Rökkur : nýr flokkur - 01.06.1975, Blaðsíða 61

Bréf
frá Bjarna Bjarnasyni, Brekkubæ, Hornafirði.
Brekkubæ, Hornafirði, 22. júlí 1975.
Hr. Axel Thorsteinson, rithöfundur,
Flókagötu 15, Reykfavík.
Heiðraði herra
Nokkur undandráttur hefir orðið fyrir mér að senda yður línur.
Svo er mál með vexti að ég hefi orðið var við orðamun í ljóðum föður
yðar, í sambandi við söngmálastarf mitt. Hefi hér i huga hinn fagra
lofsöng, „Guð hæst í hæð,“ sem ég hefi uppfært á liðnum árum, t.a.m.
í kirkju og við önnur tækifæri. 1 heildarútgáfum ljóðmælanna, öllum
eldri ljóða- og sönglagabókum, eins í fyrstu prentun sálmabókarinnar
frá 1945, stendur í öðru versi nefnds lofsöngs, „Hvað megnar allra
myrkra kraftur,“ en nú í yngri prentuðum sálmabókar frá 19451)
stendur í þessu versi, „Hvað megnar allur myrkra kraftur“ o.s. frv.
Einhvernveginn hefi ég ekki felt mig við þessa breytingu. 1 fyrsta
lagi, svo virðist að skáldið hafi gengið frá þessu eins og það er prentað
í öllum eldri iitgáfum ljóðmælanna. 1 öðru lagi finnst mér að í eldri
útgáfum sé hugsunin þar dýpri og víðfeðmari í ljóðinu. Þar sem mér
er þetta nokkur ráðgáta kemur mér í hug að leita til yðar og fá frá
yður við tækifæri hér um einhverjar upplýsingar.
Ég get ekki látið hjá líða, í þessu sambandi, að minnast á að ég
hefi alltaf haft miklar mætur á ljóðum föður yðar. Einum þræði
stafar það af hinum mörgu og fögru söngtextum frá hans hendi. Hefi
ég margt um þetta að segja og vil í lokin geta þess að oft gríp ég
1) og sálmabókinni nýju frá 1972.