AVS. Arkitektúr verktækni skipulag - 01.12.1999, Qupperneq 50

Garðaholt fyrir miðri mynd. Ljósm: AVS.
þjónustuþætti eins og löggæslu og slökkvilið. Mér
finnst, svo þau dæmi séu nefnd, að ekki sé sjálf-
gefið að stjórnun þeirra mála verði á einni hendi.
Ástæðan er sú, að ég hefði áhyggjur af því að
slakna myndi á öryggisþjónustu við jaðarbyggðir á
höfuðborgarsvæðinu við slíkan samruna. Slíkir
öryggisþættir lúta huglægu mati um umfang og
þjónustustig og fjármunir af skornum skammti. Þar
yrði hætta á því að þeir sem smærri eru yrðu undir
í samstarfi við hina stærri.
Náið samstarf og samráð um þessi verkefni og
velflest önnur er aftur á móti sjálfgefið.
Ég minnist þess frá árum mínum sem bæjar-
stjóri í Hafnarfirði frá 1986-1993, að samstarf-
flokkar bæjarstjóranna á svæðinu var mikið og
náið. Ekki eingöngu hittumst við reglulega einu
sinni í mánuði og fórum yfir sviðið, heldur var
mikið óformlegt samband okkar í milli. Skipti þá
engu hið pólitíska baksvið eða stærðar- og getu-
munur sveitarfélaganna, heldur fundum við að
þetta samráð skilaði árangri og glæddi skilning
okkar á viðhorfum hvers annars og þeim verk-
efnum sem í gangi voru á svæðinu.
STÆRÐARMUNUR OC SAMEINING
Það hefur vitaskuld veruleg áhrif, að eitt þeirra
átta sveitarfélaga, sem tilheyra höfuðborgarsvæð-
inu, er langfjölmennast, fyrir utan það að vera
höfuðborg landsins. Auðvitað taka samskipti sveit-
arfélaganna nokkurt mið af þessari staðreynd. Ég
hef t.a.m. oft hreyft því hvers vegna lögbundin
þjónusta og opinber stjórnsýsla, sem þjónar land-
inu öllu, þurfi endilega að vera innan borgarmark-
anna, þegar allt eins væri hægt að finna henni
hentugan stað í nágrannabyggðarlögum. Það
gildir um undirstofnanir ráðuneyta, jafnvel ráðu-
neytin sjálf, ef því er að skipta. Nýleg umræða um
staðsetningu Listaháskóla vekur einmitt þá spurn-
ingu, hvers vegna það þurfi að jafngilda höfuð-
synd, að þeirri starfsemi verði fundinn staður í
Hafnarfirði, eða í öðrum nágrannabyggðarlögum.
Sama gildir um fjölmargar aðrar opinberar og hálf-
opinberar stofnanir, s.s. Ríkisendurskoðun, Sam-
keppnisstofnun, höfuðstöðvar Vegagerðar ríkisins
svo dæmi séu nefnd af handahófi.
Það er óhjákvæmilegt annað í umræðu um
svæðisskipulag höfuðborgarsvæðisins en nefna í
framhjáhlaupi nýjar og gamlar hugmyndir um
sameiningu sveitarfélaga á svæðinu. Ég hef verið
í hópi þeirra sem telja óskynsamlegt að stefna að
sameiningu allra sveitarfélaganna á höfuðborgar-
svæðinu, eins og sumir hafa haldið á lofti. Það
48