Bændablaðið - 09.02.2023, Page 59

57 Bændablaðið | Fimmtudagur 9. febrúar 2023
Stærðir: S M L XL
Yfirvídd: 94 100 111 120
Efni: 450-450-500-550 g Þingborgarlopi í aðallit.
50 g af þremur lopalitum frá Þingborg - Slettuskjótt í
mynstur. Eins er hægt að hafa aðeins einn eða tvo liti
í mynstur. Ef notaður er lopi frá Ístex verður að gæta
að prjónfestu, ekki er sami grófleiki á honum og á
Þingborgarlopanum.
Prjónað er úr plötulopanum tvöföldum.
Sokkaprjónar 4 og 5 mm
Hringprjónar 4 og 5 mm 40, 60 og 80 sm langir
Á opinni peysu: Heklunál 4 mm. Rennilás eða 8-9 tölur.
Prjónfesta: 14 l og 23 umf í sléttu prjóni = 10 x 10 sm
Önnur prjónastærð getur hentað, allt eftir því hvort
prjónað er fast eða laust, finnið það út með því að
prjóna prufu. Bolur og ermar eru prjónuð í hring og
eins axlastykki.
Bolur: Fitjið upp 132-140-156-168 l á 4 mm 80 sm
hringprjón, prj stroff í hring 6-8 sm 2 sléttar og 2
brugðnar með þriðju hverja umf slétta. Skipt yfir á 5
mm 80 sm hringprjón. Prjónað sl uns bolur mælist 38-46
sm. (Lengd á bol er smekksatriði, mælið viðkomandi og
metið bolsídd.) Á opinni peysu er stroff prjónað fram og
til baka og þegar tengt er í hring eru fitjaðar upp 2 lykkjur
aukalega sem eru prjónaðar brugðnar upp að hálsmáli.
Á dömupeysu er fallegt að gera ,,mitti“ á peysuna með
því að taka úr á bol. Setjið merki í báðar hliðar, takið úr
2 l hvoru megin, *prj 2 l saman, prj 1 l, prj 2 l saman*.
Fyrst er tekið úr er bolur mælist 8-12 sm og síðan 2x
aftur með 5 sm á milli. Alls eru teknar úr 12 l. Prj 5 sm,
þá er aukið út aftur samsvarandi og með sama millibili
og tekið var úr og endað með sama lykkjufjölda. Mælið
ykkur og metið hvað þið viljið hafa bolinn síðan og hvar
þið viljið að úrtaka byrji.
Ermar: Fitjið upp 32-36-36-40 l á 4 mm sokkaprjóna
prjónið stroff í hring 6-8 sm. Skiptið yfir á 5 mm
sokkaprjóna þegar stroffi er lokið og aukið strax um 2
l undir miðri ermi, (1 l eftir fyrstu lykkju og 1 lykkju fyrir
síðustu l í umf). Endurtakið aukningu 8-8-9-9 x upp
ermi, með u.þ.b. 8 umf á milli, þar til 50-54-56-60 l eru
á prjóninum. Skiptið yfir á 5 mm stutta hringprjóninn
á u.þ.b. miðri ermi. Gott er að nota prjónamerki til að
merkja þar sem aukið er út. Prjónið uns ermi mælist
44-52 sm. (Mælið handlegg og metið hve ermin á að
vera löng)
Axlastykki: Sameinið nú bol og ermar á 5 mm langa
hringprjóninn. Setjið 5-5-5-6- síðustu l og 5-5-6-6- fyrstu
l á báðum ermum á prjónanælu. Setjið 10-10-11-12 af
bol á prjónanælu þar sem umferð byrjar vinstra megin á
bol. Prjónið fyrri ermina við bolinn 40-44-45-48 l, prjónið
næstu 56-60-67-72 l af bol og setjið næstu 10-10-11-12
l á hjálparprjón. Prjónið seinni ermina við og gerið eins
og með hana. Prjónið síðan 56-60-67-72 l af bol, þá eru
192-208-224-240 l á prjóninum. Prj 2 umf í aðallit, síðan
er prj mynstur eftir teikningu. Skiptið á styttri prjóna eftir
því sem lykkjum fækkar. Þegar mynstri lýkur er tekið úr
aukalega þar til 64-72 l eru eftir á prjóninum, (4 verða
að ganga upp í) þá er skipt á 4 mm 40 sm hringprjón
og prj 6-8 sm stroff og 4 umf slétt prjón, fellt af. Gangið
vel frá öllum endum og lykkjið saman undir höndum.
Axlastykki á opinni peysu: Prj 28-30-33-36 l af bol að
framan, umf byrjar næst við brugðnu l, setjið 10-10-11-
12 næstu l á prjónanælu og prj fyrri ermina við 40-44-
45-48 l og svo 56-60-68-72 l á bol, setjið næstu 10-10-
11-12 l af bol á prjónanælu og gerið eins með hina
ermina og að síðustu 28-30-33-36 l af bol. Þá eiga að
vera á prjóninum 192-208-224-240 l. Í öllum stærðum
þarf að auka um 3 l áður en byrjað er á mynstri, til að
það gangi upp. Þá eru 195-211-227-243 l á prjóninum.
Prj mynstur eftir teikningu. Fyrsta og síðasta l er prj í
aðallit (sjá mynsturblað) hún fer undir boðung. Notið
styttri hringprjóna eftir því sem lykkjum fækkar. Þegar
mynstri lýkur er tekið úr aukalega þar til u.þ.b. 66-74
l eru eftir á prjóninum. Fellið af aukalykkjurnar 2 sem
prj voru brugðnar upp. Þá er skipt á 40 cm hringprjón 4
mm og prj fram og til baka 6-8 sm stroff eins og neðan á
peysu og 4 umf slétt prjón. Fellið af. Gangið vel frá öllum
endum og lykkjið saman undir höndum.
Listar: Saumið í vél með beinu þéttu spori og samlitum
tvinna í brugðningu að framan sitt hvoru megin, sem
næst slétta prjóninu. Gott er að sauma tvisvar hvoru
megin. Klippið upp á milli saumanna. Snúið réttunni á
peysunni að ykkur og notið heklunálina til að taka upp
lykkjur í hneppulista þvert á prjónið. Krækið í bandið
með heklunálinni í gegnum lykkjurnar, en sleppið alltaf
fjórðu hverri umferð, það er ágætis þumalputtaregla,
þá er listinn passlega langur. Færið lykkjurnar jafnóðum
yfir á hringprjón 4 mm 80 sm langan. Látið listann ekki
ná upp í slétta prjónið í hálsmáli. Prjónið stroff 2-3 umf
ef það á að setja rennilás en 5-6 umf ef setja á tölur
og gerið þá hnappagöt með jöfnu millibili á annan
boðunginn. Passið að affellingin sé mátulega strekkt.
Til að fela sárið innan á eftir saumaskapinn, er gott að
hekla eina umf. af fastahekli yfir það og varpa því svo
niður með einföldu spori. Eins er hægt að hekla framan
á boðunginn, eina umf af fastahekli ef setja á rennilás
en 2-3 umf fyrir tölur og þá eru sett hnappagöt á annan
boðunginn með jöfnu millibili. Ef heklað er á boðunginn
notið þá heklunál 4.5 mm og heklið í aðra hverja umf.
Ef settur er rennilás er mælt fyrir honum eftir þvott og
hann hafður u.þ.b. 4 sm styttri en boðungurinn mælist.
Þræðið hann á og passið að mynstur standist á. Ef hann
er saumaður á í saumavél er gott að sauma hann í sömu
átt beggja megin og byrja þar sem mynstur byrjar og
sauma að hálsmáli og eins þegar saumað er niður. Með
þessari aðferð gengur betur að láta mynstur stemma en
ef saumað væri sitt í hvora áttina.
Það eru myndbönd á Youtube um frágang sem reynst
gætu gagnleg, setjið inn ,,frágangur á lopapeysu” í
leitarglugga og þá koma upp tvö myndbönd frá höfundi
þessarar uppskriftar.
Þvottur: Þvoið flíkina í volgu vatni með góðri ullarsápu
eða sjampói. Skolið vel og vindið svo í hálfa mínútu í
þvottavél. Mikilvægt er að vélin fari strax að vinda, (þær
eru misjafnar að þessu leyti) en sé ekki að veltast með
flíkina fyrst, þá getur hún þófnað. Leggið peysuna á
handklæði til þerris.
Hönnun: Margrét Jónsdóttir
Alvöru hetja!

Þingborg
.
Hann Gunnar Ingi er hress og
kröftugur strákur sem stefnir á
sjómennsku í framtíðinni.
Nafn: Gunnar Ingi Sigurðsson.
Aldur: 8 ára en verð 9 ára á árinu.
Stjörnumerki: Meyja.
Búseta: Keldunúpur/Sauðárkrókur.
Skóli: Kirkjubæjarskóli á Síðu.
Skemmtilegast í skólanum:
Smíði.
Áhugamál: Skip, fótbolti,
körfubolti og sveitastörf.
Tómstundaiðkun: Æfi fótbolta og
píanó.
Uppáhaldsdýrið: Hestur og
hundur.
Uppáhaldsmatur: Fiskur í raspi
og hamborgari.
Uppáhaldslag: Tarantúla með
Úlfurúlfur.
Uppáhaldslitur: Blár.
Uppáhaldsmynd: Harry Potter.
Fyrsta minningin: Þegar við afi
Gunnar fórum með Málmey í slipp
á Akureyri.
Hvað er það skemmtilegasta sem
þú hefur gert: Fara út á sjó.
Hvað langar þig að verða þegar
þú verður stór: Sjómaður.
Galdurinn við Sudoku-þrautirnar er að setja réttar tölur, frá 1–9, í eyðurn ar. Sama talan má ekki koma
fyrir tvisvar í línu lárétt og lóð rétt og heldur ekki innan hvers reits sem afmarkaður er af sverari lín um.
SUDOKUÞRAUTIR Bændablaðsins
Þung Þyngst
Létt Miðlungs
ERFINGJAR LANDSINS
HANNYRÐAHORNIÐ
Skuggi
Við hvetjum sem flesta til að hafa samband ef ykkur langar að vera með!
sigrunpeturs@bondi.is