Arkitektúr og skipulag - 01.03.1989, Síða 69

BOKAKYNNING
Af og til rekur á fjörur bækur um ýmis sérmál og þá oft utan
háflæðitímajólanna. Síðastliðið haust rak einmitt eina slíka
bók hávaðalítið á fjörur áhugamanna um byggingarlist. Það
er bókin Sir Christopher Wren eftir Hreggvið Stefánsson
byggingafræðing og er hún stutt kynning á þessum víðfræga breska
húsameistara. A bókakápu segir: „Sir Christopher Wren varð
húsameistari ensku krúnunnar eftir brunann mikla í City of London
árið 1666. Var hann fenginn til að sjá um endurreisn borgarinnar,
teiknaði þar og reisti 54 sóknarkirkjur og höfuðkirkjuna sjálfa, St
Pauls, á 50 árum.
Enda þótt Wren sé álíka þjóðhetja hjá Englendingum og Shakespeare
og Newton er hann minnst þekktur þeirra þriggja hérlendis. Því er
hann hér kynntur íslendingum til fróðleiks og nokkurs gamans.
Engin borg nema London státar af jafn mörgum og góðum kirkjum á
sama stað, gerðum af sama manni á svo skömmum tíma. Enn í dag
standa í City 28 sóknarkirkjur, 5 tumar og dómkirkjan sjálf. Hér er
hverri kirkju lýst svo vegfarandi í London megi hafa gagn af. Enn
fremur fjallar bókin um veraldleg verk Wrens, hallir og sjúkrahús og
gefur innsýn í líf fólks í landinu á hans dögum."
Það er alltaf fengur að því að fá á íslensku bækur um byggingarlist,
þótt flestir áhugamenn verði sér úti um erlendar bækur um erlend efni,
sem oftast eru ýtarlegri og fullkomnari í útgáfu.
Bókin er 133 blaðsíður að stærð og með fjölda ljósmynda. Að formi
til er hún að miklu leyti handbók sögulegra staðreynda, auk þess að
geyma lista yfir byggingar, arkitekta, tækniorðasafn o.þ.h. tilheyrandi
efninu.
Þótt megintextinn sé nokkuð samanrekinn tekst höfundi að bregða
upp ljóðrænum smámyndum í lýsingu sinn á aldarfarinu frá eigin
brjósti, sem skilur hana frá þurrum handbókum.
Útgefandi er Prentþjónustan METRl og höfundur.
SIR CHRISTOPHER
WREN
HRKiC'.MDt R STEFANSSOS
ARKITEKTUR INORGE
ÁRBOKI988
Að mörgu leyti eigum við íslendingar samleið með
Norðmönnum hvað viðvíkur bygigngarlist og skipulagi,
þótt önnur atriði skilji okkur að. í báðum löndunum eru
vetur oft kaldir og snjóþungir og báðar þjóðimar skortir hefðir í
skipulagi og gerð þéttbýlis. I báðum löndunum hafa átt sér stað miklir
flutningar úr dreifbýli í þéttbýli. Við eigum það lfka sameiginlegt að
hafa misst tengslin við sveitina án þess að hafa orðið eiginlegir
þéttbýlisbúar og náð almennilegum tökum á því að byggja þéttbýli.
Við eigum því að miklu leyti við sameiginleg vandamál að stríða í
þessum efnum og getum lært margt af reynslu frænda okkar
Norðmanna.
Bókin Arkitektur i Norge - árbok 1988 er gefin út af Bonytt, í
samvinnu við Norsk Arkitekturmuseum. Markmiðið með þessari bók
er að efla almenna umræðu um byggingarlist og mynda grundvöll
fyrir framþróun á þessu sviði.
Efni bókarinnar er skipt í tvennt. Fyrri hlutinn er greinaflokkur um
bæi í breytingu „Byen i omforming", en seinni hlutinn fjallar um
áhugaverðar byggingar sem voru byggðar í Noregi síðastliðið ár,
samkeppni, sýningar og annað sem tengdist byggingarlist þar í landi
þetta ár.
Bókina prýða fjölmargar litmyndir og er þetta hið besta yfirlitsverk
um norska byggingarlist sem gæti hugsanlega orðið okkur hvati til
álíka útgáfu. Bókin er til sölu hjá Arkitektafélagi íslands, Asmundarsal
við Freyjugötu.
ARKITEKTUR OG SKIPULAG
67