Þingtíðindi Alþýðusambands Íslands ... - 20.05.1996, Síða 120

A. Leikskólinn
Leikskólar eru fyrsta skólastig barna. Þar verður að leggja áherslu á andlegan og
líkamlegan þroska barna, eflingu á félagslegum þroska, sköpunargleði og um-
hverfisfræðslu. Samræma þarf leikskólastigið og grunnskólastigið þannig að
færsla á milli skólastiganna verði barninu sem auðveldust. Þar sem leikskólinn
er eitt af skólastigunum verður að tryggja öllum börnum aðgang að honum.
B. Grunnskólinn
Ný lög um grunnskóla eru um margt góður rammi fyrir öflugt og árangursríkt
skólastarf. Lögin eiga að efla framsækna skólastefnu og starfsemi þessa skóla-
stigs.
• Tryggja verður sveitarfélögunum nauðsynlegar forsendur til að yfirtaka og
efla starfsemi grunnskólans. Jafnframt verður að gera þær kröfur til sveitar-
félaganna sjálfra að þau skapi þau almennu fjárhagslegu og félagslegu skil-
yrði sem eru forsenda öflugs og metnaðarfulls skólastarfs. Góður grunnskóli
á að vera eitt helsta metnaðarmál hvers sveitarfélags.
• Grunnskólinn á að keppa að því að skilja við sérhvern nemanda sinn þannig
að hann hafi bæði undirstöðu og áhuga á að sækja sér frekari þekkingu og
undirbúning fyrir störf í atvinnulífinu og að hann sé virkur þátttakandi í lýð-
ræðisþjóðfélagi. Þetta á jafnframt að vera skýlaus réttur allra nemenda.
Grunnskóli sem bregst að þessu leyti hefur brugðist grundvallar skyldum
sínum.
• Til að geta leyst verkefni sitt vel af hendi verður grunnskólinn að starfa í ná-
inni snertingu við umhverfi sitt. Tengsl atvinnulífs og skóla þurfa að vera
mikil þar sem grunnskólinn þjónar mikilvægu hlutverki í að efla skilning
nemendanna á því samfélagi sem þeir búa í, vinnumarkaði, atvinnufyrirtækj-
um og þeim störfum sem þar eru unnin. Jafnframt þarf að veita nemendum
í efri bekkjum grunnskólans fræðslu um réttindi og skyldur sem fylgja því
að vera þátttakandi í atvinnulífinu. Um leið verður grunnskólinn að haga
starfsemi sinni með tilliti til heimilanna og fjölskyldunnar. Grunnskólinn
verður að búa nemendur sína undir að takast á við skyldur og ábyrgð sem
fylgir þeirri ákvörðun að stofna og eiga fjölskyldu.
• Hvetja ber foreldra og fulltrúa þeirra til virkari þátttöku í stefnumótun varð-
andi skólastarfið og framkvæmd þess með þeim réttindum og skyldum sem
því fylgir. Um leið verður skólinn að taka slíku samstarfi með jákvæðum
hætti og nýta sér kosti þess.
• Fylgja verður fast eftir markmiðum nýrra grunnskólalaga um einsetinn
skóladag. Jafnframt verður að árétta þá kröfu að skóladagurinn sé samfelld-
ur og að boðið sé upp á heilsdagsskóla með aðstöðu og aðstoð við nemend-
ur til að vinna heimaverkefni og tryggan aðgang að íþrótta-, tómstunda- og
listnámi. Heilsdagsskólinn verður að tryggja nemendum aðgang að hollu
fæði. Þessi starfsemi á að fara fram foreldrum að kostnaðarlausu.
118