Þingtíðindi Alþýðusambands Íslands ... - 24.11.1980, Qupperneq 73

1. Fyrri hluta draga að ályktun um kjara- og atvinnumál, dags. 12/11 ’80
frá Trésmiðafélagi Reykjavíkur.
2. Tillögu frá Herdísi Ólafsdóttur og Bjarnfríði Leósdóttur.
3. Seinni hluta 3. breytingartillögu Guðmundar Sæmundssonar o. fl. og
miðhluta 8. breytingartillögu Guðmundar Sæmundssonar o. fl.
Athugasemdir til skýringar
Ofangreindar tillögur komu fram við fyrstu umræðu og gerðu flutnings-
menn þar grein fyrir þeim. í tillögunum er að finna hugmyndir um það
hvernig staðið skuli að næstu kjarasamningum og hvernig haga skuli kröfu-
gerð. Um þessi efni skal fjallað á formannaráðstefnu í mars samkv. V. kafla
draga að kjaramálaályktun.
FRÁ LÍFEYRISMÁLANEFND
Þingskjal nr. 48
Álit lífeyrismálanefndar
Lífeyrismálanefnd samþykkti samhljóða að mæla með því við 34. þing
ASÍ, að eftirfarandi tillaga um lífeyrismál verði samþykkt sem ályktun
þingsins:
„34. þing ASÍ telur, að meðal mikilvægustu réttindamála, sem verkalýðs-
hreyfingin hefur samið um, sé stofnun hinna almennu lífeyrissjóða. Þrátt
fyrir þann stóra áfanga skortir enn mjög á, að lífeyrisréttindi þau, sem
verkafólk nýtur og hið almenna tryggingakrefi og lífeyrissjóðir veita, tryggi
viðunandi elli- og örorkulífeyri.
Þingið fagnar þeim áföngum, sem náðst hafa í lífeyrismálum frá síðasta
þingi, samkomulaginu 1977 um tíðari hækkanir á upphæð uppbótar á líf-
eyri, samþykkt nýrra laga um eftirlaun til aldraðra 1979, nýrra laga um starfs-
kjör launafólks og skyldutryggingu lífeyrisréttinda vorið 1980 og samkomu-
lagi, sem gert var í síðustu samningum um aukna verðtryggingu lífeyris og
hagstæðari greiðslureglur fyrir lífeyrisþega.
Þrátt fyrir þessa áfangasigra viðgengst enn óþolandi misrétti í lífeyris-
réttindamálum og fordæmir þingið að félagar innan ASÍ séu skyldaðir til að
greiða afkomuöryggi annarra þjóðfélagsþegna, meðan þeir sjálfir þurfa að
búa við alls óviðunandi lífeyriskjör.
Þess vegna verður ekki lengur undan því vikist að hraða þeirri endur-
skipulagningu lífeyriskerfisins, sem nú stendur yfir, þannig að samfelldu líf-
71