AVS. Arkitektúr verktækni skipulag - 01.08.1996, Side 22

■ Stefna ber aö því að gistirými á íslandi sé samkeppnis-
hæft og að þjónustan verði í samræmi við mismunandi
þarfir viðskiptavina.
■ Afþreying búi við lög og reglur líkt og gerist með aðra
atvinnustarfsemi. Þess verði gætt að uppbygging
afþreyingar sé í fullri sátt við náttúru íslands og gangi ekki
á umhverfisarf komandi kynslóða.
■ Með hestaferðum sé boðið upp á sérstæða, skemmtilega
og fróðlega afþreyingu sem sameinar útivist, góð kynni af
íslenska hestinum og náttúru landsins, um leið og þær
skapa atvinnu og tekjur.
■ Hluturfunda-og ráðstefnuferðamennsku og hvataferða-
mennsku verði aukinn utan háannar á íslandi. Einnig er
stefnt að því að þessir ferðamenn heimsæki ísland aftur.
■ Stefnt skal aö því að auka ferðamennsku í tengslum við
heilsubót og heilbrigði, þar sem lögð verður áhersla á þá
þætti þar sem ísland hefur sérstöðu, einnig að hefja mark-
aðssetningu á almennri heilbrigðisþjónustu.
■ Stefna ber að því að auka ferðamannaverslun og líta
ber á hana sem mikilvægan hluta af ferðaþjónustu.
■ Unnt verði að flytja að og frá landinu þá ferðamenn sem
skoða vilja og heimsækja landið, á hagkvæmastan og arð-
bæran hátt. Þetta gildir jafnt um flutninga að og frá land-
inu, sem og á milli staða innanlands. Frjálsræði í flutning-
um ríki eftir því sem kostur er. Keflavíkurflugvöllur gegni
áfram hlutverki sínu sem aðalmillilandaflugvöllur landsins
og Reykjavíkurflugvöllur verði miðstöð innanlandsflugs.
■ Stefnt skal að þvt að ísland gegni forystuhlutverki á
sviði umhverfisverndar og ferðaþjónusta í anda sjálfbærrar
þróunar verði efld, þannig að hér á landi verði rekin ferða-
mennska í sátt við land og þjóð. Tryggður verði frjáls að-
gangur ferðamanna að öllu landinu en þess jafnframt gætt
að rekstur og uppbygging á ferðamannastöðum spilli ekki
náttúru landsins og umhverfi og að ferðamenn dreifist um
landið til að minnka álag á einstaka staði.
■ Framtíðaruppbygging og skipulag staða og svæða
taki mið af þörfum ferðaþjónustu.
■ Stefna ber að því að nýta séreinkenni náttúru íslands
og sérþekkingu íslendinga á ýmsum sviðum í ferða-
þjónustu og auka samvinnu á milli ferðaþjónustu og vís-
indamanna.
■ Ferðamenn geti sem víðast fengið nauðsynlegar upp-
lýsingar í aðgengilegu formi og ferðalög verði gerð örugg-
ari með notkun nýjustu upplýsingatækni.
■ TÖLULEG MARKMIÐ
Með því að fylgja framangreindri meginstefnu er talið að
ná megi eftirtöldum tölulegum markmiðum I feröaþjónustu
á íslandi árin 1996-2005:
TEKJUR AF FERÐAÞJÓNUSTU
Gjaldeyristekjur þjóðarinnar af ferðaþjónustu aukist að
meðaltali um 6% á ári og verði um 38 milljarðar árið 2005.
20