Þingtíðindi Alþýðusambands Íslands ... - 20.05.1996, Qupperneq 43

þingfulltrúa ýmsar tillögur sem vörðuðu skipulagsmál Alþýðusambandsins og
lagabreytingar, bæði sem unnar höfðu verið af ábyrgðarhópnum og sendar höfðu
verið inn af aðildarfélögum og einstaklingum.
Meginefnið sem unnið var til undirbúnings fyrir 38. þing ASÍ var tekið sam-
an í tvö rit sem send voru út til aðildarfélaganna og væntanlegra þingfulltrúa í
fyrri hluta apríl. Samtals voru þessi tvö rit á annað hundrað síður í A4 broti og
þar tekið á flestu því sem verkalýðshreyfingin lætur sig varða í starfi sínu og við
stefnumótun:
í Drögum að stefnu og starfsáætlun fyrir ASI1996 - 2000 var tekið saman allt
efni sem unnið var fyrir þingið að frátöldu því sem varðaði sérstaklega skipulags-
mál verkalýðshreyfingarinnar og lagabreytingar. Þar var að finna um atvinnu-
stefnuna og framtíðina; Launamanninn, fjölskylduna og vinnumarkaðinn; Verka-
lýðshreyfinguna og umheiminn; og Verkalýðshreyfinguna og samfélagið. Þetta
rit fékk fljótt viðurnefnið Rauða bókin í samræmi við litinn á kápu þess.
í Drögum að stefnu um innri málefni ASÍ og tillögur að lagabreytingum
ásamt drögum að lágmarksreglugerð fyrir sjúkrasjóði var tekið saman efni er
varðaði sérstaklega skipulagsmál Alþýðusambandsins og lagabreytingar tengdar
þeim, almennar lagabreytingar og tillögu að lágmarksreglugerð fyrir sjúkrasjóði.
Græna bókin var þessi samantekt kölluð enda kápan græn.
í framhaldi af útgáfu ritanna tveggja var síðan boðað til funda með stjórnum
aðildarfélaga ASÍ og væntanlegum þingfulltrúm vítt og breitt um landið dagana
18. - 23. apríl þar sem efni þeirra var kynnt og fjallað um undirbúningur undir
þingið að öðru leyti kynntur. Við það tækifæri kom út fyrsta tölublaðið af Þing-
tíðindum, upplýsinga og fréttablaði um 38. þing ASÍ, sem síðan var gefið út dag-
lega meðan á þinginu stóð.
Fullyrða má að aldrei áður hafi verið lögð jafn mikil vinna í málefnaundir-
búning vegna ASÍ þings og jafn margir félagar innan sambandsins komið þar að.
Þingfulltrúakjör og fleira
Á sambandsstjórnarfundi ASÍ 27. og 28. nóvember 1995 var m.a. tjallað um
væntanlegt þing ASÍ. Á fundinum var undirbúningur þinghaldsins kynntur. Þá
var einnig samþykkt eftirfarandi heimild til miðstjómar ASI:
Sambandsstjórnarfundur Alþýðusambands íslands haldinn dagana 27. og
28. nóvember 1995 samþykkir að miðstjórn ASÍ hafi heimild til að veita af-
brigðifrá 2. mgr. 28. gr. laga ASÍ sbr. 1. mgr. 41. gr. og 42. gr.
Heimild þessi felur í sér að miðstjórn skal leitast við að tryggja að einstök
félög sendi skýrslur sínar inn til miðstjórnar nægilega tímanlega til aðfull-
trúatal félaganna á Alþýðusambandsþinginu verði miðað við fjölda félags-
manna um áramótin 1995-96 en takist ekki að ná þessu markmiði skal mið-
stjórn heimilt að veita afbrigði til að miða megi við fjölda félagsmanna eins
og hann var um áramótin 1994-1995.
41