Arkitektúr og skipulag - 01.06.1989, Qupperneq 81

BJÖRN SKAFTASON
stundaði nám í arkitektúr í Frakklandi og Bandaríkjunum,
útskrifaðist frá Southem California Institute of Architecture í
Los Angeles 1988.
Lokaverkefni: Menningarmiðstöð í Kvosinni.
„Byggingin er staðsett á núverandi „Hallærisplani“.
Nokkur hús hafa verið fjarlægð, svo byggingin rís frá
Thorvaldsensstræti að Aðalstræti, fram að Austurstræti. Torg
er síðan á núverandi „Steindórsplani”.
Byggingin inniheldur starfsemi sem býður upp á fjölbreytilegt
mannlíf jafnt að degi sem að kvöldi, t.d. kaffihús, veitinga-
stað, bókasafn, sýningarsal, leikhús og kvikmyndasali, og
leggur höfundur áherslu á að Kvosin sé mjög ákjósanlegur
staður fyrir slíka starfsemi. Byggingin er á 3 hæðum og
samtals um 4300 m2 ásamt 9000 m2 neðanjarðarbílageymslu
með stæðum fyrir yfir 300 bíla.
Innra skipulag byggingarinnar er þannig háttað að öll svæði
innan hennar tengjast miðhlutanum, sem er eins konar tengiliður
til allra átta. Sjálf byggingin er líka hugsuð sem tengiliður
milli ákveðinna svæða utan byggingar ,t.d. Austurvallar, Aus-
turstrætis, gamla kirkjugarðsins og torgsins fyrir framan hana.
Lögun byggingarinnar er samsíða lóðarmörkum í suðri, þar
sem hún rís undir háum hömrum nærliggjandi húsa sem
afmarka svæðið og skapa ákveðna ímynd baktjalds.
Menningarmiðstöðin er hönnuð og samsett af ólíkum form-
um og brotin niður í misstórar einingar, til að afmarka og
leggja áherslu á séreinkenni ákveðinna svæða innan hennar,
þannig að sú fjölbreytta starfsemi sem þar á sér stað endur-
speglast í arkitektúr byggingarinnar.“
ARKITEKTUR OG SKIPULAG
79