Fréttablaðið - 21.01.2023, Qupperneq 46

Við hentum öllu út,
brutum niður vegginn
inn í hlöðuna til að
búa til meira pláss og
færðum innganginn
inn í húsið.
Hesthús Nadiu Katrínar Ban-
ine og eiginmanns hennar
Gunnars Sturlusonar í Víði-
dalnum er einkar huggulegt
enda hefur það vakið athygli
hjá nágrönnum sem hafa jafn-
vel sótt til þeirra lausnir og
hugmyndir.
Nadia, sem er annálaður fagurkeri,
lét gamlan draum rætast og mennt-
aði sig í innanhússhönnun í Mílanó
þaðan sem hún útskrifaðist frá
hönnunarskólanum Istituto Euro-
peo di Design fyrir tveimur árum.
Aðalstarf hennar sem löggiltur
fasteignasali rímar vel við áhugann
á innanhússhönnun en hún býður
seljendum sem öðrum upp á ráðgjöf
þegar kemur að því að gera heimilið
sem fallegast.
Sameinaði áhugamálin
Þegar kom að kaupum á hesthúsi í
Víðidal gat Nadia sameinað áhuga-
málin tvö, hestamennsku og innan-
hússhönnun, en Nadia segist hafa
farið að stunda hestamennsku 10
ára gömul.
„Þá eignaðist ég dásamlega vin-
konu sem kynnti mig fyrir hesta-
mennskunni og fór það svo að ég
keypti mér minn eigin hest þegar ég
var 15 ára. Ég fór líka nokkur sumur
í sveit og það kynti enn frekar undir
þessari bakteríu. Ég gerði svo langt
hlé á þessu þegar ég bjó erlendis og
hafði sennilega ekki farið á hestbak
í næstum 20 ár þegar ég byrjaði
aftur, sem hafði þær afleiðingar að
ég fór alveg á bólakaf aftur,“ segir
hún og hlær. Nadia tók þetta alla
leið og fór í nám í reiðmennsku við
Bændaskólann á Hvanneyri. „Ég
fékk svo að læra aðeins meira hjá
vinkonu minni og hennar manni
sem reka tamningastöð í Austur-
Landeyjunum.“
Veðursæld í Víðidalnum
Nadia og Gunnar keyptu húsið í
Víðidalnum árið 2018 og fóru þau
strax í að gera það upp.
„Við vorum áður með hesthús
í Kópavoginum, en okkur finnst
bæði meiri veðursæld og skemmti-
legri reiðleiðir í Víðidalnum,“ segir
Nadia en þau hjónin stunda hesta-
mennskuna af miklum móð auk
þess sem dætur Nadiu bætast við á
sumrin.
„Við hentum öllu út, brutum
niður vegginn inn í hlöðuna til að
búa til meira pláss og færðum inn-
ganginn inn í húsið,“ segir Nadia en
þegar húsið er fullt komast fyrir sjö
hestar.
Nágrannar fylgdu í kjölfarið
Hesthúsið er einkar hlýlegt eins og
sjá má, með snyrtilegri kaffistofu,
þvottavél og þurrkara og segir Nadia
mikla vitundarvakningu hafa orðið
hjá hestamönnum þegar kemur að
því að hafa líka huggulegt í hesthús-
inu sínu.
Hentu öllu
út úr
hesthúsinu
Björk
Eiðsdóttir
bjork
@frettabladid.is
„Það er gaman að sjá hvað margir
nágrannar okkar hafa fylgt í kjöl-
farið að gera hesthúsin hlýlegri.
Það má alveg segja að það var mikill
gestagangur hjá okkur fyrst eftir að
við tókum húsið í gegn. Kunnugir
og ókunnugir voru að kíkja í gætt-
ina hjá okkur og spyrja um lausnir
og fá hugmyndir. Fyrir nokkrum
árum kom ný reglugerð sem lagði
línurnar með stærðina á hverri stíu
og í kjölfarið var mikið af fólki sem
fór í það að endurnýja húsin svo að
plássið nýtist betur.“
Hesthús Nadiu og Gunnars í Víðidalnum er einkar hlýlegt og snyrtilegt enda verja þau miklum tíma þar. Fréttablaðið/Valli
Pláss er fyrir sjö hross í stíum í húsinu. Fréttablaðið/Valli
22 helgin FRÉTTABLAÐIÐ 21. jAnúAR 2023
lAUgARDAgUR