Fréttablaðið - 21.01.2023, Qupperneq 60

Við erum eiginlega
bara alla daga að
einbeita okkur að
atriðinu í keppninni.
Brynja Mary
Íslensku systurnar Brynja
Mary og Sara Victoria Sverris­
dætur keppa í Dansk Melodi
Grand Prix. Þrátt fyrir að vera
ungar eru þær reynsluboltar
sem hafa ekki hætt að syngja
síðan þær voru þriggja ára.
odduraevar@frettabladid.is
Þær Brynja Mary og Sara Victoria
Sverrisdætur verða fulltrúar Íslands
í dönsku undankeppninni fyrir
Eurovision þann 11. febrúar næst­
komandi. Þær stíga á svið undir
nafni hljómsveitar sinnar Eyjaa
með lagið I Was Gonna Marry Him,
en þær eru einmitt að vinna með
hluta af sama teymi og Emmelie
de Forrest, danski sigurvegarinn í
Eurovision árið 2013.
„Þetta var ekkert eðlilega góður
dagur en það var brjálað að gera, við
fórum í fullt af viðtölum og ræddum
lagið, það var mjög gaman,“ segir
Brynja Mary sem fagnaði 19 ára
afmælinu sínu sama dag og lagið
kom út og heimurinn fékk að vita að
þær systur yrðu meðal keppenda í
Dansk Melodi Grand Prix.
Þrátt fyrir ungan aldur eru þær
systur engir aukvisar þegar kemur
að tónlistinni. „Við höfum verið að
undirbúa þetta frekar lengi,“ segir
Brynja Marie sem tók þátt í Söngva­
keppni Sjónvarpsins árið 2020 með
frumsamið lag sitt Augun þín.
Hún og Sara Victoria, sem er 17
ára gömul, hafa þannig f lakkað á
milli Danmerkur þar sem þær búa
og Los Angeles í Bandaríkjunum
en þær eru á samningi hjá Univer­
sal. Þær hafa gefið út þó nokkur lög
síðan, meðal annars lagið Don’t
Forget about me sem var meðal tíu
vinsælustu laga Danmerkur í sextán
vikur samfleytt í fyrra.
„Við vorum í alþjóðlegu dans­
námi í fyrra, að hluta til í Kaup­
mannahöfn og síðan í Los Angeles í
þrjá mánuði,“ segir reynsluboltinn
Brynja Mary en Justin Bieber var þar
líka. Hún segir þær systur ekki hafa
hugsað sig tvisvar um þegar þeim
var boðið að taka þátt í dönsku
undankeppninni.
„Það fer auðvitað gríðarlegur tími
í þetta. Við erum á stífum æfingum
og svo eru það myndatökur og við­
töl og allt þetta. Við erum eiginlega
bara alla daga að einbeita okkur að
atriðinu í keppninni,“ segir Brynja
en keppnin fer fram þann 11. febrú­
ar næstkomandi.
Átta lög taka þátt og fer sigurlagið
áfram í Eurovision og verður fulltrúi
Danmerkur í Liverpool í maí. Höf­
undar lagsins eru Rasmus Olsen,
Maria Broberg og Thomas Butten­
schön sem öll hafa tekið þátt áður
í undankeppninni. „Það er búið að
vera geggjað að vinna með þeim.
Þau eru með svo góðar hugmyndir
og þekkja Melodi Grand Prix rosa­
lega vel og vita alveg hvað virkar,“
segir Brynja um samstarfið.
Hún segir aðspurð Melodi Grand
Prix risastóra keppni. „Það fer mjög
mikið púður í þessa keppni. Við
vissum eiginlega ekki hvað þetta
er mikið, það er spáð og spekúlerað
í öllu mögulegu sem við höfðum
ekki hugmynd um að við þyrftum
að velta fyrir okkur.“
Þær systur hafa sungið og dansað
síðan þær voru þriggja ára gamlar.
„Við byrjuðum í svona músíkleik­
skóla þegar við vorum þriggja ára
og mamma keyrði okkur alltaf í
klukkutíma alla morgna í skólann
af því við elskuðum að syngja og
dansa,“ segir Brynja.
Hún viðurkennir að þær systur
geti hreinlega ekki beðið eftir því að
stíga á svið í febrúar til að heilla Dani
upp úr skónum. „Það er allt að gerast
og við erum tilbúnar að stökkva á
sviðið og gefa allt í þetta.“ n
Halldór Auðar Svansson
Frétt vikunnar |
„Jón Gunnarsson dómsmálaráð­
herra hefur pínu einokað frétta­
plássið þessa vikuna, með því að
vera allt í einu bara búinn að leyfa
lögreglunni að nota rafbyssur,“ segir
Halldór Auðar Svansson, varaþing­
maður Pírata, spurður hvað honum
finnist fréttnæmast í vikunni sem
nú var að líða.
„Þetta var að sjálfsögðu mjög
fréttnæmt þar sem enginn annar
virðist hafa vitað af þessu, ekki einu
sinni samstarfsfólk ráðherrans í rík­
isstjórn,“ segir Halldór.
„Annað í vikunni sem tengist
hans ráðuneyti er birting á stjórn­
sýsluúttekt Ríkisendurskoðunar á
innheimtu dómsekta, sem sýnir að
lítið hefur áunnist í að bæta óeðli­
lega lágt innheimtuhlutfall frá því
að fyrst var á þetta bent árið 2009.
Það er sérstaklega áhugavert að
innheimtuhlutfallið lækkar eftir
því sem upphæð sektanna hækkar,
þannig að þarna eru að tapast veru­
legir fjármunir og fælingarmáttur
sekta við brotum á borð við skatta­
lagabrot í raun mjög takmarkaður,
af því það næst í f lestum tilfellum
hreinlega ekki að innheimta sekt­
irnar.
Svo var það enn ein fréttatil­
kynningin um þjóðarhöll, sem
spilar beint inn í HM­stemning­
una. Ágætt að láta vita af því að
þetta sé á plani en stærsta alvöru
fréttin væri nú sú að það hefði
náðst að semja um kostn­
aðarskiptinguna. Ég skýt
á að sá þáttur þessa
verkefnis verði lang­
tímafrekastur.“n
Fyrirvaralaust rafbyssuleyfi og þjóðarhöll
Ætla að heilla dönsku
þjóðina upp úr skónum
Systurnar hafa
gefið út þó nokkur
lög og eru sann-
kallaðir reynslu-
boltar þrátt fyrir
ungan aldur.
Halldór Auðar Svansson
v
Til að taka þátt í leiknum þarft þú að
1) Finna PLAY flugvélina á flugi í Fréttablaðinu.
2) Segja okkur á hvaða blaðsíðu þú fannst
PLAY flugvélina og skrá það á
www.frettabladid.is/lifid/playleikur
Fréttablaðið og PLAY ætla að bjóða
heppnum lesanda Fréttablaðsins 100.000
króna gjafabréf frá PLAY í hverri viku fram
að 11. febrúar.
Finnur þú
á flugi í
Fréttablaðinu?
36 lífið FRÉTTABLAÐIÐ 21. jAnúAR 2023
lAUGARDAGUR