Þingtíðindi Alþýðusambands Íslands ... - 20.05.1996, Side 111

næstu árum. ASÍ mun því beita sér fyrir öflugu átaki í verk- og tæknimenntun í
almennum iðnaði.
ASÍ telur að stuðla verði með öllum ráðum að stækkun fyrirtækja í almenn-
um iðnaði og auknu samstarfi og sérhæfingu þeirra þannig að þau geti staðið
undir kostnaði við vöruþróun og markaðsmál.
ASI telur að stjórnvöld hafi mikilvægu hlutverki að gegna við að tryggja
samkeppnishæfni iðnaðar með öflugu og skilvirku stoðkerfi í formi rannsóknar-
og þróunarverkefna, tækniþróunar og yfirfærslu tækni frá öðrum löndum, öflun-
ar nýrra markaða og þróunar nýrra samstarfsforma milli lítilla og meðalstórra
fyrirtækja.
Mikilvægt er að koma á skipulögðu þríhliða samstarfi um mótun og fram-
kvæmd nýsköpunarstefnu fyrir atvinnulífið. ASI telur að nýta eigi Iðnþróunar-
sjóð í þessu sambandi og því nauðsynlegt að gerðar verði breytingar á lögum
sem um sjóðinn gilda.
L. Sjávarútvegsmál
ASÍ styður þá meginstefnu að sóknin í fiskistofnana verði takmörkuð miðað við
vísindalegar kannanir fiskifræðinga. Nauðsynlegt er að við val á stjórnkerfi við
takmörkun veiðanna verði langtíma hagsmunir þjóðarinnar um hámarksafrakst-
ur hverju sinni tryggðir.
Við núverandi aðstæður telur ASÍ að auðlindaskattur á sjávarútveginn sé
ekki leið til að tryggja eignaryfirráð þjóðarinnar á fiskimiðunum. Þess í stað tel-
ur ASÍ að stjórnvöld eigi að beita þessum yfirráðarétti sem atvinnupólitísku tæki
til að tryggja framgang heilsteyptrar stefnu í atvinnumálum. Þetta verður að gera
með því að setja nánari og þrengri skilyrði fyrir ráðstöfunarrétti útgerðarmanna
á fiskveiðiheimildum.
Slík skilyrði eiga að stuðla að því að allur afli fari fullunninn til neytenda til
þess að hægt verði að skapa forsendur fyrir aukinni verðmætasköpun í greininni.
Stefnt skal að því að allur afli fari til vinnslu innanlands.
• ASÍ telur mikilvægt að þegar verði hafinn undirbúningur að mótun
sérstakrar framkvæmdaáætlunar um hraðari breytingar á fiskvinnslunni úr
þeirri hráefnaframleiðslu sem nú er í átt til meiri fullnýtingar afla.
• í því sambandi verður að endurskoða lögin um Þróunarsjóð sjávarútvegsins
og nýta hann í þessu verkefni. ASÍ telur óeðlilegt að það fjármagn sem til
ráðstöfunar er í þessum sjóði sé nýtt til þess að losa fjármagnseigendur und-
an eðlilegri áhættu sinni án þess að hugað sé að úrbótum fyrir þá starfsmenn
sem missa vinnuna við úreldingu fyrirtækjanna.
ASÍ telur að afnema eigi framsalsrétt útgerðarmanna á veiðiheimildum.
• Koma verður í veg fyrir að útgerðarmenn sem fá kvóta úthlutaðan endur-
gjaldslaust geti selt hann öðrum eða leigt án þess að nýta hann sjálfir.
• Tryggja verður möguleika á því að útgerðarmenn geti skipst á veiðiheimild-
109