Morgunblaðið - 24.09.2022, Blaðsíða 32

32 ÍÞRÓTTIR
MORGUNBLAÐIÐ LAUGARDAGUR 24. SEPTEMBER 2022
Umspil EM U21 karla
Fyrri leikir:
Ísland – Tékkland..................................... 1:2
Króatía – Danmörk .................................. 2:1
Slóvakía – Úkranía ................................... 3:2
Írland – Ísrael........................................... 1:1
2. deild kvenna
Efri hluti:
Grótta – ÍR................................................ 0:1
Staðan:
Fram 15 12 2 1 37:10 38
Grótta 16 10 4 2 53:14 34
ÍR 16 10 2 4 42:23 32
Völsungur 15 9 3 3 43:17 30
ÍA 15 9 1 5 47:24 28
KH 15 5 1 9 39:43 16
_ Fram og Grótta hafa unnið sér sæti í 1.
deild og taka þar sæti Hauka og Fjölnis.
Holland
B-deild:
Venlo – Telstar ........................................ 1:1
- Kristófer Ingi Kristinsson kom inn á
sem varamaður á 73. mínútu hjá Venlo.
Þjóðadeild UEFA
A-deild, 3. riðill:
Þýskaland – Ungverjaland...................... 0:1
Ítalía – England........................................ 1:0
_ Ungverjaland 10, Ítalía 8, Þýskaland 6,
England 2.
B-deild, 3. riðill:
Bosnía – Svartfjallaland .......................... 1:0
Finnland – Rúmenía................................. 1:1
_ Bosnía 11, Svartfjallaland 7, Finnland 5,
Rúmenía 4.
C-deild, 4. riðill:
Georgía – Norður-Makedónía................. 2:0
Búlgaría – Gíbraltar................................. 5:1
_ Georgía 13, Norður-Makedónía 7, Búlg-
aría 6, Gíbraltar 1.
D-deild, 2. riðill:
Eistland – Malta ....................................... 2:1
_ Eistland 9, Malta 6, San Marínó 0.
Vináttulandsleikir karla
Kamerún – Úsbekistan............................ 0:2
Suður-Kórea – Kostaríka ........................ 2:2
Japan – Bandaríkin .................................. 2:0
Paragvæ – Sameinuðu furstadæmin ...... 1:0
Úrúgvæ – Íran.......................................... 0:1
Kanada – Katar ........................................ 2:0
Sádi-Arabía – Ekvador ............................ 0:0
Brasilía – Gana ......................................... 3:0
Marokkó – Síle.......................................... 2:0
>;(//24)3;(
1. deild karla
Ármann – Skallagrímur....................... 93:81
Fjölnir – Selfoss.................................... 52:89
Hrunamenn – Hamar......................... 87:105
Álftanes – Þór Ak. ................................ 90:85
ÍA – Sindri............................................. 75:80
1. deild kvenna
Tindastóll – Breiðablik b ..................... 95:26
Svíþjóð
Borås – Fryshuset ............................. 110:63
- Gunnar Ólafsson var ekki í leikmanna-
hópi Fryshuset.
HM kvenna í Ástralíu
A-riðill:
Púertóríkó – Bandaríkin.................... 42:106
Belgía – Suður-Kórea .......................... 84:61
Kína – Bosnía........................................ 98:51
_ Kína 4, Bandaríkin 4, Belgía 2, Púertó-
ríkó 2, Bosnía 0, Suður-Kórea 0.
B-riðill:
Serbía – Japan ...................................... 69:64
Frakkland – Kanada ............................ 45:59
Malí – Ástralía .................................... 58:118
_ Kanada 4, Serbía 2, Japan 2, Frakkland
2, Ástralía 2, Malí 0.
>73G,&:=/D
KNATTSPYRNA
Besta deild kvenna:
Varmá: Afturelding – Valur................... L14
Þórsvöllur: Þór/KA – Stjarnan.............. S14
Laugardalur: Þróttur R. – KR............... S14
Keflavík: Keflavík – ÍBV ........................ S14
Selfoss: Selfoss – Breiðablik .................. S14
2. deild kvenna, efri hluti:
Úlfarsárdalur: Fram – Völsungur ........ L15
Akranes: ÍA – KH................................... L15
2. deild kvenna, neðri hluti:
Álftanes: Álftanes – Sindri .................... L12
Vopnafjörður: Einherji – ÍH ................. L14
HANDKNATTLEIKUR
Úrvalsdeild kvenna, Olísdeildin:
Úlfarsárdalur: Fram – HK ............... L13.30
Eyjar: ÍBV – Stjarnan ........................... L14
Selfoss: Selfoss – Valur .......................... L16
KA-heimilið: KA/Þór – Haukar ............. S16
1. deild karla, Grill 66-deildin:
Ásvellir: Haukar U – Valur U ............... L16
1.deild kvenna, Grill 66-deildin:
Úlfarsárdalur: Fram U – FH................. S16
KÖRFUKNATTLEIKUR
1. deild kvenna:
Hveragerði: Hamar/Þór – Stjarnan ..... L17
UM HELGINA!
ég er búinn að ná munnlegu sam-
komulagi á öðrum stað.
Ætli það spili ekki eitthvað inn í
en það er svo sem ekki meira um
það að segja,“ sagði Arnar í sam-
tali við mbl.is í gær.
Hann kvaðst ekki geta gefið
neitt upp um hvaða félag væri að
ræða að svo stöddu. „Nei, ég ætla
ekkert að fara meira út í það eða
tjá mig meira um það. Það er
raunin,“ sagði Arnar einnig.
Karlalið Vals er talið líklegasti
næsti áfangastaður Arnars.
gunnaregill@mbl.is
Hallgrímur Jónasson var í gær
ráðinn þjálfari karlaliðs KA í
knattspyrnu til næstu þriggja ára.
Tekur hann við starfinu af Arnari
Grétarssyni, sem er hættur störf-
um.
KA tilkynnti þetta á heimasíðu
sinni í gær en liðið er í þriðja sæti
Bestu deildar karla fyrir loka-
sprett Íslandsmótsins og í dauða-
færi til að vinna sér inn Evr-
ópusæti þegar fimm leikir eru
eftir.
Arnar tók við liði KA á miðju
sumri 2020, þar sem Hallgrímur
var honum til aðstoðar allar götur
síðan, og undir stjórn Arnars hef-
ur liðið náð sínum besta árangri
frá því það varð Íslandsmeistari
árið 1989. KA endaði í fjórða sæti
á síðasta tímabili og er nánast
öruggt með að enda í einu af
þremur efstu sætunum í ár.
Munnlegt samkomulag
En hvers vegna klárar Arnar
ekki tímabilið sem þjálfari KA?
„Það þarf kannski meira að
heyra í stjórnarmönnum KA varð-
andi það. En málið er bara það að
Hallgrímur í stað Arnars
Ljósmynd/Þórir Tryggvason
KA Hallgrímur Jónasson er tekinn
við af Arnari Grétarssyni.
ALPAGREINAR
Bjarni Helgason
bjarnih@mbl.is
Skortur á fjármagni er ástæðan fyrir
því að Sturla Snær Snorrason,
fremsti skíðamaður landsins undan-
farin ár, ákvað að leggja skíðin á hill-
una.
Sturla Snær, sem er 28 ára gamall,
hefur fjórum sinnum orðið Íslands-
meistari í svigi og tvívegis í stórsvigi
og þá á hann fjöldann allan af Ís-
lands- og bikarmeistaratitlum í ung-
lingaflokki.
Hann hefur verið hluti af World
Racing Academy-skíðaliðinu und-
anfarin ár þar sem hann hefur æft og
keppt víðsvegar um heiminn en hann
fór meðal annars á tvenna Ólympíu-
leika fyrir Íslands hönd á ferlinum;
til Pyeongchang árið 2018 og til Pek-
ing árið 2022.
„Þetta var mjög erfið ákvörðun,“
sagði Sturla Snær í samtali við
Morgunblaðið.
„Ég var búinn að vera að velta
þessu fyrir mér í nokkrar vikur og að
endingu ákvað ég að taka stóra
handbremsubeygju og kalla þetta
gott. Ég tók þessa ákvörðun stuttu
áður en ég átti að leggja af stað til
Ítalíu til þess að hefja undirbúnings-
tímabil mitt. Það er margt sem spilar
inn í þessa ákvörðun. Þegar öllu er á
botninn hvolft þá snýst þetta fyrst og
fremst um fjármagn og ég sá einfald-
lega ekki fram á að geta fjármagnað
tímabilið,“ sagði Sturla.
Betra að segja sem minnst
Tímabilið hjá Sturlu kostar í
kringum fimm til sex milljónir en
hann hefur verið á föstum styrk hjá
Skíðasambandi Íslands undanfarin
ár sem hljóðar upp á tæplega tvær
milljónir króna.
„Eftir að Ólympíustyrkurinn datt
út, sem ég hef verið á síðustu ár, þá
var í raun engin leið fyrir mig til þess
að fjármagna tímabilið. Keppnis-
tímabilið er langt og ég hef því meðal
annars þurft að fjármagna það hing-
að til með sumarvinnu. Sumarvinnan
hjá mér hefur hins vegar farið í það
að borga upp skuldir síðustu ára,
ásamt því að fjármagna næstu tíma-
bil og í lok sumars stendur lítið eftir.
Ég má ekki sækja um yfirdrátt
þar sem ég er ekki launamaður
þannig séð og ég hef því þurft að
nota kreditkort síðustu mánuði tíma-
bilsins til þess að halda mér á floti.
Það er mikið hark að sníkja út styrki
hjá fyrirtækjum og hingað til hafa
þetta mestmegnis verið einhverjir
hundraðþúsundkallar hér og þar.
Það er mjög erfitt fyrir fólk í ein-
staklingsíþróttum að fá háa fjár-
styrki, enda sjá fyrirtæki kannski
ekki mikinn tilgang í því og það er
kannski betra að segja sem minnst í
þeim efnum.“
Meiddist illa í Peking
Sturla ætlaði sér stóra hluti á
Vetrarólympíuleikunum í Peking
sem fram fóru í febrúar á þessu ári.
„Síðasta keppnistímabil tók klár-
lega á og þegar ég var loksins búinn
að ná upp góðum takti lenti ég í því
að greinast með kórónuveiruna á
Vetrarólympíuleikunum. Það setti
auðvitað allt í uppnám hjá mér og
það endaði með því að ég þurfti
draga mig úr keppni í stórsvigi.
Ég lét hins vegar slag standa í
svigkeppninni en það var bara of
mikið eftir rúmlega viku í einangrun
og án æfinga og almennilegs matar í
raun. Ég meiddist svo illa í svig-
keppninni en markmiðið þar var að
blanda mér í einhverja toppbaráttu.
Eftir meiðslin þá var tímabilið svo
gott sem búið hjá mér og sumarið fór
svo bara í það að jafna mig á þessum
þremur beygjum sem ég tók á Ól-
ympíuleikunum.“
Á ennþá helling inni
Sturla sá fram á að geta tryggt sér
keppnisrétt í heimsbikarnum í svigi
á komandi tímabili enda einungis
nokkrum sætum frá því á heimslist-
anum.
„Ég er í góðu formi og ég tel mig
eiga helling inni. Ég tók mjög stórt
skref fram á við á mínum ferli á síð-
asta keppnistímabili, bæði þegar
kemur að hraða og tækni. Jafnvægið
var orðið mjög gott og þetta var allt
eitthvað sem sýndi fram á að hægt
væri að byggja ennþá frekar á í
haust og í vetur. Það er líka oft þann-
ig að menn eru á toppnum í þessum
alpagreinum í kringum þrítugt og
það gerir þessa ákvörðun kannski
extra svekkjandi.
Maður er búinn að leggja hrika-
lega mikið á sig síðustu ár, fyrir sjálf-
an sig, skíðasambandið og auðvitað
land og þjóð. Skíðasambandið hefur
stutt vel við bakið á mér í gegnum
tíðina en því miður var ekki grund-
völlur að þessu sinni fyrir meiri
stuðning frá þeim. Það er bara eins
og það er og að endingu þökkuðu
þeir mér fyrir samstarfið og skrifuðu
fallega kveðju til mín á heimasíðunni
sinni sem ég er þakklátur fyrir.“
Horfir sáttur til baka
Ásamt því að fara á tvenna
Ólympíuleika tók Sturla þátt í tveim-
ur heimsmeistaramótum fullorðinna.
„Ég horfi mjög sáttur til baka yfir
ferilinn. Það var nóg af hápunktum
og það var líka nóg af lágpunktum.
Það er fyndið að hugsa til þess núna
hversu reglulega maður skíðaði út úr
brautinni í upphafi bransans og ef
það gerðist ekki þá datt maður á
hausinn. Svo loksins þegar maður er
hættur að detta þá þarf maður að
hætta!
Að öllu gríni slepptu samt þá var
þetta mikið ævintýri og það var
magnað að fá tækifæri til þess að
upplifa tvenna Ólympíuleika. Það
sem stendur hins vegar upp úr á
mínum ferli er allt fólkið sem ég hef
kynnst á þessu ferðalagi mínu. Ég
hef kynnst ótrúlega góðu fólki sem
er góðir vinir mínir í dag og að fá að
æfa og eyða tíma með þeim í bestu
mögulegu aðstæðum fyrir skíðafólk
hefur verið ómetanlegt.“
Nýr kafli tekur við
Sturla hefur lagt líf og sál í skíða-
mennskuna en hefur á sama tíma
þurft að fórna miklu líka.
„Ég sé klárlega ekki eftir neinu.
Ég hef lært ótrúlega mikið á stuttum
ferli og ég hef líka þroskast mikið
sem manneskja. Ég hef þurft að
standa á eigin fótum, í ókunnugum
löndum, og ég hef öðlast mjög dýr-
mæta reynslu sem ég mun búa að
alla mína ævi. Ég hef fengið að upp-
lifa ýmislegt sem margir fá aldrei að
upplifa á lífsleiðinni. Þetta hefur líka
verið erfitt, ég hef þurft að kljást við
mikið mótlæti, sem hefur kennt mér
betur á lífið.
Núna tekur við nýr kafli hjá mér
þar sem að ég get vonandi einbeitt
mér að einhverjum starfsferli og
vonandi námi líka. Ég er ekkert ung-
lamb en á sama tíma er ég nú ekkert
hrikalega gamall heldur. Ég er
kannski aðeins seinni en sumir en
þetta sleppur nú alveg til. Þó keppn-
isskíðin séu komin á hilluna þá verð
ég alltaf íþróttamaður og ég verð
mættur í fjöllin um leið og fyrsti
snjórinn fellur.“
Blendnar tilfinningar
En gengur einn sigursælasti
skíðamaður þjóðarinnar sáttur frá
borði?
„Tilfinningarnar eru mjög blendn-
ar. Ég er fúll yfir því að hafa ekki náð
að toppa mig því ég veit að ég á hell-
ing inni. Á sama tíma er þetta líka
léttir því núna þarf maður ekki að
standa lengur í harkinu sem fylgir
því að vera íslenskur atvinnumaður í
einstaklingsíþrótt. Ég er bæði búinn
að hlæja mikið og gráta mikið síð-
ustu daga en ég horfi svo sannarlega
fram á veginn með bros á vör,“ bætti
Sturla Snær við í samtali við Morg-
unblaðið.
Mikið hlegið
og mikið grát-
ið til skiptis
Ljósmynd/SKÍ
Hættur Sturla Snær Snorrason hefði átt góða möguleika á að komast inn í
heimsbikarinn á komandi keppnistímabili en sá draumur er úr sögunni.
- Sturla Snær Snorrason leggur
skíðin á hilluna af fjárhagsástæðum