Morgunblaðið - 24.09.2022, Blaðsíða 35

MENNING 35
MORGUNBLAÐIÐ LAUGARDAGUR 24. SEPTEMBER 2022
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
empire moviefreak.com EKKI MISSA AF ÞESSARI Í BÍÓ
Indie wire
FRÁBÆR GAMANMYND
Telegraph
UPPLIFÐU STÆRSTU MYND ALLRA TÍMA Í
STÓRKOSTLEGUM 4K MYNDGÆÐUM OG
UPPFÆRÐRI ÞRÍVÍDD.
SÝND Í 3D Í SAMBÍÓUNUM EGILSHÖLL
SÝND Í TAKMARKAÐAN TÍMA
SÁLFRÆÐITRYLLIR SEM SÍFELLT KEMUR Á ÓVART
Af mörgum er að taka þegar kem-
ur að forvitnilegum kvikmyndum
sem sýndar verða á RIFF sem
hefst 29. september og stendur
yfir til 9. október. Hér verða
nokkrar nefndar.
Dauðavættirnar frá Inisherin /
The Banshees of Inisherin
Nýjasta mynd írska leikstjórans
Martin McDonagh segir af tveim-
ur vinum, sem Colin Farrel og
Brendan Gleeson leika, sem lenda
í illdeilum þegar annar þeirra slít-
ur vinskapnum fyrirvaralaust og
án haldbærra skýringa. Sögusviðið
er afskekkt og fámenn eyja og
hafa vinslitin því áhrif á lífið á
eyjunni. Átök þessara fyrrum
magnast og enda með ósköpum.
Kvikmynd var frumsýnd á kvik-
myndahátíðinni í Feneyjum í byrj-
un mánaðar og hlaut Farrell þar
verðlaunin Volpi Cup sem besti
leikarinn og McDonagh var verð-
launaður fyrir besta handrit.
Inn í ísinn/Rejsen til isens
indre
Inn í ísinn er í tilkynningu frá
RIFF sögð „stórkostlegt kvik-
myndaævintýri á Grænlandsjökli
með þremur fremstu jöklavísinda-
mönnum heims“ en þessi vísinda-
menn eru í leit að svörum við
spurningum sem snúa að lofts-
lagsþróun, fortíð og framtíð. Eins
og þekkt er bráðnar ísbreiða
Grænlands hratt og reynir
kvikmyndagerðarmaðurinn Lars
Ostenfeld að komast að því hversu
hratt með því að fara 200 metra
niður í hana sem er lengra en
nokkur hefur farið áður. Myndin
verður m.a. sýnd í íshellinum í
Langjökli.
Svínka/Cerdita
Þessi kvikmynd hinnar spænsku
Carlotu Pereda er byggð á stutt-
mynd hennar sem vakti athygli og
lof fyrir fjórum árum. Cerdita er
hins vegar í fullri lengd og segir
af unglingsstúlku í yfirvigt sem
verður fyrir stöðugu einelti í þorp-
inu sem hún býr í. „Eftir að hafa
náð að flýja kvalara sína úr sund-
laug bæjarins verður hún vitni að
því þegar þeim er rænt af dular-
fullum aðkomumanni,“ segir um
myndina í tilkynningu og að aðal-
leikkona hennar, Laura Galán,
hafi hlotið mikið lof fyrir túlkun
sína á aðalpersónunni.
Vera
Opnunarmynd RIFF, Vera, er
eftir leikstjórana Tizzu Covi og
Rainer Frimmel og í henni eru
kannaðar myrkar hliðar frænd-
hygli, grimmra fegurðarviðmiða
og mótun sjálfsmyndar. Fjallar
myndin um hina ítölsku Veru
Gemma sem leikur sjálfa sig í
myndinni en hún ólst upp við að
eiga fræga foreldra, sem hafði
mikil áhrif á sjálfsmynd hennar.
Gemma hlaut verðlaun sem besta
leikkonan á kvikmyndahátíðinni í
Feneyjum og voru leikstjórarnir
einnig verðlaunaðir. Munu bæði
Gemma og leikstjórarnir mæta á
RIFF og svara spurningum bíó-
gesta.
Lífstykkið/Corsage
Verðlaunamynd í leikstjórn
hinnar austurrísku Marie Kreut-
zer. Myndin var frumsýnd í Can-
nes í vor og fjallar um keisaraynj-
una Elísabetu af Austurríki, sem
kölluð er Sissi, sem hefur verið
dáð fyrir fegurð og fágaðan smekk
í áratugi og stendur nú á fertugu.
Til að viðhalda ímynd sinni þarf
hún sífellt að herða meira á líf-
stykkinu á sama tíma og formlegu
hlutverki hennar sem leiðtoga
þjóðarinnar hafa verið reistar
skorður, segir um myndina og að
Vín þrengi að henni eins og
lífstykkið sjálft og hún ferðist um
Evrópu og heimsæki fyrrum elsk-
huga og gamla vini í leit að þeim
lífskrafti og tilgangi sem ein-
kenndu æskuárin. Leikkonan
Vicky Krieps leikur Sissi og hlaut
verðlaun á kvikmyndahátíðinni í
Cannes í ár fyrir leik sinn. Mynd-
in er tilnefnd til Evrópsku kvik-
myndaverðlaunanna.
Stelpnagengi/Girl Gang
Heimildarmynd eftir hina þýsku
Susanne Regina Meures sem
fjallar um fjórtán ára stúlku sem
er vinsæll áhrifavaldur. Stöðug
sjálfsskoðun og botnlaus vöntun á
nýju efni taka sinn toll og adrena-
lín, frægð og fríir strigaskór geta
ekki bætt fyrir það, eins og segir í
lýsingu RIFF.
Alla dagskrá og frekari upplýs-
ingar um hátíðina má finna á
riff.is og mun ýtt snjallforrit há-
tíðarinnar einnig vera væntanlegt.
Ástand mannsins í hlýnandi heimi
- Alþjóðleg kvikmyndahátíð í Reykjavík, RIFF, nálgast og fjöldi áhugaverðra kvikmynda á
hlaðborðinu að vanda - Vinslit, Grænlandsjökull, einelti og sjálfsmyndir meðal umfjöllunarefna
Vinslit Brendan Gleeson og Colin Farrell í The Banshees of Inisherin.
Sjálfsmynd Vera Gemma og Asia Argento í opnunarmynd RIFF, Veru. Blóðug Laura Galán í hlutverki Söru sem lögð er í einelti í Cerdita.