Veiðimaðurinn - 01.03.1962, Qupperneq 42

Ástand innyíla í alitiski er oft notað
sem mælikvarði á, hve hollt fóður er fyr-
ir fiskinn heilsufarslega. Donaldson,
prófessor, fann með rannsóknum, að
vissar fóðurtegundir orsökuðu skemmdir
í briskirtlinum. Þá hefur verið unnið að
því að finna fóður, sem leggja má til
grundvallar við fóðurtilraunir. Hefur
þetta borið góðan árangur. Er nú slíkt
undirstöðufóður notað við rannsóknir á
næringarþörf fiskanna.
Kynbætur á regnbogasilungi.
Kynbætur á laxfiskum er ein merki-
legasta nýjung seinni ára í veiðimálum.
Árangurinn, sem þegar hefur fengizt af
tilraununum í því efni, gefur fyrirheit
um, að fá megi í framtíðinni fisk, sem
mun henta betur breyttum aðstæðum,
og muni gefa mjög auknar afurðir á
styttri tíma heldur en nú tíðkast.
Merkt tiiraunastarf hefur verið unnið
af Donaldson, prófessor, og aðstoðar-
mönnurn hans í nær þrjá áratugi á sviði
kynbóta á regnbogasiiungi. rákasilungi
og kóngslaxi. Reynt hefur verið að fá
fram fisk, sem yxi ört og yrði kynþroska
snemma og væri ónæmur fyrir sjúkdóm-
um, hrygndi á hagkvæmum tíma og hefði
sem flest hrogn.
Árið 1932 hóf Donaldson kynbætur á
regnbogasilungsstofni, og voru stofnsil-
ungarnir tæp 700 gr. hver og 4 ára gaml-
ir, þegar þeir voru fyrst kynþroska. Með-
al hrognafjöidi í þeim var iOOO hrogn.
Vaxtarhraðinn jókst á næstu árum, og
fiskarnir urðu kynþroska yngri heldur en
hinn villti stofn. Þegar kynbæturnar
höfðu staðið í áratug, náðu fyrstu sil-
ungarnir kynþroska tveggja ára, og eftir
hálfan annan áratug hafði hrognafjöld-
inn tvöfaldazt. Tveggja ára fiskarnir frá
klakárinu 1953 voru kynþroska 49,6 sm
að lengd að meðaltali og 1848 gr. að
þyngd. Þeir voru nálega 2l/2 sinnum
þyngri heldur en villti stofninn var 4 ára
gamall. Þegar þriggja ára fiskarnir frá
klakárinu 1952 voru tilbúnir að hrygna
í annað sinn, voru þeir 59,9 sm að lengd
og vógu 3004 gr. að meðaltali. Eftir 26
ára kynbótastarf höfðu tveggja ára silung-
amir fimmfallt fleiri hrogn en forfeður
þeirra höfðu 4 ára 1932. Við aðra hrygn-
ingu þriggja ára fiska var hrognafjöld-
inn 10.000. Stærsti þriggja ára regnboga-
silungurinn 1958 var 71,8 sm á lengd, vóg
6,6 kg og hafði 16.838 hrogn. Árangurinn
af kynbótunum hefur m. a. komið fram
í því, að hrognafjöldinn hefur tuttugu
og fimmfaldazt hjá fjögra ára hrygnu á
nefndu tímabili. Þegar hrygna hefur náð
5 ára aldri gætu afkomendur hennar far-
ið fram úr 56,750 kg að þyngd, ef þeir
lifðu allir, og þó væri enginn þeirra yfir
þriggja ára.
Rákasilungi víxlað.
j ainframt kynbótatilraununum með
regnbogasilung vann Donaldson, prófess-
or, að kynbótum á rákasilungi, „Cutt-
hroat trout“, en hann er nefndur svo
vegna ráka eða strika neðan á neðra skolti
sitt hvorum megin. Rákasilungur er út-
breiddur vestan Klettafjalla frá Mexíco
norður til Alaska. Hann hefur lítið verið
fluttur í ný heimkynni samanborið við
regnbogasilung og er því mun minna
þekktur en hann utan hins náttúrlega út-
breiðslusvæðis síns. Kynbættur rákasil-
ungur var 1953—1955 blandaður villtum
32
Veiðimaðurinn