Veiðimaðurinn - 01.11.2008, Page 13

SVFR
SVFR-FRÉTTIR
Metsumarið 2008
82 þúsund laxar
Talið er að laxveiðin í ár hafi numið um 82 þúsund löxum sem
er met. Laxveiðin árið 2005 var um 55.000 laxar sem var met
þá. Eldra met var síðan sett árið 1978 en þá var nánast ekkert
um seiðasleppingar í ár og veiddum fiskum sjaldnast sleppt.
Á seinni árum hefur orðið algengara að„veiða og sleppa" og
svokallaðar hafbeitarár eru farnar að gefa mikla veiði.
í ár er talið að í ám sem byggja á seiðasleppingum hafi
veiðst um 28.000 laxar. í öðrum ám hafi veiðst um 52.000
laxar - sem er svipuð veiði í þeim og árið 1978. Ef hafbeitarár
eru undanskildar hefur það aukist verulega á þessum tíma að
löxum sé sleppt, eða úr 8% í 25%.
Hlutfall stórlaxa var óvenjurmikið í veiðinni og góðar laxa-
göngur. Það bendir til þess að ástandið í hafinu sé gott. Þá
sagði við mig á dögunum eldri félagsmaður í SVFR að loðnu-
skipstjóri hefði sagt sér að nú væri lægð í loðnuveiðum og
því hefði gengið meira af laxi í ár. Ekki verri skýring en hver
önnur!
Víða metveiði hjá SVFR
Mjög góð veiði var víða á veiðisvæðum SVFR og á sumum
svæðum voru slegin met i veiðinni. Við segjum hér frá veiði í
nokkrum ám af handahófi.
Elliðaár
Veiðin í Elliðaánum nam 1.457 löxum - samanborið við 938
laxa veiði árið áður. Veiðin í ár er mesta veiði frá árinu 1989.
Veiðin í ár hefði líklega orðið nokkru hærri ef ekki hefði verið
fyrir tveggja laxa veiðikvóta - í stað þriggja laxa veiðikvóta
áður - í sumar sem og styttri veiðitíma en áður.
Andakílsá
í Andakílsá í Borgarfirði varð metveiði í ár þegar veiddust þar
839 laxar og komu þar af 7 laxar á silungasvæðinu. Þetta
gerir 420 laxar á stöng á dag en veitt er á tvær stangir á laxa-
svæðinu. Fyrra veiðimet árinnar er frá 1975 en þá veiddist
331 lax. Mikiðaf laxi var íánni þegar lokað var eða heilu torf-
urnar eins og viðmælandi Veiðimannsins hafði á orði.
Gljúfurá
Lokatalan í Gljúfurá í Borgarfirði var 315 laxarsem eru hæstu
veiðitölur úr Gljúfurá í þrettán ár. Mikið vatnsveður síðustu
daga veiðitímans komu í veg fyrir hærri lokatölu - þó lentu
menn í uppgripum síðasta veiðidaginn fram í gljúfrum
árinnar þegar lax virðist hafa fært sig niður úr legustöðum
sökum vatnsmagns, en dagana á undan hafði áin verið
óveiðandi.
Norðurá í Borgarfirði
Metveiði varð í Norðurá sl. sumar. Samtals veiddust 3.308
laxar samanborið við 1453 laxa veiði árið áður. Veiði hafði
verið mest áður árið 2005 og nam þá 3137 löxum.
Munurinn á árunum 2005 og 2008 er sá að meira virðist
vera af laxi í ánni í sumar en árið 2005. Árið 2005 voru hins
vegar kjöraðstæður lungann úr sumrinu. Því var ekki að
fagna í sumar enda þurrkar löngum stundum í Borgarfirði.
Leirvogsá
Metveiði varð í Leirvogsá eða samtals 1.192 laxar samanborið
við 392 laxa veiði árið áður. Fyrra metið var árið 1988 þegar
veiddust 1.057 laxar. Veiði á stöng var því 596 laxar en
meðalveiði áranna 1974-2007 er 475 laxar.
Hítará á Mýrum
Veiði í Hítará á Mýrum rúmlega tvöfaldaðist milli ára. Hún
var 1289 laxar samanborið við 584 laxa árið áður. Veiðin í ár
er metveiði í Hítará. Aðalsvæði árinnargaf 748 laxa að þessu
sinni en senuþjófurinn er efra svæðið eða Hítará II sem gaf
541 lax, þar er veitt á tvær stangir um miðbik veiðitímans en
fjórar í byrjun og lokin.
Á veiðisvæði Hítará II gaf Tálmi 128 laxa veiði, Grjótá 219
laxa og efri hluti Hítarár 194 laxa. Þóeru þessar tölur eitthvað
á reiki því skráning í veiðibók er oft á tíðum ófullnægjandi
þar sem þess er ekki greint á milli hvort fiskur er veiddur í
Hítará eða Tálma/Grjótá.
Krossá á Skarðsströnd
í Krossá veiddust 346 laxar í sumar sem er met en aðeins er
veitt á tvær dagsstangir í Krossá. Þetta er mikið stökk því að
áin gaf 106 laxa veiði árið áður. Eldra veiðimetið í Krossá var
frá 2004 þegar fengust 208 laxar úr ánni.
11 '08
13