Morgunblaðið - 24.09.2022, Blaðsíða 8

8 FRÉTTIR
Innlent
MORGUNBLAÐIÐ LAUGARDAGUR 24. SEPTEMBER 2022
Enn einn úr forystu verkalýðs-
hreyfingarinnar hefur hrökkl-
ast frá vegna valdabaráttu og yfir-
gangs fámennrar
klíku. Halla Gunn-
arsdóttir, fram-
kvæmdastjóri Al-
þýðusambands
Íslands, hefur sagt
starfi sínu lausu.
- - -
Halla segir í sam-
tali við mbl.is
að búið sé „að mála
upp þá mynd að
Drífa Snædal hafi
verið eitthvert
vandamál innan
Alþýðusambandsins.
Ég hef starfað með
henni og stutt hennar verk þannig
að ef það er upplifun þeirra sem
taka munu við, að hún sé vandamál,
þá er ég það líklega líka.“
- - -
Aðspurð segir hún um átökin inn-
an ASÍ: „Þau hafa verið um
völd og yfirráð, ekki um málefni,
um þau er mikill samhljómur. Eftir
hópuppsagnir Eflingar varð klofn-
ingurinn mjög ljós. Hluti hreyfing-
arinnar er tilbúinn til að standa að
eða styðja hópuppsagnir, eða í það
minnsta láta ógert að mótmæla
þeim, eingöngu til að standa vörð
um völd. Og þar er þögn formanns
VR ærandi.“
- - -
Valdabaráttan innan ASÍ er lítið
annað en einmitt það, valda-
barátta. Þar fara fram fáeinir, fyrst
og fremst tveir, formenn með afar
veikt umboð sem eru að reyna að
sölsa undir sig verkalýðshreyf-
inguna.
- - -
Þetta kann að vera að takast, en
hver verður kostnaðurinn af
þessum herleiðangri? Verður hann
til að styrkja verkalýðshreyfinguna
eða auka trú almennings á henni?
Því er fljótsvarað: Nei.
Málefnalaus
valdabarátta
STAKSTEINAR
Ragnar Þór
Ingólfsson
Halla
Gunnarsdóttir
Guðni Einarsson
gudni@mbl.is
Samninganefndir iðnaðarmanna og
Samtaka atvinnulífsins (SA) hitt-
ust á þriðjudaginn var, að sögn
Kristjáns Þórðar Snæbjarnar-
sonar, formanns
Rafiðnaðar-
sambands Ís-
lands (RSÍ).
„Við lögðum
fram okkar
kröfugerðir og
megináherslur
við gerð kjara-
samninganna,“
segir Kristján.
Hann segir að
líklega verði
kröfugerðirnar birtar eftir helgi.
En hver eru helstu áhersluatriðin?
„Meginatriðið er að viðhalda og
auka kaupmátt launa. Við höfum
ekki enn lagt fram kröfur um
launaliðinn. Þá teljum við mjög
brýnt að fara í styttingar á vinnu-
tíma og einföldun á því fyrirkomu-
lagi. Við stigum eitt skref síðast
og viljum fylgja því eftir til að ein-
falda og skýra styttinguna. Síðan
eru atriði sem snúa að launatöfl-
um og lágmarkslaunum sem við
þurfum að fara yfir. Við förum
fram á að fjölmargir liðir kjara-
samninganna þar verði leiðréttir
og bættir. Til dæmis orlofsréttur,
veikindaréttur og slík atriði,“ seg-
ir Kristján.
Hann segir að kórónuveirufar-
aldurinn hafi opnað augu manna
fyrir ýmsu sem samningsaðilar
þurfi að ræða í kjaraviðræðunum.
Eitt af því er t.d. reynslan sem
fékkst af fjarvinnu í faraldrinum
og fleira.
Næsti samningafundur hefur
ekki verið boðaður en hann verður
í næstu viku. Þar verður farið í að
ræða skipulag og að tímasetja ein-
staka liði kjaraviðræðnanna.
Auk RSÍ eru í samfloti iðnaðar-
manna Byggiðn, FIT, MATVÍS,
VM og Samiðn. Þessi félög hafa
öll aðsetur í Húsi fagfélaganna á
Stórhöfða 31 í Reykjavík.
Áhersla lögð á að
viðhalda og auka
kaupmátt launa
- Viðræður iðnaðarmanna og SA
Kristján Þórður
Snæbjarnarson
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Matvælaráðherra hefur að tillögu
Matvælastofnunar samþykkt breyt-
ingar á reglugerð um flutning líf-
lamba á milli landsvæða svo fleiri
bændur geti keypt lömb sem hafa
verndandi eða mögulega verndandi
arfgerð gegn riðu.
Breytingin er gerð í kjölfar athug-
unar sem leitt hefur í ljós að til eru
gripir sem bera verndandi arfgerð
gegn riðuveiki (ARR) og mögulega
verndandi arfgerð (T137). Heimilt er
að flytja hrúta á sæðingarstöðvar og
verður það gert áfram.
Strangar reglur gilda um flutning
búfjár milli varnarhólfa í því skyni
að draga úr hættu á að sjúkdómar,
ekki síst riða, berist víðar. Sam-
kvæmt fyrri ákvæðum reglugerð-
arinnar var flutningur lamba óheim-
ill inn á svæði þar sem greinst hafði
riða. Til að vinna megi gegn sjúk-
dómnum telur Matvælastofnun
mikilvægt að hægt sé að flytja lömb
á fæti frá einu riðusvæði til annars
að ákveðnum skilyrðum uppfylltum.
Skilyrði er meðal annars sett um
að sóttvarnarsvæðið sem lömbin
koma frá sé minna sýkt af riðu en
svæðið sem þau eru flutt á, eða að
útbreiðsla riðu á svæðunum sé sam-
bærileg.
Þar sem ætla má að eftirspurn
eftir þessum lömbum sé meiri en
framboð hefur Mast skilgreint hvaða
svæði og bæir skuli njóta forgangs.
Heimilt að flytja líflömb á ný svæði
- Fleiri geta keypt lömb sem eru með verndandi arfgerð gegn riðu
Morgunblaðið/Skúli Halldórsson
Fé Lömb og fullorðið fé í réttum.
Hótel Natura (Hótel Loftleiðir)
Opinn fundur um framtíð Reykjavíkurflugvallar
Mánudaginn 26. september
kl. 17:00-19:00
Hvað er framundan?
Félag sjálfstæðismanna í Miðbæ og Norðurmýri
Félag sjálfstæðismanna í Vesturbæ og Miðbæjarhverfi
Félag sjálfstæðismanna í Nes- og Melahverfi
Félag sjálfstæðismanna í Hlíða- og Holtahverfi
Nánar á Facebook-síðu Varðar