Þingtíðindi Alþýðusambands Íslands ... - 24.11.1980, Qupperneq 71

Frá Óskari Vigfússyni og fl.:
„34. þing Alþýðusambands íslands beinir þeirri eindregnu áskorun til
sjávarútvegsmálaráðherra að nú þegar verði gefin út reglugerð um að allir
sjómenn fái minnst þriggja daga frí frá veiðum yfir jólahelgina."
Frá Jóhönnu Friðriksdóttur:
„34. þing Alþýðusambands íslands samþykkir að fela miðstjórn að beita
sér fyrir því að Alþýðusambandið gefi út handbók um túlkun samninga í
formi spurninga og svara."
Frá Ragnari Karlssyni o. fl. ásamt tillögu fóhönnu Friðriksdóttur nokkuð
breyttri:
„34. þing ASÍ samþykkir að fela miðstjórn sambandsins að beita sér fyrir
nýrri lagasetningu um bættan rétt starfsfólks þegar um uppsagnir er að ræða.
Skal með þeim lögum tryggt að allir njóti fyllsta uppsagnarréttar og aldrei
verði fleirum sagt upp en láta eiga af störfum. Uppsagnarástæða skal til-
greind og þegar fólki er sagt upp vegna samdráttar í starfsemi skal skylt að
fara eftir starfsaldri þar sem því verður við komið. Við endurráðningu skal
á sama hátt fara eftir starfsaldri þannig að fyrst verði endurráðnir þeir sem
hafa lengstan starfstíma að baki. Verkalýðsfélögum og vinnumálaskrifstofu
skal tilkynnt um ráðgerðan samdrátt með þeim mun lengri fyrirvara sem
fleirum er sagt upp og aldrei síðar en þegar sá starfsmaður sem lengstan
starfsaldur hefur að baki fær uppsögn sína.
Ennfremur samþykkir 34. þing ASÍ að fela miðstjórn að beita sér fyrir því,
að 3. gr. laga um rétt verkafólks til uppsagnarfrests frá störfum o. fl. verði
breytt þannig að atvinnurekendum verði ótvírætt óheimilt að fella niður
launagreiðslur til starfsfólks með tilvísun til hráefnisskorts."
Þá samþykkti nefndin samhljóða að mcela með að send verði eftirfarandi
umsögn um frumvarp til laga um breytingu á lögum nr. 80, 11. júní 1938,
um stéttarfélög og vinnudeilur, sem lagt hefur verið fram á Alþingi af Pétri
Sigurðssyni o. fl.:
„Vegna fram kominnar óskar félagsmálanefndar neðri deildar Alþingis
ítrekar 34. þing Alþýðusambands íslands fyrri yfirlýsingar samtakanna um
að löggjafinn hlutist ekki til um innri mál verkalýðshreyfingarinnar."
Þá leggur kjara- og atvinnumálanefnd til samhljóða að þingið samþykki
eftirfarandi tillögur sem mótaðar voru í nefndinni:
69