af menningarsögunni. I þeim hluta bygg-
ingarinnar sem hýsa mun fornleifarnar er markmiðið að sýna
fram á byggingarþróun í Reykholti með tilgátumyndum ásamt
upplýsingum um það sem fyrir augu ber. Þar verði sýndar til-