Fréttablaðið - 28.01.2023, Blaðsíða 46

Danshöfundurinn Lee Proud
flutti til Íslands fyrir tilviljun.
Hér nýtur hann þess að starfa
og elskar land og þjóð. Lee
kynntist unnusta sínum hér
og hyggur nú á brúðkaup.
Það eru tíu síðan ég kom
hingað fyrst og vann í
minni fyrstu sýningu
á Íslandi. Fyrir mér eru
þetta merk tímamót af því
ég elska að vera hér,“ segir danshöf-
undurinn og leikstjórinn Lee Proud.
Hann fæddist í Newcastle á Englandi
en býr í London og er með annan
fótinn á Íslandi. Lee fékk snemma
áhuga á dansi og byrjaði ungur í
dansskóla, hann segir það ekki hafa
verið hefðbundið áhugamál fyrir
strák í Newcastle á þeim tíma.
„Ég hafði alltaf haft svo gaman af
því að syngja og svo fljótlega þróað-
ist það í dans. Mig langaði að læra
að dansa þegar ég var níu ára en það
var ekki hefðbundið fyrir strák úr
verkamannastétt í Newcastle fyrir
rúmum 40 árum,“ segir Lee.
„En ég fékk að gera það og
mamma mín og pabbi fóru með mig
í dansskólann á hverjum laugardegi.
Skilyrðið var að tvíburasystir mín
átti að vera með mér, dansskólinn
var ódýrari en barnapía og mamma
og pabbi gátu útréttað á meðan við
vorum þarna. En þetta var smá eins
og ég væri Billy Elliot,“ segir Lee.
Flutti ungur til London
Þegar Lee var aðeins þrettán ára
gamall flutti hann til London og fór
í skóla þar. Í skólanum lærði hann
hefðbundin fög en einnig söng og
dans. „Við byrjuðum alltaf daginn
í landafræði, stærðfræði, ensku og
þessu hefðbundna en svo seinni-
partinn lærðum við raddtækni,
ballett, djassballett og hvers kyns
söng og dans,“ segir hann.
Spurður hvort ekki hafi tekið á að
f lytja svo ungur að heiman segist
hann haf gleymt sér í söng og dansi.
„Ég var svo þakklátur fyrir að vera
kominn þangað, ég naut þess að
syngja og dansa,“ segir Lee en hann
hlaut styrk til að nema við skólann
þar sem skólagjöldin voru há. „Þetta
var bara eins og í Billy Elliot, ég var
eins og hann. Ljómaði allur þegar ég
var loksins kominn þarna og var að
upplifa drauminn,“ segir Lee.
Hann var aðeins þrettán ára
þegar hann tók þátt í sinni fyrstu
stóru sýningu, Bugsy Malone á
West End í London, en með honum í
sýningunni lék meðal annars Cath-
erine Zeta-Jones. Síðan þá hefur Lee
komið fram og unnið í óteljandi
sýningum um allan heim.
Á menntaskólaárunum tók hann
sér pásu frá dansinum í örskamma
stund og var í hljómsveitinni The
Proud Ones. „Þetta var skemmti-
legt og okkur gekk vel. Við komum
meira að segja lagi í þriðja sæti á
breska kántrílistanum og fórum í
tónleikaferðalag með David Bowie,
svo einhvern veginn flosnaði þessi
hljómsveit upp og við fórum að gera
eitthvað annað,“ segir Lee og ekki er
að greina vott af hroka í röddinni
þrátt fyrir velgengnina.
Góðan daginn
Spurður að því hvernig það hafi
komið til að Lee kom til Íslands segir
hann það skondna sögu. „Ég hafði
verið að sjá um sviðshreyfingar og
dans í mörgum, mörgum sýningum
í Bretlandi og mér hafði gengið mjög
vel. Voru boðin fleiri og fleiri verk-
efni og hafði unnið til verðlauna og
það var farið að spyrjast út,“ segir
hann.
„Svo kom það upp að íslenskur
leikstjóri spyr leikstjóra sem ég
var að vinna með hvort hann gæti
mælt með einhverjum fyrir sýningu
á Íslandi og hann sagði honum frá
mér, íslenska leikstjóranum leist vel
á og ég fékk að vita að hann myndi
hringja í mig eftir nokkra daga,“
segir Lee sem ákvað að nýta þessa
daga til að læra að segja góðan dag-
inn á íslensku.
„Svo tek ég fundinn á Skype
heima hjá mér og heilsa leikhús-
stjóranum með góðan daginn og
braut þannig ísinn, honum fannst
það svo fyndið og með þessu góðan
daginn hef ég fengið fullt af verkefn-
um og alls konar öðru hér á Íslandi,“
segir Lee og hlær.
Lee Proud hefur tekið þátt í upp-
setningu meirihluta stórra sviðs-
verka sem sett hafa verið upp á
Íslandi síðasta áratuginn. Hann
hefur meðal annars séð um dans
og sviðshreyfingar í Mary Poppins,
Billy Elliot, Mamma Mia!, Rocky
Horror, Matthildi, 9 lífum og Emil
í Kattholti í Borgarleikhúsinu og
í Kabarett, Vorið vaknar og Bene-
dikt búálfi hjá Leikfélagi Akureyrar.
Hann hefur verið listrænn stjórn-
andi og danshöfundur Söngva-
keppninnar hjá RÚV frá árinu 2019
og samdi meðal annars dansinn
sem Daði og gagnamagnið dansa
við lagið Think about things. Lee
vinnur núna að uppsetningu Chi-
cago á Akureyri og Draumaþjóf-
inum í Þjóðleikhúsinu. Þá hefur
hann fengið fjölda tilnefninga til
Grímuverðlaunanna og hlaut hann
slík verðlaun fyrir Matthildi.
Fann ástina
En það er ekki einungis ferill Lee sem
hefur blómstrað á Íslandi, því hér
fann hann ástina. „Ég sat eitt kvöldi
með Páli Óskari á Ölstofunni og þar
sé ég á barnum fallegasta mann sem
ég hef á ævi minni séð. Þar sem við
vorum á Íslandi þekkti Palli hann
auðvitað og í ljós kom að hann hafði
séð sýningarnar mínar og vissi hver
ég var,“ segir Lee og ljómar þegar
hann segir blaðamanni frá því þegar
hann sá unnusta sinn Ahd Tamimi í
fyrsta sinn.
Þetta kvöld urðu þeir vinir á
Facebook og spjölluðu mikið saman,
Ahd er leikari og stuttu seinna fékk
hann hlutverk í sýningu sem Lee
vann einnig í, Vorið vaknar. „Þá
urðum við enn betri vinir og unnum
saman á Akureyri. Svo er ég alltaf
að tala um hann og eitt kvöldið í
desember er ég að tala við vin minn,
ætti kannski ekki að „namedroppa“
en Elton John og maðurinn hans,
David, eru góðir vinir mínir,“ segir
Lee auðmjúkur.
„David segir við mig að ég verði
bara að eiga almennileg og einlæg
samskipti við Ahd og ég tek það til
mín. Þetta kvöld, föstudaginn 13.
desember árið 2019, spyr ég hann
bara beint út hvort að við ættum
að verða kærastar og hann segir já,“
rifjar Lee upp.
„Þetta var stórkostlegt og daginn
eftir vöknum við og hann segir:
„Góðan daginn, kærasti,“ og mér leið
svo vel,“ segir Lee og gleðin leynir sér
ekki þegar hann talar um Ahd sem
hann trúlofaðist um áramótin.
„Ég bað hann að giftast mér á
gamlárskvöld í Kaupmannahöfn. Ég
var búinn að fylla svalirnar á íbúð-
inni sem við vorum í af kertum og
ég bað hans þar rétt fyrir miðnætti.
Ég fór niður á hnén og bað hans, allir
vinir okkar sem voru í partíi hjá
okkur fylgdust með út um gluggann
og svo um leið og hann sagði já byrj-
uðu flugeldarnir. Þetta var ótrúlegt
augnablik.“
Það er margt fram undan hjá Lee
sem er bókaður út allt árið 2024.
Hann vinnur að uppsetningu Sister
Act í Danmörku og eins og komið
hefur fram vinnur hann að Drauma-
þjófnum í Þjóðleikhúsinu og Chi-
cago. Svo er hann á leið til Japan þar
sem hann mun leikstýra verki í hinu
víðfræga leikhúsi Takarazuka Revue,
leikhúsi þar sem konur fara með öll
hlutverk.
„Næst á dagskrá er frumsýning á
Chicago og svo þurfum við að finna
tíma fyrir brúðkaup,“ segir Lee . n
Mig lang-
aði að læra
að dansa
þegar ég
var níu ára
en það var
ekki hefð-
bundið
fyrir strák í
verka-
mannastétt
í Newcastle.
Lee Proud flutti fyrst til Íslands fyrir tíu árum. Hann hafði þá búið lengi í London og fannst þögnin í Reykjavík yfirþyrmandi. Nú elskar hann þögnina, land og þjóð. Fréttablaðið/sigtryggur ari
Fann ástina á Íslandi
Birna Dröfn
Jónasdóttir
birnadrofn
@frettabladid.is
Ahd og Lee hafa verið saman síðan árið 2018 og hyggja nú á brúðkaup.
24 helgin FRÉTTABLAÐIÐ 28. jAnúAR 2023
lAUgARDAgUR