Morgunblaðið - 24.09.2022, Blaðsíða 18

ÚR BÆJARLÍFINU
Björn Björnsson
Sauðárkróki
Ekki verður annað sagt en að
septembermánuður hafi veðurfars-
lega leikið við Skagfirðinga, enda
einn besti mánuður sumarsins fram
til þessa, blóm skarta enn sínu feg-
ursta og berjaferðir hafa skilað
góðu. Að vísu virðist heldur vera að
síga á ógæfuhliðina næstu daga,
enda Laufskálaréttir á laugardag
og oftar en ekki hefur þá verið
bæði blautt og hryssingslegt, en
ekki orð um það meir.
- - -
Miklar framkvæmdir hafa
verið í sveitarfélaginu í sumar,
þannig er stefnt að því að upp-
steypu viðbyggingar við sundlaug
verði lokið fyrir áramót en í upp-
hafi næsta árs verði boðinn út frá-
gangur lagna, flísa og rennibrautar,
en lokafrágangur verði á árinu
2024.
- - -
Í vor var tekin í notkun ný
viðbygging við leikskólann Ársali,
sem er nú fullnýttur en frágangur
útisvæða og lóðar er yfirstandandi.
Gatnagerðarframkvæmdir eru all-
nokkrar, verið er að leggja nýja
götu, Nestún, en við hana munu
rísa 14 einbýlishús og fjögur par-
hús. Lagt hefur verið slitlag á eldri
götur í bænum svo sem Borgartún
og Kirkjuklauf.
- - -
Malbikunarframkvæmdir
standa nú yfir og þannig hefur at-
hafnasvæði Vörumiðlunar, svo og
bílastæði við kirkjugarðinn verið
malbikuð, en ekki næst væntanlega
að leggja á athfnasvæðið við smá-
bátahöfnina svo sem ætlað var á
þessu sumri. Á hafnarsvæðinu er
fyrirhugað að setja niður nýtt stál-
þil, 270 metra langt og hefur allt
efni verið keypt en ekki verður
unnt að framkvæma þetta fyrr en á
komandi sumri, en hins vegar er
gert ráð fyrir öryggisdýpkun í
höfninni nú í haust.
- - -
Malbikuð hafa verið plön við
sundlaugina á Hofsósi, leik- og
grunnskólann svo og við kirkjuna,
en lokafrágangur leikskólans og
lóðar hans verður nú í haust. Við
Leikskólann á Hólum er nú verið
að endurgera leik- og útivistar-
svæði, og hugmyndavinna er í
gangi vegna byggingar nýs íþrótta-
húss á Hofsósi. Í Varmahlíð er unn-
ið að byggingu nýs leikskóla í
tengslum við grunnskólnn en þar er
einnig unnið að verulegum breyt-
ingum á gamla skólahúsinu.
- - -
Unnið er við lengingu götunnar
Birkimels í Varmahlíð um 150-200
metra en þar er gert ráð fyrir að
rísi fjögur einbýlishús, þrjú parhús
og eitt raðhús með fjórum íbúðum.
Þá er verið að endurgera götuna
Norðurbrún sem er um 280 metrar.
- - -
Á vegum Skagafjarðarveitna
standa yfir boranir eftir heitu vatni
í Reykjarhóli við Varmahlíð og er
það Ræktunarfélag Flóa og Skeiða
með borinn Nasa sem annast þá
framkvæmd, en talið er að allmiklu
meiru magni vatns megi ná á þessu
svæði. Að sögn forráðamanna sveit-
arfélagsins er verkefnastaða erfið
þar sem ekki fást verktakar í mörg
þau verk sem áformuð eru.
- - -
Hjá fyrirtækinu Drangeyjar-
ferðum sem er í eigu Viggós Jóns-
sonar kom sumarið nokkuð vel út,
þó siglingar í eyjuna hafi framan af
sumri verið stopular, þriðjungur
júní var úti og sex daga í júlí var
ófært. Sagði Viggó að fjórar komur
skemmtiferðaskipa í sumar hefðu
skilað allmörgum farþegum og nýt-
ing bátsins vel viðunandi. Þá sigldi
Viggó einnig til Málmeyjar þó
nokkrar ferðir en þar vantar sárleg
flotbryggju líkt og er í Drangey,
svo farþegar eigi betra með að
komast í land.
- - -
Steypustöðin er með mörg
járn í eldi. Fyrirtækið er í fram-
kvæmdum við ljósleiðara og raf-
strengjalagnir víða um Vestur- og
Suðurland, allt austur að Lóni.
Sagði Ásmundur Pálmason fram-
kvæmdastjóri að sumarið hafi verið
gott, mikið byggt bæði í Skagafirði
og Húnavatnssýslum. Ásamt öðrum
verktökum annast Steypustöðin
lagninu vegarins frá Blönduósi til
Skagastrandar og við fleiri vega-
lagnir og nú er verið að byggja brú
yfir Laxá í Refasveit og munu þeg-
ar allt er talið fara um 1.500 rúm-
metrar af steypu í það verk.
- - -
Um næstu mánaðarmót mun
lokið við helming Reykjastrandar-
vegar en það eru 7-8 km af góðum
uppbyggðum vegi, þá sagði Ás-
mundur að stórar framkvæmdir
væru yfirstandandi, svo sem reið-
höll í Hjaltadal og að Staðarhofi við
Sauðárkróksbraut.
Starfsmenn Steypustöðvarinn-
ar eru nú 45 en mun fækka nokkuð
um áramót.
- - -
Á vegum Fisk Seafood eru
allir þrír togarar félagsins að landa
í þessari viku og er öll starfsemi
komin í fullan gang eftir sumarhlé
og hófst aftur 1. september. Þá er
Fisk að byggja stórt og glæsilegt
hús á uppfyllingu Suðurgarðs, sem
tekið verður í notkun fullbúið fyrir
áramót. Þar mun Fiskmarkaður
Snæfellsbæjar starfræktur, en
hann tók við af Fiskmarkaði Ís-
lands sem starfræktur hefur verið
hér um nokkur ár.
- - -
Svo sem fram hefur komið er
mikil gróska í mannlífinu í Skaga-
firði og ekki nokkur ástæða til að
kvíða komandi vetri.
Morgunblaðið/Björn Björnsson
Haustskrúði Haustveðrið hefur leikið við Skagfirðinga, blómin á Kirkjutorgi á Sauðárkróki skarta enn sínu fegursta og berjaferðir hafa skilað góðu.
Einn besti mánuðurinn framundan
18 FRÉTTIR
Innlent
MORGUNBLAÐIÐ LAUGARDAGUR 24. SEPTEMBER 2022
Ragnheiður Birgisdóttir
ragnheidurb@mbl.is
Íslensk málnefnd hefur gefið frá sér
nýja ályktun um stöðu íslenskrar
tungu og íslensks táknmáls. Yfir-
skrift ályktunarinnar er að þessu
sinni ,,Íslensk tunga og nýir miðlar“.
Er þetta í 17. sinn sem slík ályktun
er gefin út.
Þar er vakin athygli á ýmsum
brýnum verkefnum sem krefjast at-
hygli hins opinbera og sést greini-
lega að fjarskiptabylting nútímans
er eitt helsta áhyggjuefnið þegar
kemur að varðveislu íslenskunnar.
Á netinu er enska tungan í aðal-
hlutverki og tungumál fámennra
þjóða mega sín lítils gagnvart því
ofurefli. Því segir málnefndin að sér-
stakan stuðning hins opinbera þurfi
til þess að ráðast megi í aðgerðir í
þágu íslenskunnar.
Meðal þess sem lagt er til er að
ráðist verði í átak til að auka áhuga
þjóðarinnar á notkun íslensku á net-
inu. Stjórnvöld eru meðal annars
sögð „þurfa að setja reglur um ís-
lenskt viðmót í tölvum og snjall-
tækjum“. Mikilvægast þykir að
áhugi þjóðarnnar á íslensku efni sé
virkjaður og henni auðveldað að
sækja í það á stafrænu formi.
Málnefndin leggur einnig til að
ríkið styðji við stofnun hljóðbóka- og
rafbókasafns á netinu, veiti styrki til
vandaðra hlaðvarpa, vinnslu alfræði-
rits á netinu og rafræns kennslu-
efnis, stofnaður verði sjóður til að
koma mikilvægu gömlu efni á netið,
opinn aðgangur að íslenskum og tví-
mála orðabókum og miðlæg málfars-
ráðgjöf fyrir fjölmiðla.
Málræktarþing Íslenskrar mál-
nefndar verður haldið í fyrirlestrasal
Þjóðminjasafnsins síðdegis þann 29.
september.
Íslenskan stendur
illa að vígi á netinu
- Íslensk málnefnd hvetur til aðgerða
Morgunblaðið/Kristinn Magnússon
Ályktun Lagt er til að íslenkst efni
verði gert aðgengilegra á netinu.
Skeifan 8 | Hafnartorg Gallery | casa.is
Hönnun: Vico Magistretti (1977)
Oluce Atollo lampinn