Morgunblaðið - 24.09.2022, Blaðsíða 10

10 FRÉTTIR
Innlent
MORGUNBLAÐIÐ LAUGARDAGUR 24. SEPTEMBER 2022
Helgi Bjarnason
helgi@mbl.is
Um 50 manns, fólk á öllum aldri,
kom til að tína fræ og njóta fræðslu
og útiveru í skóginum þegar lands-
átak í söfnun á birkifræi hófst
formlega í Garðsárreit í Eyjafjarð-
arsveit síðdegis í fyrradag. Alls
safnaðist um hálf milljón birkifræja
í góðu haustveðri.
Skógræktin og Landgræðslan
standa fyrir landsátakinu í þriðja
sinn í samvinnu við fyrirtæki, félög
og einstaklinga um allt land. Vilja
stofnanirnar virkja landsmenn til
þátttöku í því að ná markmiði
stjórnvalda um að breiða birkiskóg-
lendi út á 5% landsins fyrir árið
2030 en núverandi útbreiðsla er um
1,5%. Fram kemur í tilkynningu
landsátaksins að mikilvægt sé að ná
góðu sambandi við félög um allt
land, ekki síst skógræktarfélögin
sextíu sem eru með um átta þúsund
félagsmenn innan sinna raða. Var
talið við hæfi að Skógræktarfélag
Eyfirðinga riði á vaðið og byði fólki
til fræsöfnunar í einum reita sinna.
Viðburðurinn í Garðsárreit tókst
að sögn vel, var haldinn í góðu
haustveðri og haustlitirnir skört-
uðu sínu fegursta, ekki síst í birk-
inu sem var heiðgult og með nóg af
fræreklum til að tína. Kristinn H.
Þorsteinsson verkefnisstjóri fræddi
fólk um birki, söfnun á birkifræi,
meðhöndlun á fræinu og sýndi einn-
ig hvernig sá má fræi í potta og
rækta eigin plöntur.
Slegið var á að fræin sem söfn-
uðust á tveimur klukkutímum séu
um hálf milljón talsins, vel þroskuð
og efnileg.
Í kjölfarið verður haft samband
við skógræktarfélög um allt land
og þau hvött til að bjóða upp á sam-
bærilega viðburði.
Fræsöfnun Fólk á öllum aldri tók þátt í því að safna birkifræi í Garðsárreit
og tók með því þátt í að hefja landsátak Skógræktar og Landgræðslu.
Hálf milljón fræja
- Átak í söfnun birkifræja hafið
Guðni Einarsson
gudni@mbl.is
Alls veiddust 920 hreindýr til 20.
september er veiði lauk. Felldar
voru 465 kýr og 455 tarfar. Að auki
verður leyft að veiða samtals 46 kýr
frá 1.-20. nóvember á svæðum 8 og 9.
Heimilað var að veiða allt að 1.021
hreindýr á þessu ári, 546 kýr og 475
tarfa. Veiðitími tarfa er frá 15. júlí til
og með 15. september og veiðitími
kúa er frá 1. ágúst til og með 20.
september. Það er því ljóst að a.m.k.
55 hreindýr náist ekki að því gefnu
að allar kýrnar sem leyft er að veiða
í nóvember verði felldar.
Samkvæmt upplýsingum á heima-
síðu Umhverfisstofnunar (UST)
náðist ekki að veiða 15 tarfa og 33
kýr á veiðisvæði 2. Á svæði 5 náðist
ekki einn tarfur, þrír tarfar á svæði
7 og einn tarfur á svæði 8. Ein kýr
gekk af á svæði 6 og önnur á svæði 7.
Gripið var til aðgerða á svæði 2
Skýringin á því hve lítið veiddist á
svæði 2 er hve lítið fannst af dýrum á
því svæði sem löngum hefur verið
eitt gjöfulasta hreindýraveiðisvæðið.
Það nær m.a. yfir Fljótsdalshrepp
og hluta Fljótsdalshéraðs, þ.e. Jök-
uldal austan Jökulsár á Brú, Hró-
arstungu, Fell, Velli og Skriðdal
vestan Grímsár, Geitdalsár, Hrútár
og línu úr Hrútárpollum í Horn-
brynju.
UST segir að það hafi verið orðið
ljóst um miðjan ágúst að mjög fá
hreindýr höfðu sést á svæði 2. UST
ákvað þá í samráði við Náttúrustofu
Austurlands, hreindýraráð og Félag
leiðsögumanna með hreindýraveið-
um að grípa til aðgerða. Þær voru
m.a. að heimila skaranir yfir á önnur
svæði, veiðimenn með leyfi á svæði 2
gátu því veitt á öðrum svæðum.
Einnig að beina þeim tilmælum til
leiðsögumanna að hlífa dýrum á
svæði 2 eins og kostur var að
óbreyttu ástandi. Þá var ákveðið að
endurúthluta ekki veiðileyfum á
svæði 2 sem var skilað og að endur-
greiða þau að fullu.
Samkvæmt heimildum Morgun-
blaðsins var 48 leyfum skilað á svæði
2 og 58 leyfi á svæði 2 voru notuð á
öðrum svæðum. Samkvæmt því voru
aðeins 64 dýr af þeim 170, sem kvóti
var fyrir á svæði 2, veidd þar.
Ljóst þykir að rannsaka þurfi
hvað hefur valdið fækkun hreindýra
á svæði 2 og að endurskoða þurfi út-
hlutun veiðikvóta á svæðinu, að sögn
Umhverfisstofnunar.
Ekki náðist að veiða út
á 55 hreindýraveiðileyfi
- Hrun varð í veiði á svæði 2 - Kallar á endurskoðun kvóta
Hreindýrakvótinn
» Náttúrustofa Austurlands
lagði fram tillögu að hrein-
dýrakvóta 16. nóvember 2021.
» Þar kom m.a. fram að taln-
ingar 2021 gæfu til kynna að
fjöldi hreindýra væri nokkuð
minni en áætlun hafði bent til.
» Vísbendingar voru um að
fjöldi dýra hefði verið ofmetinn
á ákveðnum svæðum.
Morgunblaðið/Sigurður Ægisson
Hreintarfur Veiðitímabili hreindýra er lokið, fyrir utan nóvemberveiði.
ELDRI BORGARAR:
Aðventurferðir til
Kaupmannahafnar 2022
1. ferð: 20.-23. nóvember 2. ferð: 27.-30. nóvember
3. ferð: 4.-7. desember – UPPSELT
Verð: 179.000 kr. á mann í tvíbýli.
Aukagjald v/gistingar í einbýli er 34.900 kr.
Innifalið eru flug með Icelandair, skattar, gisting,
m/morgunverði á Hotel Skt. Petri 5*, rútuferðir,
kvöldverðir og annað samkvæmt dagskrá.
Fagþegar fá vildarpunkta fyrir ferðina, einnig er
hægt að greiða hluta ferðar með punktum
! ! ! ! !
Niko ehf | Austurvegi 6 | 800 Selfoss | kt. 590110-1750
Nánari upplýsingar eru veittar hjá Ferðaskrifstofu
eldri borgara í símum 783-9300 og 783-9301,
einnig með tölvupósti í gegnum netfangið
hotel@hotelbokanir.is og á
www.ferdaskrifstofaeldriborgara.is
Gist er á hinu glæsilega
Hotel Skt. Petri 5* sem
er staðsett í miðborg
Kaupmannahafnar.
Skemmtileg og fjölbreytt dagskrá
Sunnudagur: Flogið með Icelandair snemma morguns og lent í
Kaupmannahöfn á hádegi. Gisting á hinu glæsilega Hotel Skt. Petri
í miðborg Kaupmannahafnar. Um kvöldið er snæddur ekta danskur
matur á veitingastaðnum Karla sem er í göngufæri frá hótelinu.
Mánudagur: Skoðunarferð um gamla bæinn með Ástu Stefánsdóttur
leiðsögumanni sem gengur um slóðir Fjölnismanna og fræðir farþega
um sögu Kaupmannahafnar.
Þriðjudagur: Heimsókn í Jónshús, þar sem staðarhaldarinn Halla
Benediktsdóttir tekur á móti hópnum og fræðir um sögu hússins. Um
kvöldið er snæddur „Julefrokost“ í Tivoli á veitingastaðnum Grøften.
Eftir kvöldverðinn er hægt að skoða sig um í Tivoli sem hefur verið
breytt í „Juleland“ á Aðventunni.
Miðvikudagur: Sigling um síkin og Christianshavn meðan hljóm
sveit Michael Bøving og félaga leikur jazztónlist og vanalega ríkir mikil
stemning í þessum ferðum. Brottför frá hóteli á Kastrup flugvöll
síðdegis og flug til Íslands um kvöldið.
Fararstjóri: Sigurður K. Kolbeinsson