Þingtíðindi Alþýðusambands Íslands ... - 20.05.1996, Side 20

Þátttaka í þessu starfi er okkur nauðsynleg af ýmsum ástæðum. Ein augljós
ástæða er að samevrópskar reglur um félags- og vinnumarkaðsmál taka gildi hér
á landi vegna EES-samningsins.
Af hálfu ASÍ hefur verið lögð mikil áhersla á að gera kjarasamninga um til-
skipanir sem snúa að vinnumarkaðnum. Fyrsti samningurinn af þessu tagi um
skyldu atvinnurekenda til þess að votta ráðningarkjör starfsmanna var gerður
fyrir nokkrum vikum síðan. Sem dæmi um starf ASÍ innan Evrópusamtakanna
vil ég nefna að við tókum virkan þátt í að gera samning á milli Evrópusamtaka
launafólks og atvinnurekenda um foreldraorlof á síðasta ári. Það mál mun
reyndar verða kynnt betur hér á þinginu síðar.
Annað dæmi um þátttöku okkar í erlendu samstarfi er að ASÍ hefur tekið
virkan þátt í starfi ráðgjafarnefndar EFTA í mörg ár og á síðustu tveimur árum
hefur fulltrúi ASI farið með formennsku í þeirri nefnd.
Um þátt okkar í erlendu samstarfi vil ég segja að lokum að auðvitað er
meginmarkmiðið með því eins og með öðru starfi okkar að vernda kjör okkar
og bæta þau á heimavelli. Þetta er ekki síst nauðsynlegt nú þegar fjármagns-
streymi og eignaraðild fyrirtækja er nánast óhindrað milli landa. Fjármagnið
þekkir ekki landamæri. Þess vegna er nauðsynlegt að samtök launafólks hafi
með sér samstarf og tengist á sama hátt án tillits til landamæra.
Samskipti við stjórnvöld
Félagar, nú vil ég aðeins víkja að beinum samskiptum samtaka okkar við stjóm-
völd á því kjörtímabili sem nú er að ljúka.
Síðasta kjörtímabil miðstjómar hefur einkennst af miklum efnahagslegum
þrengingum á fyrri hluta tímabilsins og síðan verulegum umskiptum til hins betra
á seinni hlutanum. Þessar þrengingar hafa leitt til þess að verkalýðshreyfingin
hefur átt í hörðum og vaxandi deilum við stjómvöld um flest okkar mál, hvort
sem það viðkemur uppbyggingu velferðarkerfisins, útfærslu tekju- og jafnlauna-
stefnunnar eða forsendum efnahagsstefnunnar.
Við höfum háð harða baráttu við stjómvöld um að verja velferðarkerfið og
móta skattakerfið. Núverandi og fyrrverandi nkisstjórnir hafa mundað niður-
skurðarkutann ótæpilega og út frá óforsvaranlegum skammtímasjónarmiðum. A
ýmsum sviðum hefur okkur þó tekist að ná árangri með þrotlausri vinnu og
áróðri. Ég nefni dæmi eins og hátekjuskatt, lækkun matarskattsins í 14%, afnám
tvísköttunar af lífeyrisiðgjöldum, breytingar á samsetningu lánskjaravísitölunnar
og álagningu fjármagnstekjuskatts. Ennfremur hefur okkur nokkuð tekist að verja
kjör og réttindi þeirra atvinnulausu og elli- og örorkulífeyrisþega.
Þennan árangur vil ég tileinka trúverðugum og traustum málstað og þeirri við-
leitni okkar að hafa áhrif á ákvarðanir stjórnvalda, þrátt fyrir að við höfum orðið
að axla hluta af ábyrgðinni af ákvörðunni. Verkalýðshreyfing sem ekki nýtir sér
alla möguleika á því að hafa áhrif, út frá skýrt markaðri stefnu um hversu langt
hún er tilbúin að ganga, stendur að mínu viti ekki undir væntingum félagsmanna.
18