Þingtíðindi Alþýðusambands Íslands ... - 20.05.1996, Page 25

umtalsverðar breytingar meðal aðildarfélaga hins nýja sambands, þar sem félög
hafa verið að renna saman og sameinast. Þessarar þróunar hefur einnig gætt víð-
ar í hreyfingunni, innan Verkamannasambandsins, meðal samtaka verslunar-
manna og milli þessara sambanda og frekara samstarf og samruni félaga er í far-
vatninu.
Nú um nokkurt árabil hefur skipulag verkalýðshreyfingarinnar og starfsemi
verið umfjöllunarefni á vettvangi sérfræðinganefndar Evrópuráðsins. I því sam-
bandi er mikilvægt að halda til haga að þrátt fyrir fullyrðingar andstæðinga okk-
ar hefur Evrópuráðið ekki séð ástæðu til að gera formlega athugasemd við fyrir-
komulag mála hér á landi.
Fyrir þessu þingi liggur að taka afstöðu til tillögu að fyrirmyndarlögum fyrir
aðildarfélög ASÍ þar sem tekinn eru af öll tvímæli um að reglur um greiðslur til
stéttarfélaga, félagsaðild og forgagnsrétt séu í fullu samræmi við mannréttinda-
ákvæði alþjóðasamninga. í þessum tillögum um fyrirmyndarlög aðildarfélaganna
og lágmarksreglugerð fyrir sjúkrasjóði er leitast við að mæta gagnrýni með því að
treysta skipulag okkar, efla félögin og skilgreina betur þau réttindi sem aðild að
stéttarfélögum og sjúkrasjóðum þeirra veita félagsmönnunum.
Einnig er bent á mikilvægi þess að hlutverk ólíkra eininga hreyfingarinnar og
verkaskipting sé skilgreint í samræmi við þau verkefni sem okkur er ætlað að
takast á við. Þannig er lögð áhersla á að við mótum launastefnu hreyfingarinnar
og við skipulagningu kjarasamningagerðar verði hlutverk heildarsamtakanna,
sambandanna, aðildarfélaganna og vinnustaðanna skilgreint með það að mark-
miði að treysta stöðu okkar og tryggja sem bestan árangur í samskiptum okkar og
þeim kjaraátökum við atvinnurekendur og ríkisvald á næstu mánuðum sem virð-
ast óumflýjanleg.
Öflugt innra fræðslustarf er einnig eitt mikilvægasta tækið í þeirri baráttu. Við
verðum að vera mun duglegri að nýta fræðslustofnanir okkar til að byggja upp
þekkingu og hæfni meðal starfsmanna stéttarfélaganna, trúnaðarmanna úti á
vinnustöðunum og almennra félagsmanna til að takast á við verkefni sín. Við
verðum að stórauka almenna félagsmálafræðslu fyrir forystufólk okkar þannig að
það verði sem best búið undir umræðu og stefnumótun á fjölmörgum sviðum
samfélagsins. Þá er ljóst að við verðum að búa forystumenn hreyfingarinnar, að-
ildarfélaganna og trúnaðarmenn úti á vinnustöðunum sem best undir að takast á
við kjarasamningagerð á öllum stigum. Auðvitað þurfum við að vinna markvisst
að fræðslumálum fyrir stjómarmenn og trúnaðarmenn í hreyfingunni en það ger-
ist ekkert nema að við viðurkennum að menntunar sé þörf og það verði eitt af for-
gangsverkefnum okkar í innra starfi stéttarsamtakanna.
A vettvangi Alþýðusambandsins hefur umræðan um stöðu verkalýðshreyfing-
arinnar og framtíðina að mestu verið bundin við samtökin sjálf og aðildarfélög
þeirra. Það er jafnframt mikilvægt að við gleymum því ekki að launafólk í skipu-
lögðum samtökum hér á landi er að finna víðar en í ASÍ. Aðför stjómvalda að
verkalýðshreyfingunni síðustu mánuði hefur orðið til að endurvekja samstarf milli
23