Veiðimaðurinn - 01.12.1960, Blaðsíða 72

Þannig eru nú nálega allar beztu veiði-
árnar á Stóra-Bretlandi að meira eða
minna leyti leigðar, annað hvort félögum,
gistihúsum eða einstaklingum og eigend-
urnir láta sér nægja nokkra daga fyrir
sjálfa sig allan veiðitímann og sumir jafn-
vel ekkert.
í maí hefti tímaritsins Field & Stream
1958 var um þetta löng og fróðleg grein,
sem í ráði er að þýða og birta hér í Veiði-
manninum á næstunni. Mun mörgurn,
sem hana lesa, koma á óvart hve gííurleg
breyting hefur orðið á þessum hlutum í
Stóra-Bretlandi síðari árin.
Að þessu athuguðu verður að telja
mjög ósennilegt, að Englendingar vilji
eða telji sig geta borgað það verð fyrir
stangveiðidaginn, sem íslendingar hafa
þurft að gera víðast hvar síðari árin. Er
þess skemmst að minnast, að skozkur
maður, sem unr langt skeið hafði haft hér
litla á, sleppti lrenni þegar leigan var
hækkuð, og hefur þó heyrzt að hann hafi
átt kost betri kjara, en íslendingarnir
urðu að sæta, að honum frágengnum.
Englendingar vildu aldrei greiða háa
leigu fyrir veiðiár hér, meðan þeir gátu
það, og því er ástæðulaust að gera ráð
fyrir að þeir geri það nú, þegar þeir geta
það ekki. V. M.
iVeliii eyða.
Fyrir nokkrum árum var sagt frá því
hér í blaðinu, að laxveiði færi mjög
minnkandi í Alaska. Var ofveiði í net
kennt um, og háværar raddir komu fram
um að takmarka veiðina stórlega. Síðan
hefur enn sigið á ógæfuhliðina, og nú
er svo komið, að mjög róttækra aðgerða
þykir brýn þörf.
í dagblaðinu Vísi var eftirfarandi frétt
um þetta efni hinn 21. október s. ].:
„Bandarískum fiskimönnum hefur
verið bannað að veiða lax í net á norð-
urhluta Kyrrahafs og nokkrum hluta
Beringshafsins. Bleiklax er samt ekki hér
með, en veiðar á bleiklaxi eru háðar ríkis-
eftirliti. Það var vegna kröfu fylkisþings
Alaska, að laxveiðar í net hafa verið
bannaðar á þessu svæði“.
Efnisskrá Veiðimannsins.
ÞESS liefur lengi verið brýn þröf, að
efnisskrá væri samin yfir Veiðimanninn,
enda hefur það staðið til undanfarin tvö
eða þrjú ár, en dregist á langinn af ýms-
um ástæðum.
Nú hefur Gunnlaugur Pétursson, sem
lengi hefur verið í ritnefndinni og oft
liðsinnt ritinu vel og drengilega, unnið
þetta nauðsynjaverk.. Munu ótaldar þær
vinnustundir sem hann hefur þarna lagt
af mörkum fyrir Veiðimanninn, því að
svona verk eru seinunnin og krefjast mik-
illar nákvæmni og athugunar.
í ráði er að prenta efnisskrána sérstak-
lega eftir áramótin, í sama formi og rit-
ið, og geta þá þeir, sem vilja, látið binda
hana með síðustu árgöngunum. Standa
vonir til að hægt verði að senda hana til
kaupenda með fyrsta heftinu á næsta ári.
Fyrir hönd ritsins þakka ég Gunnlaugi
þetta ágæta verk, sem og önnur, er hann
hefur fyrir það unnið á liðnum árum.
Ritstj.
62
Veiðimaðurinn