Veiðimaðurinn - 01.12.1960, Blaðsíða 38

Crossfieldinn mér. En svo vill hann þá
ágætis flugu ekki meir, því í næstu tveirn
yfirferðum rísa að vísu laxar en taka
ekki. Eg skifti nú um og set á Teal and
Black silunga-flugu, nr. 10, en ekki vildi
hann liana. Aðra dökka flugu sýni ég
honum, en liann vill bara ljósar í dag.
Nú! Því þá ekki að bjóða honum Butcher
nr. 10? Ó, jú, ég held nú það. Hann er
á, eftir 2—3 köst, en af eftir 2—3 andar-
tök.
Enn held ég niður hylinn og set í lax,
sem fer af í lendingunni. t þriðja lax-
inn set ég og næ honum. Þarna hafði ég
nú fengið 11 laxa á flugu, frá kl. 9—12,20
og nú veit ég að flestir „flugu-menn“
verða hissa. Mér datt sem sé í hus, að
taka kaststöngina í hönd, því mér lék
forvitni á að vita, hvort hann vildi maðk
eins vel og flugu. Ekki hafði ég gefið út
meir en 3—4 metra, þá er þrifið í, ákveð-
ið, og nú þarf ég ekki að efast lengur.
Hann vill líka maðk. Nú var tíminn að
þrotum kominn og tólf laxar í pokanum
og ein ánægjulegasta stund upprunnin.
Ég er að velta því fyrir mér, hvort veiði-
gyðjan mín hafi verið sérlega ástfangin
af mér þennan morgun. Mig langar að
geta þess til gamans og kannski fróðleiks,
að þessir laxar, sem tóku White Wing-
fluguna, tóku allir í kafi, en hinir risu
alltaf áður. Hvernig á því stendur veit ég
ekki. En kannski veit einhver mér fróð-
ari það, og þá væri gaman að heyra frá
honum. Þessir laxar voru allir smáir, eða
3—6 pund. Eftir hádegið missti ég svo, í
Myrkhyl, á Crossfieldinn, lax eftir rúm-
lega 20 mínútna viðureign, og var hann
að sjá óþreyttur, er hann kvaddi. Ég hefði
viljað fórna 6 löxum fyrir að hafa náð
lionum. Hver veit nema ég hitti hann aft-
ur næsta sumar, ef við báðir lifum? En
átökin við þennan lax í Myrkhyl
er nú önnur saga, sem skráð er í huga
mér, en verður kannski skráð á blað
seinna, ef ég nenni. S. T. M.
Var þaö hnúð-
lax?
HAUSTIÐ 1957, rétt um lok laxveiði-
tímans veiddi Óli J. Ólason, núv. form.
S.V.F.R. einkennilegan fisk í Ferjuhyl í
Víðidalsá. Hann var um 5 pund, rauð-
leitur mjög, kjaftstór hængur, með hnúð
á baki. Hann tók spón og gafst fljótlega
upp.
Guðmundur J. Kristjánsson, ritari
S.V.F.R. og form. L.I.S. var þarna við
hylinn líka. Kom þeim félögum saman
um að þetta mundi vera vansköpuð
bleikja og hirtu ekki um að láta athuga
fiskinn frekar. En nú, eftir að fregnir
hafa borizt um landnám hnúðlaxins hér
og myndir verið birtar af honum, telja
þeir lítinn vafa á því, að fiskurinn hafi
verið af þeirri tegund. Sé það rétt, mun
þetta hafa verið fyrsti hnúðlaxinn. sem
hér hefur veiðst, svo vitað sé.
Ef einhverjir aðrir skyldu hafa veitt
fiska, sem þessi lýsing kemur heim við,
ættu þeir að senda Veiðimanninum línu
um það. Veiðimálastofnunin óskar einn-
ig eftir slíkum upplýsingum, ef til eru.
Ritstj.
2S
Vkiðimaðurinn