Morgunblaðið - 24.09.2022, Blaðsíða 36

TÓNLIST
Arnar Eggert Thoroddsen
arnareggert@arnareggert.is
„Í langan tíma hef ég unnið að því að skapa tón-
list sem mér finnst að ég geti kallað mína eigin,“
segir Hallur Már í fréttatilkynningu vegna plöt-
unnar. „Prufað, mótað, breytt, hent. Smám sam-
an tóku að myndast þræðir og mynstur sem
mynda nú þessar hljóðmyndir.“
Nýjasti ávöxtur vinnunnar er þessi plata
sem út kom í septemberbyrj-
un og færði okkur mögulega
haustið en rökkurbragur er
yfir henni á köflum (fyrsta
lagið heitir „Theme For This
Dark Place“). Og þó. Verkið
er marglaga og ekki er sýnt á
öll spil í fyrsta rennsli. Og Hallur sjálfur tiltekur
brasilískt bossanova sem áhrifavald, m.a. í
stuttu spjalli við pistilritara!
Sóknin eftir stemningu sem ég nefndi í
upphafi, hana nær Hallur að knýja vel fram í
gegnum lögin öll, sem eru sjö að tölu. „Sú tónlist
sem hefur haft mest áhrif á mig í gegnum tíðina
byggist ekki endilega á melódíu eða lagasmíði
heldur miklu frekar vissri stemningu, andrúms-
lofti sem leikur um tónlistina þó að það sé
mögulega erfitt að festa fingur á það,“ segir
Hallur. Platan er í nákvæmlega þessum fasa,
líður áfram í „ambient“-gír og kvikmynda-
tónlistarblær hangir sömuleiðis yfir. Eno,
Radiohead, þetta kom upp í hugann og einnig
Warp-merkið góða, þá einkum Boards of Can-
ada en Hallur tekur hofmannlega ofan fyrir því
meistaratvíeyki í laginu „Letiklukkur“. Á sama
tíma er Hallur að tálga til persónulegan stíl sem
blæðir meir og meir í gegn, ef ég ber saman
þessi tvö verk sem út hafa komið frá honum. Sjá
t.d. „Maílægð“ sem er nánast u-beygja frá þeim
lögum sem á undan komu. Hrár gítarleikur
stýrir því, nettir Tortoise-straumar og jafnvel
Á meðan laufin sofa
Talk Talk (hámarkshrós!). Lagið er stutt, hálf-
gerð stemma, og um miðbikið læðist inn ómur
sem hljómar eins og básúna í blábyrjun en er lík-
ast til hljóðgervill. Það er heillandi „æ ég hendi
þessu bara inn“-andi yfir og ástæða fyrir því að
sögn Halls. „Hlutir geta tapað töfrum sínum með
of mikilli vinnslu og útkoman
verður kannski allt önnur en
lagt var upp með í byrjun. Ég
nota því oft upptökur eða
hljóð sem gerast tiltölulega
snemma í ferlinu, kannski
bara fyrsta rennslið. Ég vil
gjarnan reyna að halda þessu
hráu og með því einhverjum
galdri. Það er oft hagur í því
láta hluti einfaldlega
„slæda“.“
Aðspurður hvernig hann finni tíma í þetta
segist hann vinna þetta á kvöldin og á nóttunni
og þeim tíma sem hann getur stolið um helgar en
Hallur er fjölskyldumaður. Tónlistin er unnin í
heimahljóðveri og svo „hef ég sett trommusett í
stofuna ef fólk er í útlöndum“ segir hann kími-
leitur en upplýsir greinarhöfund um leið að börn-
in séu komin á þægilegan aldur upp á svona brölt.
„Ég er líka kominn með giska góða sýn á það
hvernig ég vil vinna þetta þannig að tíminn er
kannski ekki aðalatriðið lengur,“ bætir hann við.
„Verklagið er orðið nokkuð gott.“ Hann beri líka
hluti undir félaga sína í Lea-
ves, þar sem hann lék á bassa,
en mikill kærleikur er með
þeim og samband gott.
Hallur segist alltaf hafa
unnið í eigin tónlist, einnig
þegar hann var meðlimur í
nefndri hljómsveit. Hann sé
þannig tónlistarmaður að
hann verði að gera eigin tón-
list, hann tengi lítt við
ábreiðustarfsemi og slíkt og muni seint troða upp
á English Pub. Hann kveður með því að segja frá
því að mögulega verði haldið upp á plötuna í
október með einhvers konar gjörningi/boði hvar
tónlistin fái að hljóma. Næsta plata sé svo að
malla og marinerast í rólegheitum eins og hinar
tvær gerðu.
»
Ég vil gjarnan
reyna að halda þessu
hráu og með því ein-
hverjum galdri. Það er
oft hagur í því láta hluti
einfaldlega „slæda“.
Hallur Már sendi frá sér stutt-
skífuna Gullöldin árið 2018 en
snarar nú út breiðskífu sem
kallast sýnir/athuganir. And-
rúm og stemning er útgangs-
punkturinn, eiginleikar sem eru
dregnir fram á einkar sannfær-
andi hátt.
Tónlistarmaður Hallur
Már hefur sýslað við
tónlist um áratugabil.
36 MENNING
MORGUNBLAÐIÐ LAUGARDAGUR 24. SEPTEMBER 2022
Eyfirski kvennakórinn Embla held-
ur tónleika í Guðríðarkirkju í Graf-
arholti á morgun, sunnudag, kl. 17.
Stjórnandi kórsins er Roar Kvam,
píanóleikari Helga Kvam og ein-
söngvari með kórnum Sigrún
Hjálmtýsdóttir, Diddú. Á efnis-
skránni verða íslenskar söngperlur
eftir Sigfús Einarsson, Sveinbjörn
Sveinbjörnsson, Árna Thorstensen,
Emil Thoroddsen og fleiri þekkt ís-
lensk tónskáld.
Kvennakórinn Embla var stofn-
aður árið 2002 og á því 20 ára
starfsafmæli á þessu ári.
Aðgangur að tónleikunum er
ókeypis.
Morgunblaðið/Eggert
Söngkonan Diddú syngur með eyfirska
kvennakórnum Emblu í Guðríðarkirkju.
Diddú syngur með
Emblu í Grafarholti
Surface of
Memory er titill
sýningar Hörpu
Árnadóttur sem
opnuð verður í
dag í menningar-
húsinu Norður-
bryggju í Kaup-
mannahöfn og
stendur hún yfir
til 29. janúar á
næsta ári.
Á sýningunni má sjá úrval af mál-
verkum og teikningum eftir Hörpu
sem hún vann á síðastliðnum ára-
tug. Verkin eru unnin bæði á striga
og pappír og fela í sér tilrauna-
kennda rannsókn á yfirborði og
gegnsæi, eins og segir í tilkynn-
ingu. Harpa er kunn fyrir málverk
sem hún kallar „sprunguverk“ og
eru þau í forgrunni á sýningunni
sem er fyrsta einkasýning hennar í
Danmörku.
Verk Hörpu sýnd á
Norðurbryggju
Harpa Árnadóttir
Góð heyrn glæðir samskipti
Hlíðasmára 19 • 201 Kópavogur • Sími 534 9600 • heyrn.is
Pantaðu tíma í
HEYRNAR
GREININGU
Nánari upplýsingar í síma 534 9600 eða á heyrn.is
Allar helstu rekstrarvörur og
aukahlutir fyrir heyrnartæki
fást í vefverslun heyrn.is
Tónlistarfélag Akureyrar stendur
fyrir tónleikum í Hömrum í Hofi á
morgun, sunnudag, kl 16. „Þar
verða fluttar perlur ítalskrar tón-
listar frá hinu svokallaða Bel
Canto-tímabili, t.d. Una furtiva
lagrima eftir Donizetti og Nessun
Dorma eftir Puccini og hið gull-
fallega tríó Næturgalann eftir
Ciardi,“ segir í tilkynningu. Flytj-
endur eru Gissur Páll Gissurarson
tenór, Pamela de Sensi á flautu og
Steingrímur Þórhallsson á píanó.
Miðar fást á mak.is og tix.is.
Perlur frá Bel Canto-tímabilinu í Hömrum
Listafólk Gissur Páll Gissurarson, Pamela de Sensi, og Steingrímur Þórhallsson.
Rithöfundurinn
Kjell Espmark er
látinn, 92 ára að
aldri. „Öll hans
verk einkennd-
ust af nákvæmni
og næmni,“ hef-
ur SVT eftir
Mats Malm, rit-
ara Sænsku aka-
demíunnar (SA),
sem árlega veitir Nóbelsverðlaunin
í bókmenntum.
Espmark sendi frá sér sína fyrstu
ljóðabók 1956 og var afar afkasta-
mikið skáld, en bækur hans hafa
verið þýddar á yfir 20 tungumál,
þeirra á meðal íslensku. Hann
eyddi stórum hluta ævinnar í rann-
sóknir á bókmenntum og var í tæp
20 ár prófessor í bókmenntun við
háskólann í Stokkhómi. Espmark
var valinn inn í SA árið 1981 og sat
þar á stól nr. 16 fram til dauðadags,
en hann var ritari SA í 17 ár.
Espmark, ásamt Peter Englund
og Klas Östergren, studdi Söru
Danius þegar hún sem ritari SA
beitti sér fyrir því að tekið væri á
málefnum Jeans-Claude Arnault,
eiginmanns Katarinu Frostenson
sem einnig átti sæti í SA, eftir að
fram komu ásakanir um kynferðis-
ofbeldi Arnaults. Í því ferli gagn-
rýndi Espmark Horace Engdahl,
sem einnig situr í SA, harðlega.
Espmark látinn, 92 ára
Kjell Espmark