Arkitektúr og skipulag - 01.03.1989, Blaðsíða 56

SKJtÐ A-A
--SKAUTABRAUT
varðandi gerð á vélfrystum skautasvæðum þá hef ég allt frá því er ég
lauk námi í byggingarverkfræði í Kaupmannahöfn 1965 reynt að
fylgjast með og kynna mér flest það er varðar þessi mannvirki, og er
þar margra kosta völ. Hægt er að velja um margar útfærslur, mjög
mismunandi dýrar allt frá einangrun og slöngum upp í sjálfa
vélasamstæðuna.
IS víþjóð eiga velflest bæjarfélög vélfryst skautasvæði og eru þau allt
frá mjög frumstæðum en þó ágætum svæðum er hæfa ca. 3000-4000
manna bæjarfélagi og upp í skautahallir fyrir stórar borgir. Varðandi
þróun mála hér á landi þá held ég að það sé hægt að læra margt af okkur
hér á Akureyri.
Við tókum þann kostinn að reyna að byggja þetta upp í áföngum og
held ég að það sé einmitt það sem hentar okkur hér á landi. Við höfum
ótvírætt sýnt fram á að hér sem annars staðar sé hægt að byggja upp
vélfryst skautasvæði sem velflest stærri bæjarfélög ættu að ráða við.
Notkun á svæðinu hefur verið afar góð hér á Akureyri og tekjumar
eiga að geta greitt allan daglegan rekstur og orkunotkun. Aðgangseyri

er þó stillt í hóf og kostar svipað að fara á skauta ogsund.Notkun hjá
okkur fyrstu þrjá mánuðina, nóv.-janúar hefur verið yfir 85% þrátt
fyrir mjög óvanalega veðráttu, og hefðum við ekki haft vélfrystingu
hefði ekki verið mögulegt að nota svæðið neitt fyrr en í janúar vegna
óvenjulegra hlýinda í nóvember og desember.
Næsti áfangi hjá okkur er að öllum líkindum yfirbygging svæðisins
eða uppbygging á hlaupabrautinni og hyggjumst við einnig leggja
slöngur í brautina, því okkur sýnist að ca. 4 mánuði á ári myndu
kælivélarnar okkar anna bæði íshokkísvæðinu og hlaupabrautinni.
Við á Akureyri vonumst til að fleiri bæjarfélög fari að dæmi okkar og
hefji framkvæmdir við gerð vélfrystra svæða því að við teljum þetta
mjög holla og góða almenningsfþrótt sem höfðar til fólks á öllum aldri
og er þar að auki ódýr. Umfram allt er hægt að skjótast á skauta án þess
að eyða allt of miklum tíma. Þessi íþrótt hentar því vel með öðrum
íþróttum eða inn á milli í önnum dagsins.
Birgir Agústsson

54
ARKITEKTÚR OG SKIPULAG